Bibliografía esencial:

2015 – Pájaro Indiano (Norma Editorial).

2016 – Marc Márquez. La historia de un sueño (Norma Editorial).

2017 – Millenium Saga 1 (Norma Editorial).

2017 – Himawari (Planeta Cómic).

2018 – Millenium Saga 2 (Norma Editorial).

CONFERENCIA

MARTES 7 – 19.30h

Kiosco Alfonso | Xardins de Méndez Núñez, 3

BELÉN ORTEGA

Belén Ortega (Granada, 1986)

Apaixonada da cultura xaponesa, estudou Belas Artes na Universidade de Granada e completou os seus estudos na Human Academy de Osaka, onde viviría durante un ano e tres meses.

Comezou a debuxar profesionalmente con ilustracións e historietas para publicacións, como Sugoi MagazineOhayo! ou Generación Sur, e as revistas especializadas en manga e anime de Ares Editorial Shirase, Dokan Minami. En 2007 publica o primeiro capítulo de “Himawari”,unha historiade samurais ambientada no Xapón medievalque apareceu no primeiro número da revista Line Mangazine, que foi distribuída no Salón do Manga de Barcelona e que gañou o premio popular de Ficomic como Mellor Manga Español en 2008. A serie quedaría sen continuidade até que Ediciones Glénat a publicou en 2011 en forma de monográfico dentro da “Línea Gaijin”, sendo esta a súa primeira obra longa como profesional.

Formou parte, até finais de 2010, do colectivo de autores Kamikaze Factory Studio, desde o cal realizou traballos de ilustración para multitude de soportes (revistas, carteis, webs ou libros), como o libro colectivo didáctico Kodomo Manga paso a paso (Monsa), deseños para a campaña publicitaria de Carolina BOIX ou ilustracións para varios discos relacionados co manga e o animeVitek Anime Music Experience, Melodía Eterna de AilynEn lo profundo del bosque de Charm ou Maison Ikkoku: las canciones de la serie.

En 2011, participa no volume colectivo TBO4Japan, onde recompila debuxos e ilustracións que diferentes artistas cederon desinteresadamente para axudar as vítimas de terremoto e posterior tsunami de Xapón do 11 de marzo de 2011.

Dous anos despois, en 2013, volvería participar noutro volume colectivo, Tinta de guatiné, onde 28 debuxantes contan nunha páxina como é o seu día a día.

En 2015, publica “Pájaro Indiano” con Norma Editorial, unha fábula localizada na Costa Brava a finais do século XIX; e tamén o seu primeiro “Artbook” (Ominiky Ediciones), onde compila multitude de ilustracións.

No ano seguinte, ampliaría o seu rexistro entrando de cheo no cómic biográfico co libro  “Marc Márquez: La historia de un sueño”, onde relata a vida do famoso piloto de motocicletas.

Actualmente está debuxando a continuación do éxito literario “Millenium”, de Stieg Larsson, para o mercado francés,cuxa adaptación comezou Josep Homs, nunha nova serie titulada Millenium Saga baixo guión de Sylvain Runberg. A serie está protagonizada pola famosa hácker sueca Lisbeth Salander e os seus compañeiros da Hacker Republic.