About Viñetas desde o Atlántico

This author has not yet filled in any details.
So far Viñetas desde o Atlántico has created 54 blog entries.

COMO O MÁIS EFICAZ DOS SUPERHEROES QUE TRANSITAN O CÓMIC, VIÑETAS DESDE O ATLÁNTICO SOUBO CONXURAR O MAL E A PESARES DA PANDEMIA CLAUSURA HOXE A EDICIÓN MÁIS COMPLEXA E ESTRAÑA

2020-08-23T13:33:28+02:00

O XXIII Salón Internacional do Cómic de A Coruña pecha esta tarde

COMO O MÁIS EFICAZ DOS SUPERHEROES QUE TRANSITAN O CÓMIC, VIÑETAS DESDE O ATLÁNTICO SOUBO CONXURAR O MAL E A PESARES DA PANDEMIA CLAUSURA HOXE A EDICIÓN MÁIS COMPLEXA E ESTRAÑA

Desde a organización, que desde o minuto un e pese ás circunstancias empeñouse en ver a botella medio chea, destacan a actitude cómplice da cidadanía cara ao festival e expresan o seu agradecemento infinito aos autores que no medio da situación xeral quixeron achegarse á cidade para departir cos seus seguidores.

Todas as exposicións de Viñetas seguirán abertas ao público ata o 13 de setembro.

A Coruña, 22 de agosto de 2020.

Cando esta tarde chegue ao seu fin e peche oficialmente a  XXIII edición do Salón Internacional  do Cómic Viñetas desde o Atlántico, dedicada ao cómic infantil e xuvenil, estará a rematar o festival máis estraño de toda a súa historia, o que transitou no medio dunha pandemia mundial que estivo a piques de impedir a súa celebración e que  multiplicou ata o infinito as dificultades de organización do encontro. Pero a organización de Viñetas, como o máis eficaz dos superheroes que transitan a arte do cómic, soubo conxurar o mal e apostar por ver a botella medio chea, facendo posible un Viñetas desde o Atlántico case case normal. Destácao así o seu director, o debuxante Miguelanxo Prado: “Tivemos claro que ou non se podía facer ou, se se facía, veriamos a botella medio chea desde o minuto un; a domingo podemos dicir que a botella está case chea; a actitude do público foi excepcional, mantendo un comportamento cívico e de respecto ás normas sociosanitarias impostas exemplar, iso é o que nos permitiu manter o festival en marcha estes sete días”. Afeitos ás salas de exposicións cheas de afeccionados, ás colas quilométricas para as firmas ou a ver a sala de charlas  a rebousar de afeccionados nas anteriores edicións, toda a organización de Viñetasentende e agradece o esforzo da cidadanía en respectar as limitacións marcadas.

O máximo responsable de Viñetas desde o Atlántico quere tamén deixar patente o seu agradecemento infinito aos autores que acudiron  presencialmente estes días á cidade, Agustín Ferrer Salas, Enrique V.VegasXulia Vicente. “Sabemos o complicado da decisión de achegarse a Coruña nas circunstancias nas que se atopa todo o país e por suposto que entendemos aos que finalmente non puideron vir”. “Para Viñetas foi moi bonito poder colgar no Kiosco Alfonso a obra de  Xulia Vicente, unha autora que coñecemos como  preadolescente nas primeiras edicións do salón”, destaca Prado.

Pero hai máis complicidades que agradecer. Os medios de comunicación, sempre atentos co festival, axudaron máis ca nunca a transmitir esta idea de esforzo colectivo por parte de afeccionados, autores, organización e institucións.

Desde o punto de vista do contido, para a organización foi unha alegría inmensa poder atesourar estes días a inmensa produción de cómic infantil que na actualidade estase a publicar en España. “Calquera que visite Palexco poderá comprobar a cantidade, calidade e variedade das propostas; desde Viñetas esperamos que esas exposicións sirvan de catálogo para que calquera adulto que queira iniciar aos seus pequenos no mundo da Banda Deseñada poidan saber que elixir, que regalar”.

“Confiamos en que a edición 2020 de Viñetas sexa unha anomalía na historia do festival. A continuidade do festival internacional que converte cada agosto Coruña na capital mundial do cómic, está máis que asegurada”, conclúen desde a organización.

COMO O MÁIS EFICAZ DOS SUPERHEROES QUE TRANSITAN O CÓMIC, VIÑETAS DESDE O ATLÁNTICO SOUBO CONXURAR O MAL E A PESARES DA PANDEMIA CLAUSURA HOXE A EDICIÓN MÁIS COMPLEXA E ESTRAÑA2020-08-23T13:33:28+02:00

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS

2020-08-21T13:02:10+02:00

Vegas e Ferrer departirán cos afeccionados ás 18.15 e ás 19.30 horas, respectivamente

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS

Na sesión de sinaturas, que terá lugar na carpa de actividades ubicada na Rúa da BD, diante do Kiosco Alfonso,  permitirase só unha persoa por autor dentro do recinto. O resto dos afeccionados terán que agardar a súa quenda fóra e cumprir coas normas sanitarias xa coñecidas: uso obrigado de máscara,  mantemento da distancia de seguridade e lavado de mans con xel hidroalcóolico antes de entrar na carpa.

O aforo para ás charlas está limitado a 18 persoas, pero pódense seguir en directo en liña a través da páxina web do Festival e Facebook Live. Os pases para asistir presencialmente repartiránse na entrada do Kiosco por orde de chegada desde media hora antes de cada encontro.

O historietista segoviano Enrique Vicente Vegas é famoso polas súas versións paródicas de películas e cómics de éxito, cuxos protagonistas converte en regordetes e cabezóns. Agustín Ferrer Casas é o autor da novela gráfica MIES, biopic sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

A Coruña,  21 de agosto de 2020.

A xornada de mañá sábado, penúltima da  23 edición de Viñetas desde o Atlántico, será a máis parecida ás citas sabatinas das edicións anteriores. Terá prácticamente todos os ingredientes que caracterizan o Salón Internacional do Cómic da Coruña, os que o teñen feito merecedor da súa sona nacional e internacional. Asemade das exposicións de orixinais, as figuras na rúa e a feira editorial, haberá charlas coloquio cos autores convidados e tamén sesión de firmas, a primeira e única de este ano. Os debuxantes Enrique Vegas e Agustín Ferrer Casas departirán cos afeccionados na sala de conferencias do Kiosco Alfonso, ás 18.15 y 19.30 horas, respectivamente e, xunto coa tamén autora convidada, a galega Xulia Vicente, asinarán exemplares das súas obras pola mañá, entre as 12 y as 13.30 horas, na carpa de actividades do Festival.

As charlas,  a sesión de firmas e o resto de actividades do Salón Internacional están condicionadas pola especial situación sanitaria a causa da pandemia que estamos a sufrir. No caso das sinaturas de exemplares por parte dos autores, os afeccionados terán que agardar no exterior da carpa na que só poderá entrar unha persoa por debuxante. O resto de interesados deberán esperar fóra o súa quenda, cumprindo todas as medidas sanitarias obrigatorias: uso de máscara, mantemento da distancia de seguridade e lavado de mans con xel hidroalcóolico antes de entrar. A sesión rematará ás 13.30 horas. O aforo para asistir presencialmente ás charlas está limitado a só 18 persoas, aínda que todos os interesados en escoitar aos autores poden facelo en liña a través da propia web do Festival e FACEBOOK LIVE. Os pases para entrar á sala repartiránse na entrada do Kiosco por orde de chegada desde media hora antes dos respectivos encontros.

“Estamos a poñer todo o noso empeño para poder realizar un festival o máis parecido ao Viñetas que todos coñecedes pero as circunstancias que estamos a vivir a nivel nacional non nolo están poñendo fácil”, alega  a organización del Salón Internacional coruñés. De calquera forma, destacan o bó comportamento e complicidade dos aficionados nos accesos ás salas de exposicións e a Rúa do BD, respetando en todo momento as medidas sociosanitarias impostas.

O historietista segoviano Enrique Vicente Vegas (Enrique V. Vegas) é famoso polas súas versións paródicas de películas e cómics de éxito – Spider-Man,  Hulk, X-Men,  Hellboy, Piratas de Caribe,  Star  Wars-, cuxos protagonistas son nas súas creacións gordechos e cabezóns. Ademáis das súas recreacións humorística de historias cinematográficas como Bill Kill, a triloxía de Cabezones das Galaxias, Residente Vil, Bull Damn City, Os Cabezones do Caribe, Punicher e a triloxía  Cabezón Jones, Capitán Cabezón e Thor, na bibliografía de Vegas está tamén Kobe, a súa serie máis persoal, ambientada no Xapón feudal. Con ela obtivo o premio ao mellor autor revelación no Salón do Cómic de Barcelona, no ano 2004. Ten participado en obras colectivas como Bull Damn City, na que colaborou o seu  irmán, Juanmi Vegas, e Sustentum. Historias que se sostienen para a Consellería de Medio Ambiente de Cantabria. Entre 2005 e 2008 realizou unha viñeta semanal para o xornal Gente Santander. Os orixinais das súas obras que se exhiben nesta edición de Viñetas colgan nas paredes da sede central do Salón, o Kiosco Alfonso.

Agustín Ferrer Casas é licenciado en Arquitectura e debuxante e guionista autodidacta. Labrou a súa carreira como creador de historietas profesional compaxinando os seus estudos e posteriormente o seu traballo coa presentación a numerosos concursos de cómic. Desta forma logrou atesourar ata trinta galardóns. MIES, cuxos orixinais colgan nas paredes da Sala Municipal de Exposicións do Pazo de María Pita, é o seu último traballo. Trátase dunha biografía ficcionada sobre o arquitecto alemán Mies van der Rohe. A novela gráfica fai un percorrido pola vida e obra do arquitecto, coincidindo cunha tripe celebración: o 50 aniversario da súa morte, o 90 da construción do Pabellón de Alemania para a Exposición Internacional de Barcelona e o centenario da creación da mítica escola Bauhaus, que Van der Rohe dirixiu na súa última etapa. MIES foi galardoada na IX edición dos Premios do Cómic Aragonés do XVIII Salón do Cómic de Zaragoza o pasado ano 2019.

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS2020-08-21T13:02:10+02:00

CON UN AFORO MOI LIMITADO POR MOR DA PANDEMIA, OS AFECCIONADOS PODERÁN DISFRUTAR MAÑÁ DA PRIMEIRA CHARLA COLOQUIO DE VIÑETAS 2020, NESTA OCASIÓN COA DEBUXANTE GALEGA XULIA VICENTE

2020-08-20T10:41:37+02:00

O encontro coa xoven autora de Elisa e Marcela será retransmitido en liña a través da páxina web do Festival

CON UN AFORO MOI LIMITADO POR MOR DA PANDEMIA, OS AFECCIONADOS PODERÁN DISFRUTAR MAÑÁ DA PRIMEIRA CHARLA COLOQUIO DE VIÑETAS 2020, NESTA OCASIÓN COA DEBUXANTE GALEGA XULIA VICENTE

Os pases para asistir ao vivo á charla, só dezaoito,  repartiránse na entrada do Kiosco Alfonso por riguroso orden de chegada desde media hora antes e, unha vez completado o aforo, impedirase o acceso á sala.

Tamén mañá venres presentarase o cuarto número do fanzine de Amnistía Internacional Nai dos Desterrados, sobre as violacións dos Dereitos Humanos no mundo e cuxos orixinais móstranse na carpa de actividades do Festival. A presentación será nese mesmo recinto, ás 19 horas.

A organización recomenda ao público non deixar de visitar, na Sala de Exposicións do Pazo de María Pita, a mostra de orixinais da novela gráfica “MIES”, o  biopic que Agustín Ferrer Casas publicou sobre o arquitecto Mies van  der  Rohe, último director da Bauhaus, a escola berce da arquitectura moderna.

De visita obrigada é, asemade, a exposición dos últimos premios Castelao de Banda Deseñada da  Deputación da Coruña, outorgados a Alberto Vázquez e Martín Romero, na Sala Salvador de Madariaga, na rúa Durán Loriga.

A Coruña,  20 de agosto de 2020.

Ainda que con un calendario e un aforo moi reducido, a 23 edición de Viñetas desde o Atlántico, marcada polas restricións que impón a pandemia causada polo coroavirus, non renuncia a unha das súas señas de identidade, ofrecer aos afeccionados a posibilidade de departir cos autores. A debuxante galega, Xulia Vicente, protagonizará mañá venres a primeira das charlas coloquio. Será a partir das 19.30 horas, na Sala de Conferencias da sede central do Festival Internacional, o Kiosco Alfonso.

O aforo do recinto estará limitado a un máximo de 18 persoas, polo que a organización ven de arbitrar un sistema de entradas para poder acceder ao mesmo. Os pases repartiránse no acceso ao Kiosco por riguroso orden de chegada desde media hora antes e, unha vez repartidos e completado o aforo impedirase o acceso á sala. De calquer xeito, os interesados en escoitar á autora convidada poderán facelo en liña, a través da páxina web do Festival, www.vinetasdesdeoatlantico.com

A pesar da súa xuventude (Cariño,1993), Xulia Vicente, que acaba de sorprender co seu último traballo, no que por encargo do Consello  Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. É a autora da novela gráfica Anna Dédalus: el misterio de la mansión quemada, xunto a Miguel Angel Giner e Nuria Tamarit, coa que tamén asinou o cómic Duerme pueblo. Esta creadora coruñesa colaborou coa revista  Jot Down,  Arrós NegreLis en Fleur ou Meinstrim e é cofundadora do  fanzine Sapoconcho.

Presentación do Fanzine “Nai dos Desterrados” de Amnistía Internacional

Tamén mañá venres, ás 19 horas, presentarase na carpa de actividades do Festival (na Rúa da BD, fronte ó Kiosco Alfonso) o cuarto número do fanzine de Amnistía Internacional sobre Dereitos Humanos no mundo titulado Nai dos Desterrados. Ademáis, e por primeira vez, os orixinais da publicación colgan este ano das paredes da carpa, formando parte da oferta expositiva desta edición do Salón. No fanzine participan de maneira altruista un bo número de creadores, que ceden á organización a súa particular visión das violacións que sofren en distintas partes do mundo os Dereitos Humanos e a defensa que particulares, organizacións e movementos fan deles. Neste cuarto número participan os artistas Blanca Vila, Faks, Ness Morais, Ismael López, Xela G. Carballo, Miguel Cuba, Cristina López (Venus Edge), Rubén Rial y Luis Sendón.

A organización de Viñetas recomenda ao público que non deixe de visitar a Sala de Exposicións do Pazo Municipal de María Pita onde colgan os orixinais da novela gráfica MIES,  biopic publicado por Agustín Ferrer Casas sobre o arquitecto Mies van der Rohe, o derradeiro director da Escola Bauhaus, considerada berce da arquitectura moderna que o pasado ano cumpliu cen anos de existencia. “Unha auténtica ledicia e un manual de como facer unha biografía en cómic”, en palabras do director do Festival, Miguelanxo Prado.

Tamén é de visita obrigada a exposición dos últimos premios Castelao de Banda Deseñada da  Deputación da Coruña, outorgados aAlberto Vázquez e Martín Romero, cuxas obras colgan na Sala de Exposicións Salvador de Madariaga, na rúa Durán Loriga. Alberto Vázquez, dono de tres Premios Goya por obras como  Birdboy,  Psiconautas ou Decorado, é un dos autores máis recoñecidos no panorama galego. O ilustrador Martín Romero  é o primeiro premiado co Castelao infantil e xuvenil.

A Torre de Hércules é outra das singulares salas de exposición do Salón Internacional. Alí, como nun xogo de espellos, pódese facer un percorrido polos carteis da historia de Viñetas desde o Atlántico: lembremos que a única condición que se lle impón aos autores convidados á hora de deseñar o cartel é que na súa proposta figure o emblemático faro. Vinte e tres xoias en gran formato rubricadas por algúns dos debuxantes máis reputados do panorama nacional e internacional. A última, o cartel anunciador da presente edición, é obra do mexicano Tony Sandoval, convidado do Viñetas desde o Atlántico 2019.

CON UN AFORO MOI LIMITADO POR MOR DA PANDEMIA, OS AFECCIONADOS PODERÁN DISFRUTAR MAÑÁ DA PRIMEIRA CHARLA COLOQUIO DE VIÑETAS 2020, NESTA OCASIÓN COA DEBUXANTE GALEGA XULIA VICENTE2020-08-20T10:41:37+02:00

AS PRINCIPAIS EDITORIAIS ESPECIALIZADAS EN CÓMIC INFANTIL E XUVENIL ACHÉGANOS NA SALA PALEXCO Á VARIADA OFERTA DE BANDA DESEÑADA ADICADA AOS MÁIS NOVOS

2020-08-19T13:51:39+02:00

O XXIII Salón Internacional do Cómic da Coruña enfronta o seu ecuador no medio, e a pesares, das especiais condicións que impón a pandemia do coronavirus

AS PRINCIPAIS EDITORIAIS ESPECIALIZADAS EN CÓMIC INFANTIL E XUVENIL ACHÉGANOS NA SALA PALEXCO Á VARIADA OFERTA DE BANDA DESEÑADA ADICADA AOS MÁIS NOVOS 

Este ano, sen dúbida, a máis especial da súa historia, Viñetas pon o foco no espazo temporal no que se sementa a afección á banda deseñada, o cómic infantil e xuvenil.

Palexco acolle unha variadísima colección de orixinais de diversos autores, seleccionados polas editoriais Brúfalo Lector/Cúpula,  Astronave/Norma, Astiberri, Mamut/Bang e Nuevo Nueve.

As exposicións da sala do porto coruñés mostran creacións de Katie O’Neill, Bonache, Ricardo Peregrina, David Ramírez, Ana Miralles Emilio Ruiz, Lorena Álvarez, Adrien Albert, Julia Billet, Claire Fauvel, Ana Miralles e Emilio Ruiz, Lorena Álvarez, Adrien Albert, Natalia Colombo, Fermín Solís, Artur Laperla, Jacobo Fernández, Mathilde Domecq e Mr. Tan.

A organización lembra ao público a obrigatoriedade de cumprir con todas as normas que impoñen as autoridades sanitarias: lavado de mans, uso obrigatorio de máscara, manter a distancia de seguridade e respeto ao límite de aforo. 

A Coruña, 19 de agosto de 2020.

O Salón Internacional do Cómic da Coruña Viñetas desde o Atlántico enfronta o ecuador da súa XXIII edición, condicionado pola pandemia que estamos a sufrir e, a pesar da cal, mantén a súa cita anual, baixo a premisa, eso sí, do respeto riguroso a todas as medidas impostas polas autoridades sanitarias. Nesta edición, sen dúbida, a máis espacial da súa historia a causa da Covid-19, Viñetas pon o foco no espazo temporal no que se sementa a afección á banda deseñada, o cómic infantil e xuvenil. As principais editoriais españolas, Brúfalo lector/La Cúpula, Astronave/Norma, Astiberri, Mamut/Bang e Nuevo Nueve, especializadas en publicacións tanto nacionais como internacionais dirixidas aos lectores máis novos, expoñen na Sala Municipal de Exposicións Palexco (Muelle de Transatlánticos) orixinais de obras dirixidas a este segmento do público, asinadas polos seus creadores máis destacados.

As paredes da sala do porto coruñés están cheas dun auténtico “catálogo” da variada oferta editorial que hai no mercado para o público infantil e xuvenil. “A exposición mostra toda as opcións. Pode axudar a moitos adultos que a vexan a elexir a opción máis axeitada para introducir aos séus fillos, netos, sobriños, amigos…no mundo da banda deseñada”, sinala o director do Festival, Miguelanxo Prado.

Brúfalo Lector/ La Cúpula expon a obra de Katie O’Neill, ilustradora neozelandesa autora de Érase una vez dos princesas, Bahía Acuicornio, La Sociedad de los Dragones de Té (galardonada con dous premios Eisner) e El Festival de los Dragones de Té. Astronave/Norma mostra pezas de Bonache, Ricardo Peregrina, David Ramírez e láminas de La Guerra de Catherine de Julia Billet e Claire Fauvel.

Pola súa banda, Astiberri achegaranos ao talento creativo de Ana Miralles e Emilio Ruiz, Lorena Álvarez, e Adrien Albert, mentres que Mamut/Bang colga orixinais de Babita, de Natalia Colombo, Astroratón, de Fermín Solís, de Superpatata, de Artur Laperla, e de Marcopola de Jacobo Fernández. Por último, a editorial Nuevo Nueve permítenos mergullarnos na obra Shaker Monster de Mathilde Domecq e Mr. Tan, e ao tempo deleitar aos máis pequenos cunha mostra colectiva de Marsupilami.

A organización lembra ao público que se achegue a ver esta exposición e o resto das mostras de Viñetas desde o Atlántico a obrigatoriedade de cumprir con todos as normas que impoñen as autoridades sanitarias: lavado de mans, uso obrigado de máscara, manter a distancia de seguridade e respeto ao límite de aforo. O chan da sala Palexco ten marcado o percorrido de entrada é saída ao recinto, o que fai a visita ordenada e segura para os afeccionados. Ata o de agora, e tal e coma resalta a organización de Viñetas desde o Atlántico, o comportamento e a compricidade do público está a ser exemplar.

AS PRINCIPAIS EDITORIAIS ESPECIALIZADAS EN CÓMIC INFANTIL E XUVENIL ACHÉGANOS NA SALA PALEXCO Á VARIADA OFERTA DE BANDA DESEÑADA ADICADA AOS MÁIS NOVOS2020-08-19T13:51:39+02:00

AS VIÑETAS MÁIS TENTADORAS DE BARBUCCI, VEGAS, PAU, E XULIA VICENTE ENCHEN AS PAREDES DO KIOSCO PARA FACER SUCUMBIR AO PÚBLICO INFANTIL Á ARTE DA BANDA DESEÑADA

2020-08-18T12:18:33+02:00

O  XXIII Salón Internacional do Cómic da Coruña abriu onte as portas pese a pandemia

AS VIÑETAS MÁIS TENTADORAS DE BARBUCCI, VEGAS, PAU, E XULIA VICENTE ENCHEN AS PAREDES DO KIOSCO PARA FACER SUCUMBIR AO PÚBLICO INFANTIL Á ARTE DA BANDA DESEÑADA

Estes días, a sede central de Viñetas desde o Atlántico, o Kiosco Alfonso, fará ás delicias de cativos e maiores. As condicións para disfrutar das pezas destes catro creadores son ben doadas, só hai que seguir as indicacións marcadas no chan e manter a distancia de seguridade e a mascara posta.

Traballo de Enrique Vegas

A Coruña, 18 de agosto de 2020

O centro neurálxico de Viñetas desde o Atlántico, o Kiosco Alfonso, contén unha oferta ben tentadora. As obras de Alessandro Barbucci, Xulia Vicente, Enrique Vegas e Pau farán as delicias de cantos cativos se acheguen a botar unha ollada as exposicións que, de seguro, sucumbirán á arte da Banda Deseñada para sempre.

O concello da Coruña e o equipo de Viñetas desde o Atlántico fixo unha aposta inequívoca para que a XXIII edición do Salón Internacional do Cómic poidera abrir as súas portas pese ao coroavirus. Por iso agradecen desde xa a compricidade do público con Viñetas e o seu respeto ás normas impostas polas autoridades sanitarias. Disfrutar das exposicións é doado. Só hai que seguir as indicacións do percorrido fixadas no chan das salas, manter a distancia de seguridade e ter sempre a máscara posta. A cambio dese pequeno esforzo, á arte da Banda Deseñada colga ante os ollos de cantos se acheguen estes días ás mostras de orixinais alí expostas. O Kiosco Alfonso alberga a obra do xenovés Alessandro  Barbucci, creador das series mundialmente coñecidas Sky Dolls  e W.I.T.C.H. (protagonizada por cinco rapazas adolescentes con poderes) ambas en tándem coa guionista Bárbara Canepa. Tamén no corazón expositivo de Viñetas colgan os orixinais de Enrique Vegas, o historietista segoviano famoso polas súas versións paródicas de películas e cómics de éxito, Spider-Man, Hulk, X-Men, Hellboy, Piratas del Caribe, Star Wars… cuxos protagonistas son aquí gordechos e cabezóns.

Os asistentes poderán tamén descubrir á obra do mallorquino Pau, un recoñecido creador, autor de Las vacas chechenas, con historietas e portadas sucesivas publicadas en revistas como a belga  Spirou ou a española Nosotros somos los muertos. O seu salto internacional chega coa saga de Atlas & Axis e  Ze  Jacky  Touch.

Xulia Vicente, completa o cadro de autores que expoñen no Kiosco. A coruñesa acaba de sorprender co seu último traballo, no que por encargo do Consello Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. Pero a súa traxectoria xa é longa e conta con premios de recoñecemento internacional. É a autora da novela gráfica Anna Dédalus: el misterio de la mansión quemada, xunto a Miguel Angel Giner e Nuria Tamarit, coa que tamén asinou o cómic Duerme pueblo. Esta creadora coruñesa colaborou coa revista Jot Down, Arrós  Negre, Lis en Fleur ou Meinstrim e é cofundadora do fanzine Sapoconcho.

Todas as exposicións de Viñetas desde o Atlántico permanecerán abertas ao público ata o 13 de setembro.

Traballo de Xulia Vicente

AS VIÑETAS MÁIS TENTADORAS DE BARBUCCI, VEGAS, PAU, E XULIA VICENTE ENCHEN AS PAREDES DO KIOSCO PARA FACER SUCUMBIR AO PÚBLICO INFANTIL Á ARTE DA BANDA DESEÑADA2020-08-18T12:18:33+02:00

VIÑETAS DESDE O ATLÁNTICO 2020 ABRE LAS PUERTAS EL LUNES ACERCÁNDONOS UNA VARIADA REALIDAD DEL CÓMIC INFANTIL Y JUVENIL NACIONAL E INTERNACIONAL

2020-08-18T12:03:35+02:00

O Salón Internacional do Cómic da Coruña chega a súa vinte e tres edición

VIÑETAS DESDE O ATLÁNTICO 2020 ABRE AS PORTAS O LUNS PARA ACHEGARNOS A VARIADA REALIDADE DO CÓMIC INFANTIL E XUVENIL TANTO NACIONAL COMA INTERNACIONAL

A sede central do festival, o Kiosco Alfonso, mostrarán a obra de Alessandro  Barbucci, Enrique Vegas,  Pau e  Xulia Vicente 

Palexco vaise encher dunha variadísima colección de orixinais de diversos autores, seleccionados polas principais editoriais de banda deseñada infantil e xuvenil, Brúfalo Lector/Cúpula, Astronave/Norma, Astiberri , Mamut/Bang e Nuevo Nueve.  

A Sala de Exposicións do Palacio de María Pita conterá os orixinais da novela gráfica “MIES” o  biopic que Agustín Ferrer Casas publicou sobre o arquitecto Mies van  der  Rohe, último director da Bauhaus, a escola berce da arquitectura moderna 

A carpa de actividades acollerá unha mostra dos orixinais que ao longo de varios números veñen dando corpo ao fanzine que publica Amnistía Internacional sobre ás violacións que sofren os Dereitos Humanos no mundo e a súa obrigada defensa.  

O cartel anunciador deste XXIII Viñetas leva a rúbrica do mexicano Tony  Saldoval, convidado o salón do pasado ano. 

A Coruña, 14 de agosto de 2020

Con máscaras, distancia de seguridade e todas as medidas que as autoridades sanitarias impoñen na loita contra o impacto que o coroavirus está a ter no mundo enteiro, o luns,Viñetas desde o Atlántico abrirá ás súas portas.

Salón Internacional do Cómic Viñetas desde o Atlántico centrarase nesta ocasión no espazo temporal no que se sementa a afección á banda deseñada, o cómic infantil e xuvenil. Para iso, son varias as editoriais que nos achegan orixinais dos seus principais creadores. Brúfalo Lector/ La Cúpula exporá a obra de Katie O’Neill, Astronave/Norma mostra pezas de Bonache, Ricardo Peregrina, David Ramírez e láminas de La Guerra de Catherine de Julia Billet e Claire Fauvel. Pola súa banda, Astiberri achegaranos ao talento creativo de Ana Miralles e Emilio Ruiz, Lorena Álvarez, e Adrien Albert, mentres que Mamut/Bang colgará orixinais de Babita, de Natalia Colombo, Astroratón, de Fermín Solís, deSuperpatata, de Artur Laperla, e de Marcopola de Jacobo Fernández. Por último, a editorial Nuevo Nueve vainos permitir mergullarnos na obra Shaker Monster de Mathilde Domecq e Mr. Tan, ao tempo que fará ás delicias dos cativos cunha mostra colectiva de Marsupilami. 

Pola súa banda. o Kiosco Alfonso cederá gustosamente as súas paredes a catro debuxantes de peso. O primeiro deles, o xenovés  Alessandro Barbucci, creador das series mundialmente coñecidas Sky Dolls  W.I. T. C. H (protagonizada por cinco rapazas adolescentes con poderes) ambas en tándem coa guionista Bárbara  Canepa. Tamén no corazón expositivo de Viñetas colgarán os orixinais de Enrique Vegas, o historietista segoviano famoso polas súas versións paródicas de películas e cómics de éxito,  Spider-Man,  Hulk, X-Men,  Hellboy, Piratas del Caribe,  Star  Wars…cuxos protagonistas son aquí gordechos e cabezóns.

Completan a oferta do Kiosco Alfonso o mallorquino  Pau e a coruñesa  Xulia VicentePau é un recoñecido creador, autor de Las vacas chechenas, con historietas e portadas sucesivas publicadas en revistas como a belga  Spirou ou a española Nosotros somos los muertos. O seu salto internacional chega coa saga de Atlas & Axis e  Ze  Jacky  Touch.

Xulia Vicente, que acaba de sorprender co seu último traballo, no que por encargo do Consello  Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. É a autora da novela gráfica Anna  Dédalus: el misterio de la mansión quemada, xunto a Miguel Angel  Giner e Nuria  Tamarit, coa que tamén asinou o cómic Duerme pueblo. Esta creadora coruñesa colaborou coa revista  Jot Down,  Arrós  NegreLis en  Fleur ou  Meinstrim e é cofundadora do  fanzine  Sapoconcho.

A Sala de Exposicións do Pazo Municipal de María Pita acollerá os orixinais da novela gráfica MIES  biopic publicado por Agustín Ferrer Casas sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

Este ano ademáis, a carpa de presentacións que se instala diante do Kiosco será tamen espazo expositivo. As súas paredes acollerán a mostra dos orixinais que compoñen o fanzine que Amnistía Internacional ven publicando os últimos anos coa Defensa dos Dereitos Humanos coma fio argumental. Nel participan un bo número de creadores que altruistamente ceden á organización a súa particular visión das violacións que sofren en distintas partes do mundo os Dereitos Humanos e a defensa que particulares, organizacións e movementos fan deles.  

Igual ca en anteriores edicións, a Sala de Exposicións Salvador de Madariaga, na rúa Durán Loriga, acollerá os últimos premios Castelao de Banda Deseñada da  Deputación da Coruña, coa mostra dos orixinais das obras de Alberto Vázquez e Martín Romero, gañadores da edición  XIV do certame nas súas correspondentes convocatorias xeral e infantil-xuvenil. Alberto Vázquez, dono de tres Premios Goya por obras como  Birdboy,  Psiconautas ou Decorado, é un dos autores máis recoñecidos no panorama galego. O Premio Castelao foille outorgado pola obra A Caza, na que o xurado destacou o “sólido grafismo utilizado, coa técnica do  sumi-e e tinta chinesa, ademais do debuxo expresivo co que xera unha unidade narrativa e un mundo propio e persoal”. O ilustrador Martín Romero fíxose co Castelao infantil e xuvenil con  Uxio, que explota “as posibilidades narrativas do medio e fai un acertado uso humorístico da filosofía da vida cotiá”.

O fanzine sobre Dereitos Humanos que ven publicando Amnistía Internacional nos últimos anos terá tamén protagonismo no Viñetas 2020. A carpa de actividades e presentacións será este ano un espazo expositivo máis do festival. Nas súas paredes penderán os orixinais que ao longo dos últimos anos veñen cedendo varios creadores á ong, nos que plasman a súa visión particular sobre as violacións dos Dereitos Humanos que, desgrazadamente, sucédense no mundo enteiro, e tamén das historias de superación e de defensa deles.

A Torre de Hércules será, un ano máis, outra das singulares salas de exposición de Viñetas. Alí, como nun xogo de espellos, poderase facer un percorrido polos carteis da historia de Viñetas desde o Atlántico: lembremos que a única condición que se lle impón aos autores convidados á hora de deseñar o cartel é que na súa proposta figure o faro. Vinte e tres xoias en gran formato rubricadas por algúns dos debuxantes máis reputados do panorama nacional e internacional. A última, o cartel anunciador do presente Salón, é obra do mexicano Tony Sandoval, convidado do Viñetas desde o Atlántico no 2019.

Sempre que a evolución da pandemia así o permita e respetando todas as medidas ditadas polas autoridades sanitarias, na semana grande deViñetas desde o Atlántico 2020 (do luns 17 ao 23 de agosto) o festival será espazo de presentacións editoriais. Asemade, programaranse charlas cos autores invitados e a Rúa dá  BD ofrecerá as últimas novidades publicadas. Igual ca sempre, tamén, o fiel exército de personaxes de cómic de todos os tempos xa tomou a cidade. Nesta ocasión e por seguridade pandémica, moitos deles decidiron mergullarse no estanque do Kiosco Alfonso para non tentar ao público a arrechegarse a eles.

Logo de rematar a vertixe comiqueira que vivirá a cidade esta semana, as exposicións continuarán abertas ao público ata o 13 de setembro.

VIÑETAS DESDE O ATLÁNTICO 2020 ABRE LAS PUERTAS EL LUNES ACERCÁNDONOS UNA VARIADA REALIDAD DEL CÓMIC INFANTIL Y JUVENIL NACIONAL E INTERNACIONAL2020-08-18T12:03:35+02:00

VIÑETAS DESDE O ATLÁNTICO 2020 VOLVE A MIRADA CARA AO CÓMIC INFANTIL E XUVENIL, A ORIXE NA QUE PRENDE SOLIDAMENTE A AFECCIÓN POLA BANDA DESEÑADA

2020-08-07T11:36:57+02:00

O  XXIII Salón Internacional do Cómic da Coruña abrirá as súas portas do 17 ao 23 de agosto

VIÑETAS DESDE O ATLÁNTICO 2020 VOLVE A MIRADA CARA AO CÓMIC INFANTIL E XUVENIL, A ORIXE NA QUE PRENDE SOLIDAMENTE A AFECCIÓN POLA BANDA DESEÑADA

As paredes do Kiosco Alfonso mostrarán a obra de  Alessandro  Barbucci, Enrique Vegas,  Pau e  Xulia Vicente.

Este ano Palexco vaise encher dunha variadísima colección de orixinais de diversos autores, seleccionados por catro das principais editoriais de banda deseñada infantil e xuvenil, Cúpula,  Astronave, Astiberri e  Mamut.

Sen querer deixar pasar por alto o centenario da  Bauhaus (2019), a Sala de Exposicións do Palacio Municipal de María Pita conterá os orixinais da novela gráfica “MIES” o  biopic que Agustín Ferrer Casas publicou sobre o arquitecto Mies van  der  Rohe, último director desa escola berce da arquitectura moderna.

O cartel anunciador deste XXIII Viñetas leva a rúbrica do  mexicano Tony  Saldoval, convidado o salón do pasado ano, quen nos fixo gozar das súas obras El cadáver y el Sofá, Epidemia de Melancolía ou La serpiente de agua.

A Coruña,  7 de agosto de 2020

Os personaxes enmascarados transitan decote polo mundo do cómic infantil e xuvenil. As ameazas globais e os inimigos invisibles son carne ben frecuente de guión. Así que, tal e como explica o seu director, Miguelanxo Prado, non parecía moi lóxico que a pandemia do coroavirus obrigase aos miles de afeccionados a renunciar a Viñetas desde o Atlántico, o Salón Internacional coruñés que este agosto alcanza a súa edición número vinte e tres. Con todas as medidas necesarias, tanto sanitarias como sociais, e adaptando esta proposta cultural do Concello da Coruña á excepcional situación en que se atopa o mundo enteiro, Viñetas desde o Atlántico abrirá as súas portas o luns 17 de agosto.

Salón Internacional do Cómic Viñetas desde o Atlántico centrarase nesta ocasión no espazo temporal no que se sementa a afección á banda deseñada, o cómic infantil e xuvenil. Para iso, catro das principais editoriais dedicadas a ese segmento, Cúpula, Astronave, Astiberri e  Mamut, encherán de orixinais dos seus principais creadores a sala de exposicións de Palexco. Cúpula, por exemplo, achegará aos afeccionados que visiten Viñetas a obra de  Katie O’Neil, a ilustradora  neocelandesa autora de Érase una vez dos princesasBahía  AcuicornioLa Sociedad de los  Dragones de Té (galardoada con dous premios Eisner) e da súa segunda entrega El Festival de los  Dragones de Té.

Pola súa banda. o Kiosco Alfonso cederá  gustosamente as súas paredes a catro debuxantes de peso. O primeiro deles, o xenovés  Alessandro  Barbucci, creador das series mundialmente coñecidas Sky Dolls  W.I. T. C. H (protagonizada por cinco rapazas adolescentes con poderes) ambas en tándem coa guionista Bárbara  Canepa. Tamén no corazón expositivo de Viñetas colgarán os orixinais de Enrique Vegas, o  historietista segoviano famoso polas súas versións paródicas de películas e cómics de éxito,  Spider-Man,  Hulk, X-Men,  Hellboy, Piratas del Caribe,  Star  Wars…cuxos protagonistas son aquí gordechos e cabezóns.

Completan a oferta do Kiosco Alfonso o mallorquino  Pau e a coruñesa  Xulia VicentePau é un recoñecido creador, autor de Las vacas chechenas, con historietas e portadas sucesivas publicadas en revistas como a belga  Spirou ou a española Nosotros somos los muertos. O seu salto internacional chega coa saga de Atlas & Axis e  Ze  Jacky  Touch.

Xulia Vicente, que acaba de sorprender co seu último traballo, no que por encargo do  Consello  Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. É a autora da novela gráfica Anna  Dédalus: el misterio de la mansión quemada, xunto a Miguel Angel  Giner e Nuria  Tamarit, coa que tamén asinou o cómic Duerme pueblo. Esta creadora coruñesa colaborou coa revista  Jot Down,  Arrós  NegreLis en  Fleur ou  Meinstrim e é cofundadora do  fanzine  Sapoconcho.

A Sala de Exposicións do Pazo Municipal de María Pita acollerá os orixinais da novela gráfica MIES  biopic publicado por Agustín Ferrer Casas sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

Igual ca en anteriores edicións, a Sala de Exposicións Salvador de Madariaga, na rúa Durán Loriga, acollerá os últimos premios Castelao de Banda  Deseñada da  Deputación da Coruña, coa mostra dos orixinais das obras de Alberto Vázquez e Martín Romero, gañadores da edición  XIV do certame nas súas correspondentes convocatorias xeral e infantil-xuvenil. Alberto Vázquez, dono de tres Premios Goya por obras como  Birdboy,  Psiconautas ou Decorado, é un dos autores máis recoñecidos no panorama galego. O Premio Castelao foille outorgado pola obra A Caza, na que o xurado destacou o “sólido  grafismo utilizado, coa técnica do  sumi-e e tinta chinesa, ademais do debuxo expresivo co que xera unha unidade narrativa e un mundo propio e persoal”. O ilustrador Martín Romero fíxose co Castelao infantil e xuvenil con  Uxio, que explota “as posibilidades narrativas do medio e fai un acertado uso humorístico da filosofía da vida cotiá”.

A Torre de Hércules será, un ano máis, outra das singulares salas de exposición de Viñetas. Alí, como nun xogo de espellos, poderase facer un percorrido polos carteis da historia de Viñetas desde o Atlántico: lembremos que a única condición que se lle impón aos autores convidados á hora de deseñar o cartel é que na súa proposta figure o faro. Vinte e tres xoias en gran formato rubricadas por algúns dos debuxantes máis reputados do panorama nacional e internacional. A última, o cartel anunciador do presente Salón, é obra do mexicano Tony Sandoval, convidado do Viñetas desde o Atlántico no 2019.

Viñetas desde o Atlántico 2020 será tamén espazo de presentacións editoriais, como é o caso do  fanzine de Amnistía Internacional sobre Dereitos Humanos. Igual ca sempre, o exército de personaxes de cómic de todos os tempos tomará as rúas da cidade, programaranse charlas cos autores invitados e a Rúa dá  BD ofrecerá as últimas novidades publicadas… Sempre, tal e como sinalan desde a organización, baixo as condicións que impoña asegurar a protección social e sanitaria fronte ao coroavirus. Logo de rematar a vertixe comiqueira que vivirá a cidade entre o 17 e o 23 de agosto, as exposicións continuarán outro mes abertas ao público.

VIÑETAS DESDE O ATLÁNTICO 2020 VOLVE A MIRADA CARA AO CÓMIC INFANTIL E XUVENIL, A ORIXE NA QUE PRENDE SOLIDAMENTE A AFECCIÓN POLA BANDA DESEÑADA2020-08-07T11:36:57+02:00

VIÑETAS PECHA A SÚA XXII EDICIÓN DEMOSTRANDO UNHA VEZ MÁIS QUE SE TRATA DUN FORMATO DE FESTIVAL ÚNICO E EXITOSO

2019-08-12T11:52:49+02:00

VIÑETAS PECHA A SÚA XXII EDICIÓN DEMOSTRANDO UNHA VEZ MÁIS QUE SE TRATA DUN FORMATO DE FESTIVAL ÚNICO E EXITOSO

As actividades e a presenza de autores invitados concluíron onte domingo, aínda que todas as mostras permanecerán abertas ao público ata o vindeiro 8 de setembro.

  • O director do Salón Internacional, Miguelanxo Prado, resalta que o modelo de Viñetas é distinto ao de calquera outro do sector, “un festival amable” tanto para entendidos e autores, como para público xeral. “Esa é a nosa aposta irrenunciable”.
  • Prado destaca tamén a gran reputación acadada por Viñetas ao longo destes 22 anos e que fai posible que autores e autoras que non adoitan asistir a festivais veñan de boa gana a esta cita na Coruña e que, entre o público, sexa cada vez máis frecuente atopar non só a persoas de toda España, senón doutros países europeos e ata do outro lado do Atlántico

A Coruña, 12 de agosto de 2019.- O desenvolvemento da XXII edición de Viñetas desde o Atlántico puxo unha vez máis de manifesto a fórmula de éxito desta cita co mundo do Cómic, que se celebra cada verán na cidade da Coruña, organizado polo Concello e dentro da oferta das Festas de María Pita. “Ano tras ano temos confirmado que o modelo escollido é único entre todos os festivais do sector. Autores e profesionais transmítennos que os parámetros polos que nos decantamos desde o principio funcionan”, sinala o director de ViñetasMiguelanxo Prado, en referencia á aposta que fixo o Salón coruñés, desde o primeiro momento, por atender tanto aos intereses dos entendidos como do público xeral.

As actividades e a presenza de autores convidados de Viñetas2019 remataron onte domingo, aínda que, como en edicións anteriores, as exposicións permanecerán abertas ao público varias semanas máis. Este ano poderán visitarse ata o próximo 8 de setembro.

O director do Salón do Cómic coruñés considera necesario manter o formato de Viñetasao longo deste tempo. “Un festival que se financia con cartos públicos, aínda que debe satisfacer aos afeccionados e entendidos, non pode perder de vista o que o fixo ser o que é, un festival amable para todos, mesmo para os que na súa vida consumiron Banda Deseñada e que vemos con satisfacción percorrendo todos os anos ás nosas exposicións; esa é unha aposta irrenunciable”, sinala Miguelanxo Prado. “Mentres este equipo siga á fronte, Viñetasnon será xamais unha proposta sectorial, aspirará sempre a esa globalidade”, recalca o director, unha premisa que non exclúe, como aconteceu na edición deste ano, “mirar cara a  autores e obras que non son best-seller e non están en primeira liña”.

Prado resalta tamén a reputación que ten acadado ao longo destes 22 anos Viñetas desde o Atlántico. “Cónstanos, a través das redes sociais e do boca a boca dos convidados, que a reputación do evento non pode ser mellor”. Un exemplo diso, sinala, “é que hai moitos autores e autoras que non se prodigan en festivais, pero que non teñen ningún problema en vir a Viñetase ceder orixinais para exposicións tan longas no tempo, algo pouco normal no mundo do Cómic”.

Outra mostra do prestixio e o interese que suscita Viñetas desde o Atlántico, engade o director, é a constatación, edición tras edición, especialmente este ano, de que entre o numeroso público que visita o festival non só hai persoas de todas partes de España, senón tamén doutros países europeos e mesmo do outro lado do Atlántico. “Non é nada raro que moitos afeccionados programen as súas vacacións para facelas coincidir con Viñetas”.

VIÑETAS PECHA A SÚA XXII EDICIÓN DEMOSTRANDO UNHA VEZ MÁIS QUE SE TRATA DUN FORMATO DE FESTIVAL ÚNICO E EXITOSO2019-08-12T11:52:49+02:00

OS DEBUXANTES DAVID SALA E ALBERT MONTEYS PECHARÁN MAÑÁ AS CHARLAS DE VIÑETAS 2019

2019-08-09T12:39:50+02:00

Tamén mañá sábado terá lugar a segunda e última sesión de sinaturas dos autores invitados. Será entre as 12 h e as 13.30 horas.

OS DEBUXANTES DAVID SALA E ALBERT MONTEYS PECHARÁN MAÑÁ AS CHARLAS DE VIÑETAS 2019

Os encontros serán no salón de actos do Kiosco Alfonso (última planta), sede central do Festival Internacional do Cómic coruñés. Sala departirá co público a partir das 18.15 horas e Albert Monteys, a partir das 19.30 h

  • O debuxante francés David Sala é o autor da coñecida adaptación a cómic de “El jugador de ajedrez”, a última obra do austríaco Stefan Zweig; unha adaptación que foi todo un éxito en 2017, tanto no seu país como a versión en castelán. Trátase dunha crítica ao réxime nazi cun argumento claramente xadrecístico
  • Albert Monteys é un laureado debuxante cuxa carreira profesional está moi ligada ao semanario El Jueves, do que foi director, ata que, xunto con outros debuxantes da publicación, a abandonou por mor da prohibición de RBO de facer unha portada referente á abdicación do rei Juan Carlos I
  • Na carpa da feira editorial, Rúa da BD presentarase mañá as obras ¡Houston, tenéis un problema!, do xornalista e humorista galego Juan López Rico, O tempo cronolóxico, de Xulia Vicente e a novela gráfica Tanta Paz leves, de Tomás Guerrero

A Coruña, 9 de agosto de 2019.- Os debuxantes David Sala e Albert Monteys pecharán mañá sábado o calendario de charlas cos afeccionado de Viñetas desde o Atlántico, que se clausura este domingo. Sala intervirá a partir das 18.15 horas e o autor barcelonés, de 19.30 h en adiante. Será no lugar habitual, o salón de actos do Kiosco Alfonso (última planta), a sede central do Festival. A obra de Sala pode verse no Kiosco Alfonso e a de Monteys, na Sala Municipal de Exposicións Palexco.

Tamén mañá sábado pola mañá terá lugar a segunda e última sesión de sinaturas dos autores convidados desta XXII edición. Serán na planta baixa do Kiosco Alfonso, entre as 12 h e as 13.30 horas.

Humor e ecoloxismo, na Rúa da BD

Outra cita de mañá sábado na carpa da Feira Editorial, a Rúa da BD, é a presentación de ¡Houston, tenéis un problema!, obra do xornalista e humorista galego Juan López Rico, unha chamada de atención sobre o deterioro medioambiental e a perentoria necesidade de reaccionar contra o cambio climático. A presentación terá lugar ás 18.45 h e contará coa presencia do prologuista do libro, o periodista ambiental Arturo Larena. O libro está editado por Silsania Books.

A oferta da Feira inclúe, ás 12 horas, a presentación de O Garaxe Hermético e, ás 13 h, a presentación oficial e sinatura da novela gráfica Tanta paz leves, de Tomás Guerrero. Despois, xa ás 18 horas, O tempo cronolóxico, de Xulia Vicente.

David Sala

O debuxante francés David Sala é o autor da adaptación a cómic de El jugador de Ajedrez, a famosa última obra do escritor austríaco Stefan Zweig; unha adaptación que foi todo un éxito editorial en 2017, tanto no seu país como da tradución ao castelán. A obra literaria, escrita en 1941, un ano antes de que Zweig e a súa muller se suicidasen en Brasil, é unha contundente crítica ao réxime nazi cun argumento claramente xadrecístico. Moi fiel á obra literaria, David Sala optou por cargar as tintas sobre o visual, recorrendo á acuarela e a unha composición sen case que palabras, pero que capta con gran audacia todo o que transmite o texto de Zweig. Ao cabo, unha posta en escena que confire á novela gráfica do debuxante galo unha entidade propia, máis aló da obra literaria que a inspirou.

Sala estudou na prestixiosa escola Émile Cohl e comezou traballando na ilustración de cubertas para libros infantís e xuvenís. Só máis tarde se viu atraído polo mundo da banda deseñada. Debutou, con guións de Jorge Zentner, en Replay. Posteriormente, e tamén con guións de Zentner, realizou baixo o título de La diosaa serie Nicolás Eymerich, Inquisidor, unha adaptación en dous volumes das novelas de Valerio Evangelisti. Estreouse como autor en solitario con One of Us, inédito en España, un conto de ciencia ficción que critica a sociedade de consumo e o capitalismo creado nos anos da crise económica. Antes de El jugador de Ajedrez Sala publicou Cauchemar dans la rue (Pesadelos na rúa), unha adaptación da novela homónima de Robin Cook tamén inédita no noso país.

Albert Monteys

Albert Monteys leva facendo cómic dende que ten uso de razón. Na súa carreira ganou, entre outros, o Premio do Saló do Cómic de Barcelona 1994 ao Mellor Fanzine por Mondo Lirondo e ao Autor Revelación en 1996 por Calavera Lunar. Foi candidato aos Premios Eisner 2017 ao Mellor Cómic Dixital por ¡Universo!.

En 2004 chega a El Jueves, revista para a que realiza as series Tato e ¡Para ti, que eres joven!, esta última con Manel Fontdevila. Foi o seu director dende 2006 ata principios de 2011. Tivo que afrontar en 2007 o secuestro e posterior condena do semanario por un delito de inxurias ao –daquela- Príncipe Herdeiro.

Deixou El Jueves en 2014, tras de que a editorial RBA non permitise a publicación dunha portada na que se facía referencia á abdicación do rei Juan Carlos I. Acompañáronlle outros debuxantes, como Manel Fontdevila, Paco Alcázar e Bernardo Vergara. Xuntos emprenderon unha nova aventura editorial autoxestionada e dixital: a revista Orgullo y satisfacción, que en principio naceu como número único, pero que, diante da excelente acollida que acadou, decidiron converter nunha publicación dixital mensual. Desaparecía a finais de 2017.

Actualmente, Monteys está enleado en multitude de proxectos, entre eles, a serie dixital ¡Universo!,nomeada en 2017 aos Premios Eisner na categoría de mellor cómic dixital e cuxa versión en papel gañou o Premio Zona Cómic e o Premio Cómic Barcelona á mellor obra dun autor nacional publicada en 2018.

OS DEBUXANTES DAVID SALA E ALBERT MONTEYS PECHARÁN MAÑÁ AS CHARLAS DE VIÑETAS 20192019-08-09T12:39:50+02:00

AS VIÑETAS AMBIENTAIS DE JUAN LÓPEZ RICO ATERRAN EN VIÑETAS DESDE O ATLÁNTICO

2019-08-08T14:59:16+02:00

AS VIÑETAS AMBIENTAIS DE JUAN LÓPEZ RICO ATERRAN EN VIÑETAS DESDE O ATLÁNTICO

O sábado, ás 18.45 horas, preséntase ¡Houston, tenéis un problema! na caseta de actividades da Rúa dá  BD, fronte ao Kiosco Alfonso.

Interveñen:

  • Juan López Rico, xornalista e humorista gráfico, autor do libro.
  • Arturo Larena, director de EFEverde e  prologuista do libro.
  • Cristina Benito, editora de Silsania

O libro

¡Houston, tenéis un problema! é unha recompilación de viñetas de temática ambiental publicadas por López en diferentes medios, impresos e dixitais, ao longo de varios anos. Nelas, o seu autor ínstanos a reflexionar sobre o noso insólito comportamento cara ao planeta que habitamos.

As escenas ou diálogos representados viran ao redor dos principais problemas que afectan o medio ambiente e, por tanto, a nosa propia subsistencia: cambio climático, xestión dos recursos, contaminación, política enerxética ou destrución do planeta.

O autor

Juan López Rico, López, naceu en Ribadeo (Lugo) en 1955. É xornalista, profesor de aikido e humorista gráfico. Como xornalista desenvolveu todo o seu labor profesional na Axencia EFE, da que foi delegado en Galicia durante oito anos.

Comezou a publicar os seus debuxos no Correo Gallego a mediados dos anos oitenta. Desde entón, colaborou como humorista gráfico en diversos medios, como Galicia Hoxe, Galegos,  Longa Lingua,  EFEverde ou Galicia Confidencial.

AS VIÑETAS AMBIENTAIS DE JUAN LÓPEZ RICO ATERRAN EN VIÑETAS DESDE O ATLÁNTICO2019-08-08T14:59:16+02:00
Go to Top