VIÑETAS 2017, A CONFIRMACIÓN DA BANDA DESEÑADA COMA UNHA FERRAMENTA IMPRESCINDIBLE PARA ENTENDERMOS O MUNDO

2017-08-14T09:50:30+02:00
  • Aínda que as actividades paralelas rematan hoxe domingo, as exposicións do XX Salón Internacional do Cómic poderanse visitar ata o 11 de setembro
  • Miguelanxo Prado: “A vixésima edición foi, coma cómpre, unha celebración; unha festa de aniversario na que quixemos ter connosco a todos os que foron fundamentais para Viñetas nestas dúas décadas; os autores consagrados, galegos e de fóra”
  • Unha mostra colectiva dos traballos do alumnado d’O Garaxe Hermético (12 horas, Rúa da BD), pon o punto final a sete días de charlas, conferencias, sinaturas e presentacións editoriais

A Coruña, domingo 13 de agosto de 2017Viñetas 2017 é unha festa de aniversario. Unha celebración por todo o alto, non só dos vinte anos que cumpre o Salón Internacional do Cómic que promove o Concello da Coruña, senón da propia evolución que experimentou nestas dúas décadas a banda deseñada, a galega e a española. “Nestes vinte anos de Viñetas desde o Atlántico –explica  Miguelanxo Prado, o seu director–, tivemos a sorte de asistir, e mesmo de participar no que cabe, na conquista da madurez por parte desta linguaxe universal que é o Cómic, igual que puidemos vivir a apertura de todas as vías posibles para o desenvolvemento das múltiples opcións creativas que a Banda Deseñada ofrece”. Aí está, como exemplo, o espectáculo audiovisual The Black Dog, os soños de Paul Nash que, a cargo do polifacético Dave McKean, abriu o luns 7 de agosto a programación de actos paralelos deste Salón.

Viñetas ten conseguido establecer co público do Festival” –engade Miguelanxo Prado- “unha relación que vai alén desa nostalxia da infancia perdida que hai anos podía suscitar o cómic, o que sempre foi, xustamente, o noso obxectivo, logo razón de máis para estarmos de festa”.

O programa desta vixésima edición é, na opinión do seu máximo responsable, o exemplo perfecto desa maioría de idade acadada polo Cómic e, asemade, da súa evolución creativa. “As dúas exposición colectivas (A banda deseñada galega nos vinte anos de Viñetas eDez anos de Premios Nacionais) son unha clara demostración da calidade e mais a importancia dos nosos creadores. Reflicten tamén cal foi o noso punto de partida á hora de estruturar os contidos desta vixésima edición do Festival: unha exaltación do que fomos conseguindo para a Historieta nestas dúas décadas”.

“Máis alá da excepcional programación que tivemos este ano co gallo de celebrar o vixésimo aniversario de Viñetas, estamos especialmente satisfeitos –remata Miguelanxo Prado– da incorporación ao Salón da Fundación Barrié e mais Afundación, así como da grande achega que fixeron, tanto a Concellaría de Cultura como a Deputación, para conseguirmos esa meta común que tiñamos todos: facer unha vez máis da Coruña o epicentro do Cómic, a súa cerna, durante estes sete días de agosto”.

Rúa da BD – exposicións

O XX Salón Internacional do Cómic pecha hoxe, domingo 13, a súa tradicional axenda de actividades paralelas. Unha presentación colectiva das obras do alumnado d’O Garaxe Hermético, a escola de cómic que dirixe Kiko da Silva en Pontevedra, porá a mediodía o punto e final a esta semana de charlas, conferencias, sinaturas de orixinais e presentación de novidades editoriais.

A Rúa da BD, isto é, a feira editorial que se celebrou en paralelo ao propio Festival, tamén fecha esta noite as súas portas.

Porén, todas as exposicións que conforman a edición número vinte permanecerán ata o día 11 de setembro nas respectivas sedes do Salón. Poderán ser visitadas ata esa data no horario habitual.

VIÑETAS 2017, A CONFIRMACIÓN DA BANDA DESEÑADA COMA UNHA FERRAMENTA IMPRESCINDIBLE PARA ENTENDERMOS O MUNDO2017-08-14T09:50:30+02:00

VIÑETAS REMATA A SÚA SEMANA GRANDE DA MAN DO GAÑADOR DE CATRO PREMIOS EISNER, EDUARDO RISSO, E MAIS O COÑECIDO “SUPERHEROE” CAMERON STEWART

2017-08-10T17:52:31+02:00
  • Mañá, de 12 a 14 horas (Kiosco Alfonso e tamén na sala Palexco), derradeira oportunidade de afacerse cunha sinatura dos convidados e convidadas
  • As charlas de ambos os dous autores terán lugar na Afundación, a partir das seis e media da tarde (Cameron Stewart) e das 19.45 horas (Eduardo Risso)
  • Na Rúa da BD asinarán tamén orixinais 3Pintamonas (13 h), Fonso Barreiro (18 h) e Antonio Seijas (18.30 h), mentres que Kiko da Silva presentará a súa nova obra (12 h)

 A Coruña, venres 11 de agosto de 2017. Viñetas remata mañá sábado, día 12, a semana grande da súa vixésima edición cun par de ases na manga: as charlas de dous figuras indiscutibles da novena arte. A sala de conferencias d´Afundación acollerá, a partir das 18.30 horas, unha conversa informal con Cameron Stewart, o mundialmente coñecido autor de superheroes. Por se fose pouco, ao redor das 19.45 horas tomará o relevo de Stewart o arxentino Eduardo Risso, considerado un dos mellores autores de banda deseñada que existen hoxe en día, e galardoado con nada menos que catro premios Eisner, os Óscar da historieta, pola súa 100 balas.

Certo que a última xornada do festival coruñés con axenda de actividades paralelas non queda aí. A mañá do sábado vén cargada de convocatorias. Na Rúa da BD, por exemplo, terá lugar a mediodía a presentación da nova obra de Kiko da Silva Curso de Cómic Fiz, publicada por Dibbuks. Unha hora despois, tamén na Rúa da BD, asinarán exemplares dos seus traballos os 3Pintamonas, isto é, Tirso Cons, Antonio Martínez Ron e David Cuence. Xa ás 18,30 horas, fará o propio o autor Antonio Seijas.

As firmas dos 3Pintamonas coincidirán coa segunda e derradeira sesión de sinaturas programada este 2017 polo Salón Internacional que, como é sabido, organiza cada ano a Concellaría de Culturas, Deportes e Coñecemento do Concello coruñés. Tal e como sucedeu o venres, as firmas de orixinais e catálogos faranse simultaneamente en dúas sedes do festival, o propio Kiosco Alfonso e mais a Sala Municipal de Exposicións de Palexco. Prolongaranse entre as 12 e as 14 horas. Os obradoiros das Bibliotecas Municipais despídense tamén este sábado da Rúa da BD (con tres últimas quendas, ás 18 horas, 19 horas e 20 horas).

Aínda que Risso e mais Stewart poñen o punto final á semana grande de Viñetas, o Salón Internacional do Cómic da Coruña prolongarase un mes máis. Tal e como adoita, o festival manterá abertas todas as súas exposicións unha vez rematen este domingo todas as actividades paralelas. O peche definitivo da vixésima edición será o día 11 de setembro.

Eduardo Risso

Gañador de catro Premios Eisner, foi o elixido para resucitar a Torpedo xunto ao creador da personaxe, o guionista Enrique Sánchez Abulí. Torpedo 1972: a propósito del Mar Muerto, retrotrae á convulsa Nova York dos anos 70 para devolvernos a todo un mito da novena arte, o asasino a soldo Luca Torelli.

De formación autodidacta, en 1981 Risso adaptou ao cómic a película Firefox (Clint Eastwood, 1982). A partir de 1987, creou xunto a Ricardo Barreiro Parque Chas e Caín. A mediados dos 90, Dark Horse Comic asígnalle Alien: Resurrección (1997) e mais Alien: Wraith (1998). Impresionado, o editor Axel Alonso requiriu os seus servizos para debuxar unha serie limitada titulada Jonny Double, escrita polo guionista Brian Azzarello. O entendemento entre Azzarello e Risso foi tal que pronto acometeron un novo proxecto, hoxe un clásico do selo Vértigo e do xénero negro: 100 Balas, co que Risso gañou ata catro Premios Eisner.

Tras Lobezno: Logan (2008), escrita por Brian K. Vaughan, volveu coincidir con Azzarello en Spaceman (2011), 100 Balas: Hermano Lono –spin-off da mítica serie-, e mais Moonshine. Tamén participou en proxectos do calado de Antes de Watchmen e Caballero Oscuro III: La raza superior; e debuxou a novela gráfica Noche Oscura: Una historia verídica de Batman (ECC), que relata un episodio autobiográfico do guionista Paul Dini.

Cameron Stewart

Representa os debuxantes de superheroes máis recoñecidos do planeta. Participou na recreación e modernización do personaxe Batgirl para DC e destaca, na súa faceta como autor independente, por títulos coma El Club de la Lucha 2 ou Sin Título. Levan a súa pegada Scooby Doo, Superman Adventures e Os Invisibles.

De formación autodidacta e influencias moi variadas, durante un tempo Stewart compartiu estudo co seu compatriota Darwyn Cooke, realizando story-boards para a serie de animación Men in black. A súa irrupción na industria do cómic americano forxouse durante a asistencia á San Diego Comic Con, igual que lle pasou, no seu día, ao propio Risso. O paso de Stewart pola serie regular Catwoman resultou especialmente relevante, por conferirlle unha maior visibilidade, primeiro como entintador, e posteriormente, como portadista e debuxante.

A partir de 2003, intensificou a súa colaboración con Grant Morrison, debuxando proxectos como Seaguy ou 7 Soldados de la Vitoria (ECC). Tamén traballou con Ray Fawkes en Apocalipstix, e xunto a Jason Aaron en El otro bando, nomeada aos Premios Eisner 2007 na categoría de mellor miniserie. Prolífico e inquedo, reservou tempo para proxectos persoais como Sin Título (Astiberri), que lle fixo levar o Premio Shuster 2009 ao mellor creador de web-cómics e mais o Premio Eisner 2010 ao mellor cómic dixital. É un thriller que combina xénero negro e misterio, que finalmente foi publicado en versión impresa.

Stewart formou ademais equipo creativo con Karl Kerschl en diferentes novelas gráficas baseadas na franquicia de videoxogos Assassin’s Creed: The Fall, The Chain e Brahman (Panini Cómics). En 2014, afrontou o relanzamento de Batgirl (ECC) xunto a Brenden Fletcher e Babs Tarr, dando forma a un novo deseño e a un cambio de enfoque que converteron a serie nunha das grandes revelacións de DC Comics. Repetiron colaboración nun proxecto persoal de ciencia ficción publicado por Image Comics: Motor Crush.

Entre os proxectos recentes de Stewart tamén ocupa un lugar moi destacado El club de la lucha (Reservoir Books), secuela en forma de cómic da novela de culto tamén escrita por Chuck Palahniuk.

 

VIÑETAS REMATA A SÚA SEMANA GRANDE DA MAN DO GAÑADOR DE CATRO PREMIOS EISNER, EDUARDO RISSO, E MAIS O COÑECIDO “SUPERHEROE” CAMERON STEWART2017-08-10T17:52:31+02:00

SETE PREMIOS NACIONAIS DE CÓMIC, DE PAROLA POR A CORUÑA

2017-08-08T19:43:42+02:00
  • Mañá, día 11, de 18 h a 20 h, terá lugar a tradicional sesión de sinaturas por parte dos autores e as autoras invitadas, pero, a diferenza doutras edicións, por primeira vez haberá firmas simultaneamente no Kiosco Alfonso e mais na sala Palexco
  • Afundación acolle este venres ás 18.30 horas a charla que ofrecerá o último galardoado polo Ministerio de Cultura español, Pablo Auladell. Ao seu remate, tomarán a palabra tamén esoutros seis convidados de honra do XX Salón: Juanjo Guarnido, Antonio Altarriba, Juan Díaz Canales, Santiago Valenzuela, Alfonso Zapico e o asemade director do festival, Miguelanxo Prado

A Coruña, xoves 10 de agosto de 2017. Viñetas ofrece mañá venres, día 11, dúas citas ineludibles. Dunha banda, a primeira sesión de sinaturas por parte dos convidados e as convidadas a esta vixésima edición do Salón que organizou, como adoito, a Concellería de Culturas, Deporte e Coñecemento do Concello coruñés. Doutra, a posibilidade de parolar e intercambiar ideas e puntos de vista con sete nomes propios da novena arte, os galardoados cos Premios Nacionais de Cómic que outorga anualmente o Ministerio de Cultura español Juanjo Guarnido, Antonio Altarriba, Juan Díaz-Canales, Santiago Valenzuela, Alfonso Zapico, Pablo Auladell e, por suposto, o propio director do Salón Internacional, o único galego nese cadro de honra, Miguelanxo Prado.

A tradicional sesión de firmas, porén, vén este vinte aniversario cun aliciente. Por primeira vez na historia do Festival, a cita terá lugar asemade en dúas sedes de Viñetas. Os autores e as autoras asinarán orixinais e catálogos partillados entre o Kiosco Alfonso e mais a Sala Municipal de Exposicións Palexco. Ambas as dúas sesións, polo tanto, comezarán simultaneamente ás 18 horas e pecharán ás oito da tarde. Pero ata aí as melloras. Porque, igual que é costume, tamén o sábado, entre as 12 e as 14 horas, os invitados e invitadas al Salón disporanse de novo a achegarlles unha firma aos orixinais que lles poñan de diante os afeccionados e as afeccionadas.

Xa no que ás charlas se refire, o venres 11, a sala de conferencias d´Afundación pon ao dispor da veciñanza e mais os forasteiros e as forasteiras que visiten o Festival coruñés un luxo por partida dupla. De entrada, ás 18.30 horas, conversará co público que acuda a esa nova sede de Viñetas o último autor que obtivo o Premio Nacional, Pablo Auladell. Pero é que pouco máis tarde, ao redor das 19.45 horas, poderán parolar polo miúdo con nada menos que sete dos dez premios españois de banda deseñada concedidos ata o día de hoxe.

Outra sede acabada de incorporar a Viñetas, a Fundación Barrié, amosa “Dez anos de Premios Nacionais”, onde se poden contemplar páxinas das obras polas que foron premiados estes sete convidados e mais os tres autores ausentes. Son, en concreto, El Paraiso Perdido (2016) de Pablo Auladell; Las Meninas (2015) de Javier Olivares e Santiago García; Blacksad, Amarillo (2014) de Juanjo Guarnido e Juan Díaz Canales; Ardalén, (2013) de Miguelanxo Prado; Dublinés (2012) de Alfonso Zapico; Plaza Elíptica (2011) de Santiago Valenzuela; El arte de volar, (2010) de Antonio Altarriba e Kim; Las Serpientes Ciegas (2009) de Bartolomé Seguí e Felipe Hernández Cava; Arrugas (2008) de Paco Roca e Hechos, dichos, ocurrencias y andanzas de Bardín el superrrealista (2007) de Max.

Actividades na Rúa da BD

A Rúa da BD ten previsto tamén este venres un bo número de actividades, así como as súas propias sesións de sinaturas. As confirmadas son as de Miguel Brieva (18 h); os 3Pintamonas, isto é, Tirso Cons, Antonio Martínez Ron e David Cuence (18.30 h), e mais a de Fonso Barreiro (19 horas).

Antes, pola mañá, tanto ás 11 como ás 12 horas, Alita Cómics presenta na carpa da Rúa da BB Amnistía Internacional. Unha hora despois, ás 13 horas, Demo Editorial dará a coñecer o Tattoo de Santiago Paredes.

Dende as seis da tarde e ata as oito do serán, as Bibliotecas Municipais desenvolverán obradoiros na Rúa da BD. Levaranos a cabo en tres quendas, que comezarán ás 18 horas, ás 19 horas e a derradeira, ás 20 horas.

SETE PREMIOS NACIONAIS DE CÓMIC, DE PAROLA POR A CORUÑA2017-08-08T19:43:42+02:00

NATACHA BUSTOS (MOON GIRL), RAYCO PULIDO (NELA), JAVI REY (INTEMPERIE) E DAVE MCKEAN (SANDMAN E CAGES) PROTAGONIZARÁN MAÑÁ OS ENCONTROS DE VIÑETAS

2017-08-08T19:04:28+02:00
  • Será, como estes dous últimos días, no salón de actos do Kiosco Alfonso, sede central do Festival
  • Na carpa da Rúa da BD, pola mañá, haberá dúas presentacións, a de Grafito Editorial e a da publicación Licor Café, de Demo Editorial.
  • Proseguen as propostas para tódolos públicos na Rúa da BD como os obradoiros para os máis cativos de Funcomic ou os que dirixe cada tarde o debuxante Xosé Tomás

A Coruña, 9 de agosto de 2017. A axenda de charlas de Viñetas desde o Atlántico para mañá xoves inclúe a intervención de catro das persoas convidadas a esta vixésima edición do Salón Internacional coruñés, que promove a Concellería de Culturas, Deporte e Coñecemento. Departirán co público Natacha Bustos, debuxante entre outras obras de Spider Woman, Moon Girl y Dinosaurio Diabólico; Rayco Pulido, autor de Nela, a tradución a historieta da novela de Benito Pérez Galdós Marianela; Javi Rey, que firma a adaptación ao cómic da novela Intemperie, do escritor Jesús Carrasco e o debuxante, pintor, deseñador gráfico, fotógrafo, cineasta e músico británico Dave McKean (Sandman, Batman: Asilo Arkham y Cages), todo un referente do cómic internacional. Bustos, Pulido e Rey faráno entre as 18.30 e 19.30 horas e McKean a continuación.

Na Rúa da BD proseguen tamén as actividades. Dende as once da mañá haberá un novo obradoiro de chapas para nenos desenrolado pola Asociación Funcomic. E ao longo da maña sucederanse presentacións como a de Grafito Editorial e a da publicación Licor Café, de Demo Editorial. Pola tarde será o tempo dos obradoiros para cativos e cativas que dirixe Xosé Tomás.

Natacha Bustos debutou como historietista no 2011 poñendo o seu talento e debuxo ao servizo dun guión asinado por Francisco Sánchez e que daría como resultado a obra Chernóbil: la zona. Trátase dunha novela gráfica que rende homenaxe ás vítimas da catástrofe nuclear de Ucraína e que chegou a ser publicada en países como Corea, Xapón e Francia, ademais de España. Este traballo lle valeu o Premio Tournessol do Festival de Angoulême 2012.

No ano 2015 produciuse o seu debut no mercado francés, coincidindo coa publicación da cuarta entrega da serie futurista Lolita HR. Un proxecto ao que chegou por recomendación de Javier Rodríguez, debuxante dos tomos previos. A súa primeira incursión nos Estados Unidos chegaría co número 3 de Strange Sports Stories, con guión de Brandon Montclare. Posteriormente traballaría no número 10 da serie regular de Spider Woman.

Grazas á visibilidade que estes traballos lle proporcionaron no mercado americano, axiña se convertería na artista escollida para tomar as rendas de Moon Girl y Dinosaurio Diabólico, formando equipo creativo xunto á colorista Tamra Bonvillain e os guionistas Brandon Montclare e Amy Reeder, nunha atrevida aposta da editorial Marvel por reinventar dous dos personaxes máis estranos creados polo mestre Jack Kirby. Nesta ocasión vístense ca pel dunha moza superdotada que quere cambiar o mundo e dun tiranosaurio vermello, cuxas aventuras están causando verdadeiro furor e ampliando as filas de lectores de cómic sen restricións de idade ou xénero.

Rayco Pulido, irmán do tamén historietista Javier Pulido, iniciou a súa carreira alternando a presenza en exposicións colectivas de debuxo e gravado con concursos de cómic. A súa primeira novela gráfica foi Final feliz, con guión de Hernán Migoya. Mais non sería ata o 2011 cando debuta como autor completo coa obra Sin título: 2008-2011, unha metaficción na que combinaba foto-realidade co seu persoal estilo gráfico.

O seu seguinte traballo, titulado Nela, afronta a adaptación á linguaxe da historieta de Marianela, a novela curta de Benito Pérez Galdós. Un traballo co que unha vez máis mostra a capacidade para renovar o seu grafismo e a súa narrativa.

Grazas a unha bolsa/residencia convocada por Acción Cultural Española (AC/E) e a Cité internationale de la bande dessinée et de l’image, consistente nunha estadía na Maison des Auteurs (Angoulême), no 2016 logra culminar o seu traballo máis recente, Lamia. Trátase dunha obra coa que rende homenaxe ao xénero negro máis xenuíno e a escritores como Jim Thompson ou González Ledesma. Presenta aquí un inquietante relato de asasinos en serie, intelixentemente construído, onde realidade histórica e ficción policial funden nunha Barcelona de posguerra en branco e negro.

Durante o pasado mes de abril, a revista El País Semanal publicou a súa primeira incursión no cómic-reportaxe: La herencia de Franco, historieta de 10 páxinas desenvolvida xunto ao xornalista Xosé Hermida na que debuxan “a parte máis suculenta dos negocios da familia Franco”.

Javi Rey comezou a súa actividade profesional no mundo da animación independente traballando como debuxante de preprodución. Tamén traballou como ilustrador de libros de texto para a editora Digital Text; ou como storyboarder para diversas axencias de publicidade. A súa oportunidade definitiva chega durante o Salón del Cómic de Barcelona do ano 2011, por mor dunha cita cun editor francés que lle abriu a posibilidade de converterse no debuxante de ¡Adelante! sobre un guión de Frank Giroud. A acción transcorre durante a guerra da independencia española, coa loita de clases como pano de fondo e un intrépido bandoleiro no rol protagonista. A súa segunda obra de longa duración, Un maillot pour l’Algérie, aborda a historia da creación do primeiro equipo nacional de fútbol alxerino durante a guerra franco-alxerina, guionizado para a ocasión por Kris e Bertrand Gallic.

O seu traballo máis recente é a adaptación ao cómic da novela Intemperie (Planeta Cómic), do escritor Jesús Carrasco, un proxecto polo que Javi Rey recibiu o premio autor revelación do Salón Internacional del Cómic de Barcelona de este ano.

Dave McKean é unha das voces creativas máis destacadas do Reino Unido. Este debuxante, pintor, deseñador gráfico, fotógrafo, cineasta e músico deixou unha pegada indeleble no mundo do cómic, sendo a súa gran carta de presentación Casos violentos (publicada orixinalmente en 1987), novela gráfica galardoada co Premio Eagle e primeira das súas múltiples colaboracións co guionista Neil Gaiman.

O equipo creativo non tardou en desembarcar no selo Vértigo, de DC Comics, da man da editora Karen Berger. Tras desenvolver a miniserie Orquídea negra e serializar Señal y ruido en 1989 na revista británica The Face, embarcáronse en Sandman (1989-1996), mítica colección para a que McKean exerceu como portadista regular, ademais de debuxar diferentes historias curtas ambientadas no devandito universo onírico. O impacto do traballo de McKean foi espectacular: alzouse co World Fantasy Award de 1991 ao mellor artista, gañou o Premio Eisner 1993 ao mellor deseño de publicación e marcou tendencia no selo Vértigo. O seu recoñecemento masivo non se limitou á colección protagonizada por Morfeo: o mesmo ano en que emprendeu a dita aventura publicouse o orixinal de Batman: Asilo Arkham, escrito por Grant Morrison, que acabou converténdose nunha das novelas gráficas con máis éxito da historia.

Entre 1990 e 1996, McKean decidiu centrar boa parte dos seus esforzos nunha ambiciosa obra de creación propia: Cages, novela gráfica merecedora dos premios Harvey, Ignatz, Eisner e Alph-Art. Todo un punto de inflexión na súa carreira profesional, xa que a partir de entón apañouse para reservar tempo e espazo na súa apertada axenda para desenvolver proxectos persoais: Pictures That Tick (2000, 2014) o libro mudo de corte erótico Celluloid (2011), diferentes sketchbooks publicados a modo de cadernos de viaxe e coleccións de postais. Ademais, desenvolveu xunto a David Almond El salvaje (2008), Slog’s Dad (2010) e Mouse Bird Snake Wolf (2013); colaborou con Richard Dawkins no libro infantil de divulgación científica The Magic of Reality (2011); ilustrou obras de Ray Bradbury como The Homecoming (2006) e Skeletons (2008); e traballou á beira de Heston Blumenthal en The Fat Duck Cookbook (2008), mestura de libro de receitas, autobiografía e explicación do método de traballo do popular cociñeiro británico.

Na súa bibliografía segue ocupando un lugar moi especial cada reencontro creativo con Neil Gaiman. Alén da distante La trágica comedia o cómica tragedia de Mr. Punch (publicada orixinalmente en 1994), durante os últimos anos destacaron os libros infantís El día que cambié a mi padre por dos peces de colores (2002), Los lobos de la pared (2004) e Caballo loco (2010), así como portadas e ilustracións das novelas Coraline (2003), El libro del cementerio (2009) e Sandman: Obertura, precuela do mítico cómic, na que comparte tarefas de portadista co debuxante J.H. Williams III.

Ainda que ao longo da súa carreira McKean deu constantes mostras de versatilidade, emprendendo proxectos cinematográficos —MirrorMask, The Gospel of Us, Luna— e recibindo encargas de ilustración das firmas máis prestixiosas, continúa explorando os límites da novena arte a través de obras como a novela gráfica Black Dog: The Dreams of Paul Nash, un dos seus proxectos máis recentes, baseado na vida do pintor surrealista británico.

 

NATACHA BUSTOS (MOON GIRL), RAYCO PULIDO (NELA), JAVI REY (INTEMPERIE) E DAVE MCKEAN (SANDMAN E CAGES) PROTAGONIZARÁN MAÑÁ OS ENCONTROS DE VIÑETAS2017-08-08T19:04:28+02:00

LA CANADIENSE JULIE ROCHELEAU (FANTOMAS) Y EL FRANCÉS NOB (NANETA) PROTAGONIZAN MAÑANA MIÉRCOLES LAS CHARLAS DE VIÑETAS 2017

2017-08-06T19:07:05+02:00
  • Será a partir de las seis y media de la tarde en el salón de actos de la sede central del Festival, el Kiosco Alfonso
  • La exposición de la obra de Nob se exhibe en la sala municipal de exposiciones de Palexco y la de Rocheleau en el Kiosco Alfonso
  • Prosiguen también las actividades para el público en la carpa de la feria editorial como los talleres para niños y niñas de distintas edades que dirige el dibujante gallego Xosé Tomás
  • En el Kiosco Alfonso tendrá lugar  a las 12.30 la presentación del libro BDG70 A revolta do cómic galego, un proyecto en el que está implicada la Universidad coruñesa

A Coruña, 8 de agosto de 2017. La dibujante canadiense Julie Rocheleau a cuyos lápices debemos la resurrección y éxito renovado del viejo supervillano Fantomas y el creador de Naneta y Dad, el francés Bruno Chevrier (Nob) serán los protagonistas mañana miércoles de las charlas de los autores invitados de la vigésima edición de Viñetas desde o Atlántico. Ambos departirán con el público en la sala de conferencias del Kiosco Alfonso (última planta). Rocheleau lo hará a partir de las 18,30 horas y la intervención de Nob comenzará a las 19.45.

En la jornada tendrá especial relevancia la presentación del libro BDG70 A revolta do cómic galego. Será las 12.30 horas, en la sala de conferencias del Kiosco Alfonso. El acto contará con la presencia de la vicerrectora de la Universidad de A Coruña y varios de los autores participantes. Se trata de un proyecto en el que está implicada la Universidad coruñesa. Prosiguen, por otro lado, la actividad paralela en la Rúa da BD con presentaciones como las de Xan Eguía e la de los nuevos números de la revista La Resistencia. Ya por la tarde continúa los talleres de dibujo para niños y niñas de distintas edades que dirige Xosé Tomás.

La canadiense Julie Rocheleau inició su carrera profesional en el mundo de la animación En el año 2010 da el salto a la historieta con la obra La fille invisible, basada en un guion de Emilie Villeneuve. Con ella ambas autoras ganaron el premio Bédéis Causa del Festival de Quebec. Ese mismo año Julie gana también el premio Joe Schuster a mejor colorista y es nominada también en la categoría de mejor dibujante. Su siguiente inmersión en el mundo del cómic llegaría con la multi-galardonada La cólera de Fantomas, una adaptación del guion de Olivier Bocquet, que supone una reinterpretación del celebérrimo e infame villano creado por los franceses Souvestre y Allain.

Nuevo Fantomas

El icónico y algo anticuado Fantomas es un personaje que bien podría considerarse como el predecesor de los supervillanos de cómic que cobró vida en más de una treintena de novelas de misterio a comienzos del pasado siglo. Ahora reengancha con una nueva generación de lectores gracias a la nueva serie de tres tomos de aventuras, donde el dibujo audaz y expresivo de la canadiense pone al día su leyenda.

El trabajo más reciente de Rocheleau, todavía no publicado en España, es La petite patrie, basado en la afamada novela autobiográfica de Claude Jasmin y adaptada por Grégoire Normand. Esta es una crónica de un popular barrio de Quebec visto a través de los ojos de un niño de ocho años, en los albores de los años 40. Rocheleau nos propone una historia con aires de nostalgia, en la que confluyen los recuerdos de su infancia: la guerra, la religión, los días jugando en las calles, el amor, la muerte y el fin de la inocencia.

En la actualidad Julie Rocheleau reside en Montreal, donde simultanea su trabajo como historietista con la ilustración de libros infantiles y carteles.

El padre de Naneta

Bruno Chevrier, o lo que es lo mismo, Nob dio sus primeros pasos como dibujante en un fanzine que él mismo creó durante sus años de instituto. Después de ganar el primer premio en un concurso para autores jóvenes, organizado por la editorial Glénat, se convierte en un autor habitual de la famosa cabecera francesa para niños Tchô! Aquí crea las aventuras de Bogzzz, justo antes de convertirse en redactor jefe de a pubicación, en el año 2003.

Poco tiempo después se embarca en la aventura de Mon ami Grompf: el yeti mascota, primero publicado por entregas y posteriormente como una exitosa colección infantil de Glénat, que incluso llegó a tener su propia serie de dibujos animados.

Con su creación Mamette (Naneta en España), la abuela que se comporta como una niña, le llega la consagración como autor. Esta obra le valió el premio Millepage, que conceden los libreros franceses. A los cinco tomos de lo serie inicial, le han seguido tres tomos de Los recuerdos de Naneta, que recoge las vivencias infantiles de su protagonista y con la que se trabaja ya para convertirla en una serie de animación para la televisión.

Durante este tiempo Nob también ha trabajado como colorista para el primer tomo integral de la famosa serie Titeuf: Dieu, le sexe et les bretelles, obra de su compañero Zep y para la serie Alice au pays des singes, de Keramidas y Tebo. Su más reciente creación es la hilarante serie Dad, que en la actualidad cuenta con tres tomos publicados. En ellos el dibujante francés retrata con mucha ironía y desenfado la vida de una familia poco convencional, encabezada por un desbordado padre que debe cuidar y redescubrir a sus tres jóvenes hijas.

 

LA CANADIENSE JULIE ROCHELEAU (FANTOMAS) Y EL FRANCÉS NOB (NANETA) PROTAGONIZAN MAÑANA MIÉRCOLES LAS CHARLAS DE VIÑETAS 20172017-08-06T19:07:05+02:00

RALPH MEYER (UNDERTAKER) E KIKO DA SILVA (O GARAXE HERMÉTICO) ABREN MAÑÁ AS CHARLAS CO PÚBLICO DE VIÑETAS 2017

2017-08-06T13:11:10+02:00

 

  • Os encontros cos autores serán no escenario habitual, o salón de actos do Kiosco Alfonso, sede central do Festival
  • Os dous debuxantes forman parte do elenco de persoas convidadas da vixésima edición do Salón Internacional coruñés
  • Tamén mañá comezan as actividades paralelas na carpa da Rúa da BD, entre elas, os obradoiros para cativos que dirixe de novo o debuxante galego Xosé Tomás 
  • Lembrar que este ano, por primeira vez, visitar as exposición de Viñetas ten premio. As 500 primeiras persoas que presenten o programa de man do Festival co selo de ter visitadas as mostras das seis salas obterán de balde o catálogo conmemorativo da edición

A Coruña, 7 de agosto de 2017. O debuxante francés, Raplh Meyer, un dos nomes imprescindibles do cómic europeo, e o galego Kiko da Silva, creador da escola de cómic e ilustración de Galicia O Garaxe Hermético, serán os encargados de abrir mañá o calendario de charlas da vixésima edición de Viñetas desde o Atlántico, que se inaugura esta tarde na Coruña. Ambos convidados departirán coa cidadanía e contestarán ás preguntas do público no salón de actos do Kiosco Alfonso. Meyer farao a partir de as 18.30 horas e a intervención de Kiko da Silva comezará ás 19.45. A obra destes dous autores convidados colga nas paredes do Kiosco Alfonso, sede central do Festival, promovido pola Concellería de Culturas, Deporte e Coñecemento coruñesa.

A xornada de mañá martes ten outras citas. Comezan tamén as actividades na carpa da feira editorial (Rúa da BD) que como en anos anteriores desprégase nos Xardíns de Méndez Núñez. A primeira proposta neste escenario é un taller de Chapas de Asociación FunCómic, a partir das 12 horas. As 13 horas, presentarase os libros de Félix Carreira 850 Aniversario y Lágrimas de Neón. No mesmo lugar, xa pola tarde, Carreira firmará exemplares no stand de Kikomic (20 horas) e darán comezo os obradoiros para cativos e cativas de distintas idades que dirixe un ano máis o debuxante galego Xosé Tomás.

Por vez primeira o folleto informativo do Festival incluirá un apartado especial deseñado para reunir o selo da visita a seis das exposicións do Salón. As primeiras 500 persoas que se acheguen até a caseta de información da Rúa da BD co documento selado na súa totalidade recibirán o catálogo conmemorativo deste 2017, ano no que Viñetas cumpre o seu 20 aniversario. O documento conterá un apartado especial con seis espazos  nos que a veciñanza poderá certificar, coa axuda do persoal das salas, a súa visita: o Kiosco Alfonso, o Pazo Municipal de María Pita, a Sala Municipal de Exposicións Palexco, a Casa de Cultura Salvador de Madariaga, a Sala AFundación e a Fundación Barrié; espazos nos que, precisamente, este folleto estará á disposición do público. Unha vez teña completo o documento acreditativo, a cidadanía poderá achegarse até a caseta de Información para obter o catálogo.

O debuxante de Undertaker

Raplh Meyer, que actualmente vive en Barcelona, é o debuxante de Undertaker (O enterrador), unha lúgubre e trepidante balada que nos devolve á senda do máis xenuíno western. A obra é froito do dúo que protagoniza co tamén francés Xavier Dorison, autor do guión, e co que xa publicou en 2012 o díptico Asgard, un relato co que nos mergulla nas paisaxes e mitoloxía nórdicos. Tamén asinaron xuntos con anterioridade o best-seller XIII Mystery, que lle valería a honra de alzarse co premio Saint Michel ao mellor debuxante, un recoñecemento que outorga anualmente a cidade de Bruxelas no ámbito da historieta.

Dos lápis de Meyer saíron con anterioridade outras obras imprescindibles do cómic europeo como a triloxía Nana asesina e a celebrada obra de ciencia ficción IAN, que narra as aventuras dunha intelixencia artificial que habita baixo unha pel de humán e que supuxo, de feito, o despegue meteórico da súa carreira. No 2010 enfrontou un dos maiores retos artísticos, a obra Página negra, de Frank Giroud e Denis Lapière, onde o seu debuxo compartimentado en dúas metades supoñería un radical xiro no seu estilo gráfico.
Un clásico galego

O vigués Kiko da Silva é historietista, ilustrador e director editorial. Publicou o seu primeiro libro ilustrado con só 16 anos. A súa produción está ligada á ilustración infantil con títulos como A memoria das árbores, Moncho e a mancha, e Que contan as ovellas para durmir.

En 2001 fundou xunto ao libreiro pontevedrés Cano Paz a revista BD Banda, que se converteu en 2005 na primeira revista en lingua galega en recibir o Premio do Xurado do Salón Internacional de Cómic de Barcelona. En 2007 lanza a primeira revista satírica en galego, Retranca, unha das publicacións humorísticas máis lonxevas, polémicas e vendidas de Galicia, que chegaría a gañar o Premio do público do Salón Internacional de Cómic de Barcelona á mellor revista e o Premio Ourense de Banda Deseñada á mellor iniciativa de Galicia no ano 2010.

Entre os seus proxectos máis ambiciosos figura a creación en 2012 da primeira escola profesional de cómic e ilustración de Galicia, O Garaxe Hermético (Premio Ourense de Banda Deseñada á mellor iniciativa), con mestres profesionais galegos da talla de Fernando Igresias, Fernando Llor, Fran Bueno, Miguel Porto, Rodrigo Cota ou Miguelanxo Prado. A escola é hoxe un dos referentes formativos do cómic en España.

Da Silva encárgase, desde 2013, da sección de cómic de Oink!, a revista do Xabarín Club (Premio Ourense de Banda Deseñada á mellor iniciativa 2013). Tamén en 2014 alzouse co Premio de Banda Deseñada Castelao da Deputación da Coruña coa inusual obra O inferno do debuxante, editada en galego polo organismo provincial coruñés e en castelán pola editorial Dibbuks.

RALPH MEYER (UNDERTAKER) E KIKO DA SILVA (O GARAXE HERMÉTICO) ABREN MAÑÁ AS CHARLAS CO PÚBLICO DE VIÑETAS 20172017-08-06T13:11:10+02:00

UN ESPECTÁCULO AUDIOVISUAL DE BALDE DO DEBUXANTE BRITÁNICO DAVE MCKEAN ABRIRÁ O LUNS AS ACTIVIDADES DE VIÑETAS 2017

2017-08-06T12:46:24+02:00
  • A cidadanía poderá facerse cas invitacións (dúas por persoa) nas taquillas do IMCE, no quiosco da praza de Ourense
  • Terá lugar as 21 horas na sede da Fundación Barrié, espazo que este vixésimo aniversario se suma os escenarios do Festival Internacional coruñés do Cómic

A Coruña, 5 de agosto de 2017. Viñetas desde o Atlántico 2017 abre o luns o seu calendario de actividades cun espectáculo audiovisual do debuxante británico Dave Mackean. Será as 21 horas na sede da Fundación Barrié, que este ano se suma aos escenarios do Festival Internacional promovido polo Concello da Coruña. A proposta é de balde pero precisa entrada. As invitacións están ao dispor da cidadanía dende hoxe mesmo, sábado, nas taquillas do IMCE, no quiosco da Praza de Ourense. A organización ofrece un total de 300 pases, dos que cada persoa interesada poderá retirar un máximo de dous.

O espectáculo Black Dog, the dreams of Paul Nash é unha sesión de música en vivo con proxección das imaxes que ilustran a novela gráfica que publicou McKean ao redor do Paul Nash, un dos nomes claves no nacemento dos movementos modernista e surrealista. Trátase da primeira vez que o programa de Viñetas desde o Atlántico inclúe unha proposta así. Forma parte das novidades do Festival por mor do seu vixésimo aniversario.

Dave McKean é unha das voces creativas máis destacadas do Reino Unido. Este debuxante, pintor, deseñador gráfico, fotógrafo, cineasta e músico, deixou unha pegada indeleble no mundo da banda deseñada. É o responsable de proxectos como Sandman. Os traballos para esta mítica colección levaron a McKean a alzarse co World Fantasy Award de 1991 ao mellor artista, e a gañar o Premio Eisner 1993 ao mellor deseño de publicación. A McKean debemos tamén a obra de creación propia Cages, novela gráfica merecedora dos premios Harvey, Ignatz, Eisner e Alph-Art. Black Dog: The Dreams of Paul Nash, é un dos seus proxectos máis recentes.

Inauguración oficial

A inauguración oficial de Viñetas 2017 terá lugar dúas horas antes da celebración do espectáculo de McKean, ás 19 horas, no Kiosco Alfonso. Correrá a cargo do alcalde da Coruña, Xulio Ferreiro, e do director do Salón Internacional Miguelanxo Prado. Participará tamén o concelleiro de Culturas, Deporte e Coñecemento, José Manuel Sande.

Viñetas contará, como cada ano, cun cadro de persoas convidadas da máxima categoría:  Eduardo Risso, Ralph Meyer, Javi Rey, Cameron Stewart, Kiko da Silva, Natacha Bustos, Nob (Bruno Chevrier), Rayco  PulidoJulie Rocheleau e Dave McKean.

Esta vixésima edición do Salón Internacional do Cómic coruñés amplía a súa oferta habitual con propostas como a exposición A banda deseñada galega nos vinte anos de Viñetas, unha mostra retrospectiva-comparativa das autoras e autores galegos que participaron no Festival nestes vinte anos (Fran Jaraba, Fernando Iglesias, Xaquín Marín, DasPastoras, Fran Bueno, Alex Cal, Emma Ríos, Víctor Rivas, David Rubín, José Domingo, Fausto Isorna, Jano, Martín Romero e Ramón Marcos).

Tamén é unha novidade a mostra Dez anos de Premios Nacionais. Será a primeira vez que se poderán ver xuntos os dez traballos premiados co Premio Nacional de Cómic que concede cada ano, dende hai dez, o Ministerio de Cultura. Aí estarán dende as páxinas do primeiro agasallado, Max, en 2007, ata as do último premiado polo de agora, Pablo Auladell (2016). Ademais de Auladell, estarán en Viñetas boa parte dos galardoados: Juanjo Guarnido, Antonio Altarriba, Juan Díaz Canales, Santiago Valenzuela, Alfonso Zapico, e o propio Miguelanxo Prado, director do Salón.

Os escenarios destas dúas exposicións serán, respectivamente, a sede de Afundación e mais a da Fundación Barrié, espazos que se suman este ano aos de costume: Kiosco Alfonso, Pazo Municipal de María Pita, Sala Municipal de Exposicións Palexco e a Casa de Cultura Salvador de Madariaga. Na Torre de Hércules exhíbense os carteis das vinte edicións do Festival; entre eles, o deste 2017, que asina o debuxante galego DasPastoras.

UN ESPECTÁCULO AUDIOVISUAL DE BALDE DO DEBUXANTE BRITÁNICO DAVE MCKEAN ABRIRÁ O LUNS AS ACTIVIDADES DE VIÑETAS 20172017-08-06T12:46:24+02:00

A BANDA DESEÑADA GALEGA TERÁ GRAN PROTAGONISMO NO VINTE ANIVERSARIO DO FESTIVAL INTERNACIONAL VIÑETAS DESDE O ATLÁNTICO

2017-08-03T12:09:00+02:00

As propostas do Salón Internacional inclúen unha mostra do traballo e a evolución de catorce creadores e creadoras que formaron parte do plantel do Salón Internacional ao longo destas dúas décadas

  • A mostra retrospectiva-comparativa colgará das paredes de Afundación, centro que este año se suma aos espazos expositivos
  • No elenco de persoas convidadas por Viñetas 2017 figura tamén outro galego, o vigués Kiko da Silva, creador da revista BD de Banda e impulsor da Escola Profesional de Cómic e Ilustración de Galicia “O Garaxe Hermético” 
  • Un deses nomes imprescindibles do Cómic en Galicia, DasPastoras, asina tamén o cartel. É o primeiro autor que repite encargo (seu é o de 2002), unha excepción para singularizar a vixésima edición

A Coruña, 3 de agosto de 2017. Galicia terá unha importante presenza na vixésima edición de Viñetas desde o Atlántico (do 7 ao 13 de agosto). Ata dezasete debuxantes galegos participarán, dunha forma ou outra, no vinte aniversario do Salón Internacional coruñés. Entre os pratos fortes da oferta do Festival, promovido pola Concellería de Culturas, Deporte e Coñecemento da Coruña, está a mostra retrospectiva-comparativa A Banda Deseñada galega nos 20 anos de Viñetas. Nela mostrase a obra de catorce creadores que formaron parte do plantel do Festival ao longo destas dúas décadas. Outros nomes do panorama galego terán tamén presenza en Viñetas 2017 como é Kiko da Silva, creador da revista BD de Banda e da Escola Profesional de Cómic e Ilustración de Galicia O Garaxe Hermético.

 

A Banda Deseñada galega nos 20 anos de Viñetas é tamén unha exposición novidosa, conceptualmente falando. Nela o público poderá contemplar oito obras de cada un dos autores e autoras que formaron parte do plantel do Salón Internacional ao longo destas vinte edicións; unha peza ademáis, anterior ao ano 1998, data na que Viñetas comenzou a súa andaina; outros orixinais achegarán ao visitante aos seus traballos máis recentes. Unha forma especial de visualizar a evolución e o bo momento da Banda Deseñada en Galicia no presente.

A mostra xunta, sen dúbida, un bo feixe de nomes imprescindibles do cómic galego: Fran Jaraba, Fernando Iglesias, Xaquín Marín, DasPastoras, Fran Bueno, Alex Cal, Emma Ríos, Víctor Rivas, David Rubín, José Domingo, Fausto Isorna, Jano, Martín Romero e Ramón Marcos. A exposición colgará nas paredes de Afundación, que xunto á veciña Fundación Barrié, súmanse esta edición por primeira vez aos espazos expositivos do Salón Internacional do Cómic.

Rúbrica galega no cartel conmemorativo

Tamén, por primeira vez na historia de Viñetas, o cartel de 2017 non se lle encargou, como é costume, a un convidado de 2016, senón a un autor galego con maiúsculas cuxa obra forma parte da exposición. Xulio Martínez Pérez ou o que é o mesmo DasPastoras asinou xa o póster de 2002, pero tal e como subliña o director do Salón, Miguelanxo Prado: “Queriamos que o vixésimo cartel fose diferente. Un que, na medida do posible, destacase dentro desa magnífica colección que fomos xuntando neste tempo”. Lembrar que os dous carteis de DasPastoras e os outros dezaoito exhibiranse nunha exposición dedicada exclusivamente a eles na Torre de Hércules. A ubicación non é casual. O faro romano aparece en todos eles. É unha condición (mesmo a única) que a organización de Viñetas impón ao autor, edición tras edición.

A presenza de debuxantes galegos na vixésima edición de Viñetas desde o Atlántico non remata aquí. No elenco de convidados está tamén, coma mencionamos xa,  Kiko da Silva, un nome imprescindible da historieta en Galicia. A súa obra se poderá ver no Kiosco Alfonso, xunto á doutros autores e autoras convidadas nacionais e internacionais.

Mencionar, doutra banda, que Miguelanxo Prado, director do Salón desde a primeira edición, formará parte ca sua obra Ardalén da mostra conxunta dos creadores que obtiveron o Premio Nacional de Cómic desde a súa creación fai dez anos. Prado é o único galego que ten obtido o galardón, neste caso no 2013.

Por último, e na sala Salvador de Madariaga, colgará a mostra de orixinais da obra Fóra do Mapa, do ourensán Emilio Fonseca, que obtivo o derradeiro premio Castelao da Deputación de A Coruña, outorgado no 2016.

A BANDA DESEÑADA GALEGA TERÁ GRAN PROTAGONISMO NO VINTE ANIVERSARIO DO FESTIVAL INTERNACIONAL VIÑETAS DESDE O ATLÁNTICO2017-08-03T12:09:00+02:00

VIÑETAS DESDE O ATLÁNTICO INCIDE NO SEU CARÁCTER DIVULGATIVO E FOMENTARÁ AS VISITAS ÁS EXPOSICIÓNS, PREMIANDO A VECIÑANZA CO CATÁLOGO DA SÚA VIXÉSIMA EDICIÓN

2017-07-24T17:12:24+02:00
  • As primeiras 500 persoas que visiten seis das exhibicións da cita e selen o folleto informativo, do que se editarán 5.000 exemplares, recibirán o libro conmemorativo deste Salón Internacional do Cómic

O Salón Internacional do Cómic da Coruña, Viñetas desde o Atlántico, incidirá na súa vixésima edición no carácter pedagóxico e divulgativo da cita en relación á banda deseñada. Por vez primeira o evento, promovido pola Concellería de Culturas, Deporte e Coñecemento, promoverá un percorrido especial arredor das distintas salas de exhibicións do Festival, co obxectivo de achegar o cómic a todos os públicos, en especial as máis novas e novos. Así, o folleto informativo desta edición –que se celebrará entre os días 7 e 13 de agosto– incluirá un apartado especial deseñado para reunir o selo da visita a seis das exposicións do Salón, e as primeiras 500 persoas que se acheguen até a Rúa da BD co documento selado na súa totalidade, recibirán o catálogo conmemorativo deste 2017, ano no que Viñetas cumpre o seu 20 aniversario.

O Concello da Coruña editará 5.000 exemplares deste folleto informativo, que inclúe información sobre as exposicións deste ano e as súas localizacións, así como as conferencias e mesas redondas ou as sinaturas e actividades da Rúa da BD, que un ano máis se situará nos xardíns de Méndez Núñez. O documento conterá, como novidade, un apartado especial con seis espazos  nos que a veciñanza poderá certificar, coa axuda do persoal das salas, a súa visita a seis das sedes desta edición de Viñetas: o Kiosco Alfonso, o Pazo Municipal de María Pita, a Sala Municipal de Exposicións Palexco, a Casa de Cultura Salvador de Madariaga, a Sala AFundación e a Fundación Barrié; espazos nos que, precisamente, este folleto estará á disposición do público.

Deste xeito, tras cada visita, o persoal das salas de exhibición selará o documento de man ás persoas que así o desexen. Unha vez estea completo o documento acreditativo, a cidadanía poderá achegarse até as casetas de Información da Rúa da BD. Para esta iniciativa, o Concello dispón de 500 exemplares que se repartirán entre as primeiras 500 persoas que entreguen o folleto cos selos dos espazos anteriormente citados.

Viñetas desde o Atlántico contará, nesta edición, con sete sedes expositivas. Así, o Pazo de María Pita acollerá unha mostra coa obra do último Premio Nacional de Cómic, Pablo Auladell; o Kiosco Alfonso, a obra de Eduardo Risso, Ralph Meyer, Kiko Da Silva, Cameron Stewart e Julie Rocheleau; a Sala Municipal de Exposicións Palexco, o traballo de Bruno Chevrier (Nob), Rayco Pulido, Dave McKean e Natacha Bustos; a Casa da Cultura Salvador de Madariaga a proposta Da novela ao cómic, de Javi Rey e Ernest Sala, e o Fóra de Mapa de Emilio Fonseca, premio Castelao 2016; e a Torre de Hércules mostrará todos os carteis das distintas edicións de Viñetas desde o Atlántico. Ao circuíto de equipamentos municipais este ano súmanse dous espazos expositivos. Así, a Fundación Barrié acollerá Dez anos de Premio Nacional de Cómic, unha mostra pioneira na que a cidadanía poderá achegarse á obra dos últimos dez galardoados con este recoñecemento, entre os que se atopa Miguelanxo Prado, director do Salón; e Sala Afundación será a sede da mostra A banda deseñada galega nos vinte anos de Viñetas.

VIÑETAS DESDE O ATLÁNTICO INCIDE NO SEU CARÁCTER DIVULGATIVO E FOMENTARÁ AS VISITAS ÁS EXPOSICIÓNS, PREMIANDO A VECIÑANZA CO CATÁLOGO DA SÚA VIXÉSIMA EDICIÓN2017-07-24T17:12:24+02:00

A OFERTA DE VIÑETAS 2017 INCLÚE UNHA MOSTRA DAS DEZ OBRAS GALARDOADAS POLO DE AGORA CO PREMIO NACIONAL DE CÓMIC

2017-07-22T19:19:32+02:00
    • A exposición colgará na sede da Fundación Barrié que este ano súmase aos espazos expositivos do Salón Internacional coruñés
    • A cidadanía poderá contemplar por primeira vez xuntos os traballos agasallados nos dez anos de existencia do galardón, desde o primeiro, asinado por Max, en 2007, ata o último, obra de Pablo Auladell (2016)
    • Na axenda da vixésima edición do Festival de Cómic da Coruña hai, asemade, unha mostra sobre o proceso de adaptación de novelas de éxito ao cómic como Intemperie, de Jesús Carrasco, ou a Trilogía del Batzan, de Dolores Redondo, na sala Salvador de Madariaga 
    • Tamén, nas paredes de Salvador de Madariaga, exhibirase Fóra do Mapa, de Emilio Fonseca Martín, obra galardoada co último premio Castelao, que outorga a Deputación da Coruña.

A Coruña, 19 de xullo de 2017.  Viñetas desde o Atlántico 2017 (do 7 ao 13 de agosto) cumpre vinte anos. Dúas décadas de celebración ininterrumpida desta cita estival coa banda deseñada e que converte á cidade da Coruña, cada mes de agosto, no epicentro do mundo da historieta. Para celebrar este vinte aniversario, a oferta do Salón Internacional coruñés, promovido pola Concellería de Culturas, Deporte e Coñecemento da Coruña, vén cargada de actividades e novidades. Entre elas, a conmemoración tamén do décimo aniversario dos Premios Nacionales de Cómic, que concede anualmente o Ministerio de Cultura. Unha exposición mostrará, por primeira vez xuntos, os traballos premiados nestas dez edicións e un nutrido grupo de agasallados co premio formará parte do plantel de creadores que estarán e participarán nesta vixésima edición de Viñetas.

A mostra, titulada Dez anos de Premios Nacionais, exhibirase nunha das sedes que se suman este ano (tamén novidade) aos espazos expositivos do Salón Internacional, a Fundación Barrié. Na súa sala de exposicións colgarán orixinais de El Paraiso Perdido(2016) de Pablo AuladellLas Meninas (2015) de Javier Olivares e Santiago GarcíaBlacksad, Amarillo (2014) de Juanjo Guarnido e Juan Díaz CanalesArdalén, (2013) de Miguelanxo PradoDublinés (2012) de Alfonso ZapicoPlaza Elíptica (2011) de Santiago ValenzuelaEl arte de volar, (2010) de Antonio Altarriba e KimLas Serpientes Ciegas (2009) de Bartolomé Seguí e Felipe Hernández CavaArrugas (2008) de Paco Roca e Hechos, dichos, ocurrencias y andanzas de Bardín el superrrealista (2007) de Max.

Non só o traballo de todos eles estará en Viñetas 2017, tamén se deixarán ver pola Coruña durante a celebración do Salón un bo número de premios nacionais como ZapicoAltarriba,Díaz CanalesGuarnidoValenzuela, ademais, está claro, do único galego que obtivo de momento o galardón, Miguelanxo Prado, director e alma máter de Viñetas desde o Atlántico desde o seu comenzo.

Novela e cómic

Singular será tamén a mostra que se poderá ver na sala municipal Salvador de Madariaga (Durán Loriga): Da novela ao cómic. Coincidindo coa exposición que mostrará o traballo dun dos autores convidados, Javi Rey, adicarase un apartado á adaptación de novelas de éxito ao cómic. Falamos da transformación en viñetas de Intemperie, de Jesús Carrasco, realizada polo propio Javi Rey (un proxecto polo que recibiu o premio autor revelación do Salón Internacional del Cómic de Barcelona 2017), e da exitosísima Trilogía del Batzan, deDolores Redondo, convertida en historieta por Ernest Sala. Ambas adaptacións teñen o selo da editorial Planeta, que quixo sumarse así á celebración do vixésimo aniversario de Viñetas desde o Atlántico.

Premio Castelao

Nas paredes de Salvador de Madariaga exhibirase simultaneamente Fóra do Mapa, de Emilio Fonseca Martín, obra galardoada co Premio Castelao de Banda Deseñada no 2016, que outorga a Deputación de A Coruña. Como vén sendo habitual, durante o desenvolvemento de Viñetas desde o Atlántico, hase fallar o premio. O director de Viñetas Miguelanxo Prado, e algúns dos artistas convidados ao Salón, integrarán o xurado que elexirá, un ano máis, a obra gañadora.

A OFERTA DE VIÑETAS 2017 INCLÚE UNHA MOSTRA DAS DEZ OBRAS GALARDOADAS POLO DE AGORA CO PREMIO NACIONAL DE CÓMIC2017-07-22T19:19:32+02:00
Go to Top