Need a new search?

If you didn't find what you were looking for, try a new search!

OS DEBUXANTES TYTO ALBA, AUTOR DE “WHITMAN” E JAIME MARTÍN, DE “SIEMPRE TENDREMOS 20 AÑOS”, PROTAGONIZARÁN MAÑÁ MÉRCORES AS CHARLAS DE VIÑETAS

2021-08-11T09:33:05+02:00

As medidas fronte ao covid limitan o aforo a só 18 persoas. De calquera xeito, todos os interesados poderán seguir as charlas en liña a través da web quedando ademáis grabadas para que podan ser vistas polos afeccionados en calquera momento.

OS DEBUXANTES TYTO ALBA, AUTOR DE “WHITMAN” E JAIME MARTÍN, DE “SIEMPRE TENDREMOS 20 AÑOS”, PROTAGONIZARÁN MAÑÁ MÉRCORES AS  CHARLAS DE VIÑETAS

Tyto Alba expón no Festival de Cómic coruñés orixinais da súa última obra que ten como protagonista ao poeta americano Walt Whitman e o seu papel na guerra de secesión. Nas súas obras anteriores, o debuxante catalán xa plasmara en cómic aspectos da vida de coñecidos personaxes do século XX como Frida Kalho, Pablo Picasso ou Federico Fellini

O tamén debuxante catalán Javier Martín achega á 24 edición de Viñetas os orixinais da última entrega da súa triloxía sobre a recente historia de España: Guerra Civil, Ditadura e Transición, protagonizada pola súa familia e mais el. A obra, publicada en pandemia, obtivo o Premio a Mellor Obra de autor español no Festival de Barcelona deste ano

A charla con Tyto Alba comezará ás 18.15 horas e Javier Martín departirá cos afeccionados a partir das a 19.30. O escenario será o habitual, o salón de actos do Kiosco Alfonso

Os debuxantes Tyto Alba e Jaime Martín departirán mañá mércores cos afeccionados de Viñetas. Ambos os invitados protagonizarán as segundas charlas vespertinas que forman parte da esencia do Festival Internacional coruñés. Serán, coma sempre, no salón de actos do Kiosco Alfonso. Alba estará co público a partir das 18.15 horas e Martín das 19.30. Imponse lembrarlles aos interesados que o acceso aos encontros está suxeito ás restricións covid vixentes. Poderán acceder, por rigorosa orde de chegada, 18 persoas, o número que admite o recinto mantendo as distancias de seguridade obrigatorias. O público debe recoller os pases no Kiosco media hora antes das charlas. Unha vez  acadada a cota de 18 xa non se expedirá ningún máis. Quen non acade o pase ten a alternativa de seguilas en liña, a través da páxina web do Festival (vinetasdesdeoatlantico.com) ou velas en diferido pois quedarán grabadas para desfrute dos afeccionados.

Tyto Alba chega a Viñetas desde o Atlántico coa súa última obra, publicada en tempos de Covid-19, e que versa sobre o famoso poeta americano Walt Whitman. Relata a vida do escritor estadounidense a través do seu papel na guerra de secesión dos Estados Unidos. Ademais de Whitman, cuxos orixinais están na sala de exposicións do Kiosco Alfonso, nas súas obras anteriores o debuxante catalán xa nos achegara en cómic a vida de emblemáticos personaxes do século XX coma Frida Kahlo, Chavela Vargas, Picasso, Fellini ou Balthus.

Nestes tempos convulsos de pandemia mundial, Jaime Martín, pechou o seu tríptico sobre a recente historia de España, protagonizado por el e a súa familia. Siempre tendremos 20 anos é a obra que culmina o seu repaso pola Guerra Civil, a Ditadura e a Transición e cuxos orixinais poden contemplarse na sala de exposicións municipal Palexco. Esta obra deulle a Martín o Premio á Mellor Obra de Autor Español na edición (virtual) do festival de Barcelona deste ano, que por terceira vez premia unha aposta do debuxante. O libro achéganos á vida do propio autor e a súa xeración na España dos anos oitenta. A primeira entrega da saga, Las guerras silenciosas, describe o servizo militar do seu pai en Ifni e a segunda, Jamás tendré 20 anos, a historia dos seus avós, que escaparon da morte durante a Guerra Civil e sufriron o franquismo.

Os horarios de visita desta semana nas catro salas que albergan as exposicións da vixésimo cuarta edición de Viñetas desde o Atlántico (Kiosco Alfonso, Palexco, Pazo de María Pita e Salvador de Madariaga), van de 12 a 14 horas e pola tarde, desde as 18 ás 22 horas.

OS DEBUXANTES TYTO ALBA, AUTOR DE “WHITMAN” E JAIME MARTÍN, DE “SIEMPRE TENDREMOS 20 AÑOS”, PROTAGONIZARÁN MAÑÁ MÉRCORES AS CHARLAS DE VIÑETAS2021-08-11T09:33:05+02:00

OS AUTORES DE “SUBNORMAL”, MIGUEL PORTO E FERNANDO LLOR, E O DEBUXANTE DE “LAS MENINAS”, JAVIER OLIVARES, ABREN MAÑÁ MARTES O CALENDARIO DE CHARLAS DE VIÑETAS 2021

2021-08-09T12:33:59+02:00

Do mesmo xeito que na edición 2020, as medidas fronte ao covid obrigan á organización a limitar a 18 o número de persoas que poden acceder ao recinto dos encontros. De calquera xeito, todos os interesados poderán seguilos en directo a través da web e mais as redes sociais do festival

OS AUTORES DE “SUBNORMAL”, MIGUEL PORTO E FERNANDO LLOR, E O DEBUXANTE DE “LAS MENINAS”, JAVIER OLIVARES, ABREN MAÑÁ MARTES O CALENDARIO DE CHARLAS DE VIÑETAS 2021

A obra que asinan os galegos Llor (guión) e Porto (debuxo) aborda o acoso escolar. Está baseada na historia real do xogador de baloncesto Iñaki Zubizarreta, quen a pesar de posuír un físico portentoso sufriu bullying no colexio. Os orixinais desta obra de denuncia social están na sala municipal de exposicións Palexco

Outro protagonista dos primeiros encontros cos autores convidados da XXIV edición do Salón Internacional do Cómic da Coruña, Javier Olivares, deleitará aos afeccionados cos pormenores do seu último traballo “La Cólera” e tamén da exitosa “Las Meninas”, Premio Nacional de Cómic 2015; as dúas con guión de Santiago García

A charla de Porto e Llor comezará ás 18.15 horas e a de Javier Olivares será a partir das 19.30. Os encontros desenvolveranse, como é habitual, no salón de actos do Kiosco Alfonso, sede central do festival coruñés, coas condicións de aforo que permiten as medidas sanitarias

Os autores do cómic Subnormal, os galegos Miguel Porto (debuxo) e Ferando Llor (guión), e o debuxante de Las Meninas e La Cólera, Javier Olivares, serán os encargados de abrir mañá martes,10 de agosto, o calendario de charlas coloquio da XXIV edición de Viñetas desde o Atlántico, que desde onte tingue de cómic a cidade da Coruña. Porto e Llor departirán cos afeccionados a partir das 18.15 horas e Olivares, desde as 19.30. Serán coma sempre no salón de actos do Kiosco Alfonso, sede central do festival. O acceso aos encontros está suxeito ás restricións derivadas da pandemia. Poderán acceder, por rigorosa orde de chegada, 18 persoas, o número que admite o recinto mantendo as distancias de seguridade obrigatorias. Os interesados deben recoller os pases no Kiosco media hora antes das charlas. Unha vez acadada a cota de 18 xa non se expedirá ningún máis. Os que non poidan acceder contan coa alternativa de seguilas en liña, poderán facelo a través de youtube con un sinxelo acceso a través da páxina web do festival (vinetasdesdeoatlantico.com) .

Subnormal, cuxos orixinais están na sala municipal Palexco, representa nesta edición o cómic de denuncia social. A obra asinada por ambos os dous autores galegos está baseada na historia real do xogador de baloncesto Iñaki Zubizarreta, quen a pesar de posuír un poderoso físico sufriu bullying durante a súa etapa no colexio. O cómic narra unha crúa historia de acoso escolar, que contou coa supervisión do propio protagonista.

No Kiosco Alfonso exhíbese a obra do tándem creativo e tremendamente exitoso que forman o debuxante Javier Olivares e o guionista Santiago García. Olivares falará mañá cos afeccionados sobre as obras que levan a súa pegada: Las Meninas, que nos mergulle no universo Velázquez e La Cólera, unha recreación de parte da historia de Aquiles. Estas propostas están consideradas pola crítica e o público como dúas das mellores obras de cómic publicadas no noso país nos últimos anos. Trátase dunha cualificación que avalan os numerosos galardóns que obtiveron. Las Meninas foi Premio Nacional de Cómic no 2015, ademais de obter ese mesmo ano o Premio á mellor obra española do Salón Internacional do Cómic de Barcelona. En 2018, a súa versión en inglés Ladies in Waiting, estivo nomeada a Mellor edición estadounidense de material internacional nos Premios Eisner, os Nobel do sector. La Cólera, publicada en 2020, o ano do confinamento que paralizou o mundo, obtivo tamén recoñecementos como o Premio Zona Cómic- CEGAL á mellor obra nacional de 2020, o Premio Lorna ao mellor cómic nacional de 2020, Mellor Obra Nacional nos Premios do Cómic Aragonés 2020 e Mellor Obra Nacional nos Premios da Crítica de Dolmen 2020.

Todas as muestras

Os orixinais de Viñetas ocupan as catro principais salas de exposicións municipais, o Kiosco Alfonso, Palexo, Pazo de María Pita e Salvador de Madariaga. Todas estarán abertas ao público esta semana entre as 12 e as 14 horas e, xa en sesión de tarde, entre as 18 e as 22 horas. Nas paredes do Kiosco están as obras de Núria Tamarit, Tyto Alba, Teresa Valero, e de Javier Olivares e Santiago García. En Palexco, ademais dos orixinais de Subnormal, os visitantes poden recrearse coa versión en novela gráfica de Dune, que asinan Raúl Allen e Patricia Martín, e tamén coa cota habitual de superheroes que nesta ocasión son os personaxes debuxados por Pepe Larraz para o universo Marvel.

A sala de exposicións do Pazo de María Pita amosa os impresionantes orixinais do Hércules de Das Pastoras, que mesmo se non é a versión da xesta que venceu a Gerión na Coruña, trae ao mítico superheroe á cidade onde está a Torre que lle rende homenaxe. Na sala Salvador de Madariaga exhíbense as obras de Begoña García- Alén González e Andrés Magán Zamorano, Premios Castelao de Banda Deseñada da Deputación da Coruña 2020. Como en anos anteriores, a Torre de Hércules é outra das salas de exposición, seguramente a máis singular. Dado que a única condición que se lle impón aos autores á hora de deseñar o cartel é que na súa proposta figure o faro, que mellor espazo que a Torre para recompilalos. Completan a oferta deste Viñetas desde o Atlántico 2021 as 38 casetas da feira editorial, que permanecerán ata o vindeiro domingo nos Xardíns de Méndez Núñez, diante do Kiosco Alfonso.

OS AUTORES DE “SUBNORMAL”, MIGUEL PORTO E FERNANDO LLOR, E O DEBUXANTE DE “LAS MENINAS”, JAVIER OLIVARES, ABREN MAÑÁ MARTES O CALENDARIO DE CHARLAS DE VIÑETAS 20212021-08-09T12:33:59+02:00

TYTO ALBA

2021-07-27T13:00:32+02:00

TYTO ALBA

TYTO ALBA

Biografía

Tyto Alba (Badalona, 1975) comeza a súa carreira traballando como ilustrador e expoñendo como pintor en diversas galerías de Barcelona. É por mor dunha estancia en México cando empeza a facer banda deseñada curta para diversas publicacións.

Unha vez de volta a España, no ano 2009 coescribe con Mario Torrecillas o guión de Santo Cristo para que o debuxe o mexicano Pablo Hernández, mentres el debuxa á súa vez outro guión de Torrecillas: El hijo, gañador do premio Junceda. Ambos os traballos contan historias persoais ambientadas na España franquista.

O seu seguinte traballo Sudd, a partir dunha novela de Gabi Martínez, publícase no 2011 e termina de definir as constantes da súa obra, moi baseada na memoria e de amplo transfondo literario, resolta sempre a base de vaporosas acuarelas e unha secuenciación clásica, centrada nos personaxes e que foxe de floreos narrativos.

A esta obra séguelle en 2012 Sólo para gigantes, adaptación doutra obra de Gabi Martínez. Ao ano seguinte, e apoiándose nunha ambientación de western, realiza unha obra atípica protagonizada por un indio  travestido e un lapón: Dos espíritus, esta vez partindo dunha historia propia. E en 2015 debuxa  Tante Wussi, con guión de Katrin Bacher, onde se conta a historia dunha familia alemá atrapada entre a Guerra Civil española e a Segunda Guerra Mundial. Unha obra que realiza grazas a gañar o Premio Ciudad de Palma 2014.

Ao mesmo tempo que preparaba o libro anterior, realiza a primeira dunha serie de obras persoais centradas en personaxes históricos: La casa azul, onde Chavela Vargas conta a súa relación con Frida Kahlo, concibida por mor dunha estancia en México capital; La vida, sobre a relación entre os pintores Carles Casagemas e Pablo Picasso; Fellini en Roma, biografía do cineasta debida a unha estancia na Real Academia de España en Roma; Balthus y el conde de Rola, encargo do Museo Nacional Thyssen- Bornemisza para acompañar unha exposición do pintor francés; e agora, Whitman, onde conta a vida do poeta a través da súa participación na guerra de secesión estadounidense.

Bibliografía esencial

2014 | La casa azul (Astiberri)

2015 | Tante Wussi (Astiberri)

2016 | La vida (Astiberri)

2017 | Fellini en Roma (Astiberri)

2019 | Balthus y el conde de Rola (Astiberri)

2021 | Whitman (Astiberri)

2021 | El olvido que seremos (Salamandra)

Máis info en…

TYTO ALBA2021-07-27T13:00:32+02:00

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS

2020-08-21T13:02:10+02:00

Vegas e Ferrer departirán cos afeccionados ás 18.15 e ás 19.30 horas, respectivamente

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS

Na sesión de sinaturas, que terá lugar na carpa de actividades ubicada na Rúa da BD, diante do Kiosco Alfonso,  permitirase só unha persoa por autor dentro do recinto. O resto dos afeccionados terán que agardar a súa quenda fóra e cumprir coas normas sanitarias xa coñecidas: uso obrigado de máscara,  mantemento da distancia de seguridade e lavado de mans con xel hidroalcóolico antes de entrar na carpa.

O aforo para ás charlas está limitado a 18 persoas, pero pódense seguir en directo en liña a través da páxina web do Festival e Facebook Live. Os pases para asistir presencialmente repartiránse na entrada do Kiosco por orde de chegada desde media hora antes de cada encontro.

O historietista segoviano Enrique Vicente Vegas é famoso polas súas versións paródicas de películas e cómics de éxito, cuxos protagonistas converte en regordetes e cabezóns. Agustín Ferrer Casas é o autor da novela gráfica MIES, biopic sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

A Coruña,  21 de agosto de 2020.

A xornada de mañá sábado, penúltima da  23 edición de Viñetas desde o Atlántico, será a máis parecida ás citas sabatinas das edicións anteriores. Terá prácticamente todos os ingredientes que caracterizan o Salón Internacional do Cómic da Coruña, os que o teñen feito merecedor da súa sona nacional e internacional. Asemade das exposicións de orixinais, as figuras na rúa e a feira editorial, haberá charlas coloquio cos autores convidados e tamén sesión de firmas, a primeira e única de este ano. Os debuxantes Enrique Vegas e Agustín Ferrer Casas departirán cos afeccionados na sala de conferencias do Kiosco Alfonso, ás 18.15 y 19.30 horas, respectivamente e, xunto coa tamén autora convidada, a galega Xulia Vicente, asinarán exemplares das súas obras pola mañá, entre as 12 y as 13.30 horas, na carpa de actividades do Festival.

As charlas,  a sesión de firmas e o resto de actividades do Salón Internacional están condicionadas pola especial situación sanitaria a causa da pandemia que estamos a sufrir. No caso das sinaturas de exemplares por parte dos autores, os afeccionados terán que agardar no exterior da carpa na que só poderá entrar unha persoa por debuxante. O resto de interesados deberán esperar fóra o súa quenda, cumprindo todas as medidas sanitarias obrigatorias: uso de máscara, mantemento da distancia de seguridade e lavado de mans con xel hidroalcóolico antes de entrar. A sesión rematará ás 13.30 horas. O aforo para asistir presencialmente ás charlas está limitado a só 18 persoas, aínda que todos os interesados en escoitar aos autores poden facelo en liña a través da propia web do Festival e FACEBOOK LIVE. Os pases para entrar á sala repartiránse na entrada do Kiosco por orde de chegada desde media hora antes dos respectivos encontros.

“Estamos a poñer todo o noso empeño para poder realizar un festival o máis parecido ao Viñetas que todos coñecedes pero as circunstancias que estamos a vivir a nivel nacional non nolo están poñendo fácil”, alega  a organización del Salón Internacional coruñés. De calquera forma, destacan o bó comportamento e complicidade dos aficionados nos accesos ás salas de exposicións e a Rúa do BD, respetando en todo momento as medidas sociosanitarias impostas.

O historietista segoviano Enrique Vicente Vegas (Enrique V. Vegas) é famoso polas súas versións paródicas de películas e cómics de éxito – Spider-Man,  Hulk, X-Men,  Hellboy, Piratas de Caribe,  Star  Wars-, cuxos protagonistas son nas súas creacións gordechos e cabezóns. Ademáis das súas recreacións humorística de historias cinematográficas como Bill Kill, a triloxía de Cabezones das Galaxias, Residente Vil, Bull Damn City, Os Cabezones do Caribe, Punicher e a triloxía  Cabezón Jones, Capitán Cabezón e Thor, na bibliografía de Vegas está tamén Kobe, a súa serie máis persoal, ambientada no Xapón feudal. Con ela obtivo o premio ao mellor autor revelación no Salón do Cómic de Barcelona, no ano 2004. Ten participado en obras colectivas como Bull Damn City, na que colaborou o seu  irmán, Juanmi Vegas, e Sustentum. Historias que se sostienen para a Consellería de Medio Ambiente de Cantabria. Entre 2005 e 2008 realizou unha viñeta semanal para o xornal Gente Santander. Os orixinais das súas obras que se exhiben nesta edición de Viñetas colgan nas paredes da sede central do Salón, o Kiosco Alfonso.

Agustín Ferrer Casas é licenciado en Arquitectura e debuxante e guionista autodidacta. Labrou a súa carreira como creador de historietas profesional compaxinando os seus estudos e posteriormente o seu traballo coa presentación a numerosos concursos de cómic. Desta forma logrou atesourar ata trinta galardóns. MIES, cuxos orixinais colgan nas paredes da Sala Municipal de Exposicións do Pazo de María Pita, é o seu último traballo. Trátase dunha biografía ficcionada sobre o arquitecto alemán Mies van der Rohe. A novela gráfica fai un percorrido pola vida e obra do arquitecto, coincidindo cunha tripe celebración: o 50 aniversario da súa morte, o 90 da construción do Pabellón de Alemania para a Exposición Internacional de Barcelona e o centenario da creación da mítica escola Bauhaus, que Van der Rohe dirixiu na súa última etapa. MIES foi galardoada na IX edición dos Premios do Cómic Aragonés do XVIII Salón do Cómic de Zaragoza o pasado ano 2019.

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS2020-08-21T13:02:10+02:00

VIÑETAS PECHA A SÚA XXII EDICIÓN DEMOSTRANDO UNHA VEZ MÁIS QUE SE TRATA DUN FORMATO DE FESTIVAL ÚNICO E EXITOSO

2019-08-12T11:52:49+02:00

VIÑETAS PECHA A SÚA XXII EDICIÓN DEMOSTRANDO UNHA VEZ MÁIS QUE SE TRATA DUN FORMATO DE FESTIVAL ÚNICO E EXITOSO

As actividades e a presenza de autores invitados concluíron onte domingo, aínda que todas as mostras permanecerán abertas ao público ata o vindeiro 8 de setembro.

  • O director do Salón Internacional, Miguelanxo Prado, resalta que o modelo de Viñetas é distinto ao de calquera outro do sector, “un festival amable” tanto para entendidos e autores, como para público xeral. “Esa é a nosa aposta irrenunciable”.
  • Prado destaca tamén a gran reputación acadada por Viñetas ao longo destes 22 anos e que fai posible que autores e autoras que non adoitan asistir a festivais veñan de boa gana a esta cita na Coruña e que, entre o público, sexa cada vez máis frecuente atopar non só a persoas de toda España, senón doutros países europeos e ata do outro lado do Atlántico

A Coruña, 12 de agosto de 2019.- O desenvolvemento da XXII edición de Viñetas desde o Atlántico puxo unha vez máis de manifesto a fórmula de éxito desta cita co mundo do Cómic, que se celebra cada verán na cidade da Coruña, organizado polo Concello e dentro da oferta das Festas de María Pita. “Ano tras ano temos confirmado que o modelo escollido é único entre todos os festivais do sector. Autores e profesionais transmítennos que os parámetros polos que nos decantamos desde o principio funcionan”, sinala o director de ViñetasMiguelanxo Prado, en referencia á aposta que fixo o Salón coruñés, desde o primeiro momento, por atender tanto aos intereses dos entendidos como do público xeral.

As actividades e a presenza de autores convidados de Viñetas2019 remataron onte domingo, aínda que, como en edicións anteriores, as exposicións permanecerán abertas ao público varias semanas máis. Este ano poderán visitarse ata o próximo 8 de setembro.

O director do Salón do Cómic coruñés considera necesario manter o formato de Viñetasao longo deste tempo. “Un festival que se financia con cartos públicos, aínda que debe satisfacer aos afeccionados e entendidos, non pode perder de vista o que o fixo ser o que é, un festival amable para todos, mesmo para os que na súa vida consumiron Banda Deseñada e que vemos con satisfacción percorrendo todos os anos ás nosas exposicións; esa é unha aposta irrenunciable”, sinala Miguelanxo Prado. “Mentres este equipo siga á fronte, Viñetasnon será xamais unha proposta sectorial, aspirará sempre a esa globalidade”, recalca o director, unha premisa que non exclúe, como aconteceu na edición deste ano, “mirar cara a  autores e obras que non son best-seller e non están en primeira liña”.

Prado resalta tamén a reputación que ten acadado ao longo destes 22 anos Viñetas desde o Atlántico. “Cónstanos, a través das redes sociais e do boca a boca dos convidados, que a reputación do evento non pode ser mellor”. Un exemplo diso, sinala, “é que hai moitos autores e autoras que non se prodigan en festivais, pero que non teñen ningún problema en vir a Viñetase ceder orixinais para exposicións tan longas no tempo, algo pouco normal no mundo do Cómic”.

Outra mostra do prestixio e o interese que suscita Viñetas desde o Atlántico, engade o director, é a constatación, edición tras edición, especialmente este ano, de que entre o numeroso público que visita o festival non só hai persoas de todas partes de España, senón tamén doutros países europeos e mesmo do outro lado do Atlántico. “Non é nada raro que moitos afeccionados programen as súas vacacións para facelas coincidir con Viñetas”.

VIÑETAS PECHA A SÚA XXII EDICIÓN DEMOSTRANDO UNHA VEZ MÁIS QUE SE TRATA DUN FORMATO DE FESTIVAL ÚNICO E EXITOSO2019-08-12T11:52:49+02:00

OS DEBUXANTES DAVID SALA E ALBERT MONTEYS PECHARÁN MAÑÁ AS CHARLAS DE VIÑETAS 2019

2019-08-09T12:39:50+02:00

Tamén mañá sábado terá lugar a segunda e última sesión de sinaturas dos autores invitados. Será entre as 12 h e as 13.30 horas.

OS DEBUXANTES DAVID SALA E ALBERT MONTEYS PECHARÁN MAÑÁ AS CHARLAS DE VIÑETAS 2019

Os encontros serán no salón de actos do Kiosco Alfonso (última planta), sede central do Festival Internacional do Cómic coruñés. Sala departirá co público a partir das 18.15 horas e Albert Monteys, a partir das 19.30 h

  • O debuxante francés David Sala é o autor da coñecida adaptación a cómic de “El jugador de ajedrez”, a última obra do austríaco Stefan Zweig; unha adaptación que foi todo un éxito en 2017, tanto no seu país como a versión en castelán. Trátase dunha crítica ao réxime nazi cun argumento claramente xadrecístico
  • Albert Monteys é un laureado debuxante cuxa carreira profesional está moi ligada ao semanario El Jueves, do que foi director, ata que, xunto con outros debuxantes da publicación, a abandonou por mor da prohibición de RBO de facer unha portada referente á abdicación do rei Juan Carlos I
  • Na carpa da feira editorial, Rúa da BD presentarase mañá as obras ¡Houston, tenéis un problema!, do xornalista e humorista galego Juan López Rico, O tempo cronolóxico, de Xulia Vicente e a novela gráfica Tanta Paz leves, de Tomás Guerrero

A Coruña, 9 de agosto de 2019.- Os debuxantes David Sala e Albert Monteys pecharán mañá sábado o calendario de charlas cos afeccionado de Viñetas desde o Atlántico, que se clausura este domingo. Sala intervirá a partir das 18.15 horas e o autor barcelonés, de 19.30 h en adiante. Será no lugar habitual, o salón de actos do Kiosco Alfonso (última planta), a sede central do Festival. A obra de Sala pode verse no Kiosco Alfonso e a de Monteys, na Sala Municipal de Exposicións Palexco.

Tamén mañá sábado pola mañá terá lugar a segunda e última sesión de sinaturas dos autores convidados desta XXII edición. Serán na planta baixa do Kiosco Alfonso, entre as 12 h e as 13.30 horas.

Humor e ecoloxismo, na Rúa da BD

Outra cita de mañá sábado na carpa da Feira Editorial, a Rúa da BD, é a presentación de ¡Houston, tenéis un problema!, obra do xornalista e humorista galego Juan López Rico, unha chamada de atención sobre o deterioro medioambiental e a perentoria necesidade de reaccionar contra o cambio climático. A presentación terá lugar ás 18.45 h e contará coa presencia do prologuista do libro, o periodista ambiental Arturo Larena. O libro está editado por Silsania Books.

A oferta da Feira inclúe, ás 12 horas, a presentación de O Garaxe Hermético e, ás 13 h, a presentación oficial e sinatura da novela gráfica Tanta paz leves, de Tomás Guerrero. Despois, xa ás 18 horas, O tempo cronolóxico, de Xulia Vicente.

David Sala

O debuxante francés David Sala é o autor da adaptación a cómic de El jugador de Ajedrez, a famosa última obra do escritor austríaco Stefan Zweig; unha adaptación que foi todo un éxito editorial en 2017, tanto no seu país como da tradución ao castelán. A obra literaria, escrita en 1941, un ano antes de que Zweig e a súa muller se suicidasen en Brasil, é unha contundente crítica ao réxime nazi cun argumento claramente xadrecístico. Moi fiel á obra literaria, David Sala optou por cargar as tintas sobre o visual, recorrendo á acuarela e a unha composición sen case que palabras, pero que capta con gran audacia todo o que transmite o texto de Zweig. Ao cabo, unha posta en escena que confire á novela gráfica do debuxante galo unha entidade propia, máis aló da obra literaria que a inspirou.

Sala estudou na prestixiosa escola Émile Cohl e comezou traballando na ilustración de cubertas para libros infantís e xuvenís. Só máis tarde se viu atraído polo mundo da banda deseñada. Debutou, con guións de Jorge Zentner, en Replay. Posteriormente, e tamén con guións de Zentner, realizou baixo o título de La diosaa serie Nicolás Eymerich, Inquisidor, unha adaptación en dous volumes das novelas de Valerio Evangelisti. Estreouse como autor en solitario con One of Us, inédito en España, un conto de ciencia ficción que critica a sociedade de consumo e o capitalismo creado nos anos da crise económica. Antes de El jugador de Ajedrez Sala publicou Cauchemar dans la rue (Pesadelos na rúa), unha adaptación da novela homónima de Robin Cook tamén inédita no noso país.

Albert Monteys

Albert Monteys leva facendo cómic dende que ten uso de razón. Na súa carreira ganou, entre outros, o Premio do Saló do Cómic de Barcelona 1994 ao Mellor Fanzine por Mondo Lirondo e ao Autor Revelación en 1996 por Calavera Lunar. Foi candidato aos Premios Eisner 2017 ao Mellor Cómic Dixital por ¡Universo!.

En 2004 chega a El Jueves, revista para a que realiza as series Tato e ¡Para ti, que eres joven!, esta última con Manel Fontdevila. Foi o seu director dende 2006 ata principios de 2011. Tivo que afrontar en 2007 o secuestro e posterior condena do semanario por un delito de inxurias ao –daquela- Príncipe Herdeiro.

Deixou El Jueves en 2014, tras de que a editorial RBA non permitise a publicación dunha portada na que se facía referencia á abdicación do rei Juan Carlos I. Acompañáronlle outros debuxantes, como Manel Fontdevila, Paco Alcázar e Bernardo Vergara. Xuntos emprenderon unha nova aventura editorial autoxestionada e dixital: a revista Orgullo y satisfacción, que en principio naceu como número único, pero que, diante da excelente acollida que acadou, decidiron converter nunha publicación dixital mensual. Desaparecía a finais de 2017.

Actualmente, Monteys está enleado en multitude de proxectos, entre eles, a serie dixital ¡Universo!,nomeada en 2017 aos Premios Eisner na categoría de mellor cómic dixital e cuxa versión en papel gañou o Premio Zona Cómic e o Premio Cómic Barcelona á mellor obra dun autor nacional publicada en 2018.

OS DEBUXANTES DAVID SALA E ALBERT MONTEYS PECHARÁN MAÑÁ AS CHARLAS DE VIÑETAS 20192019-08-09T12:39:50+02:00

MUNUERA E DOUS DOS AUTORES GALEGOS MÁIS INTERNACIONAIS, DAVID RUBÍN E EMMA RÍOS, PECHAN AS CHARLAS DE VIÑETAS

2018-08-10T11:44:45+02:00

Outro dos pratos fortes do día será a derradeira sesión de firmas dos debuxantes invitados. Terá lugar entre as 12 h e as 13.30 h, na planta baixa do Kiosco Alfonso

MUNUERA E DOUS DOS AUTORES GALEGOS MÁIS INTERNACIONAIS, DAVID RUBÍN E EMMA RÍOS, PECHAN AS CHARLAS DE VIÑETAS

José Luis Munuera ten a cita ás 18.15 horas e Rubín e Ríos, ás 19.30 horas

  • Ás 18,30 h, na carpa da feira editorial (Rúa da BD), haberá un novo obradoiro de máscaras organizado polas Bibliotecas Municipais. Tamén se desenvolverán presentacións,  coma a dos traballos dos alumnos da escola O Garaxe Hermético

 

As actividades paralelas de Viñetas 2018 rematan mañá sábado coas charlas de José Luís Munuera, un dos debuxantes españois con máis proxección no mercado francobelga e a de dous dos debuxantes galegos con máis éxito no mercado americano,David Rubín e Emma Ríos. Munuera departirá co público a partir das 18.15 horas. Será, coma sempre, no Kiosco Alfonso. sede central do Festival Internacional que promove a concellería de Culturas do Concello coruñés. A quenda de Rubín e Ríos será a partir das 19.30 horas. Nese mesmo lugar, pero na planta baixa, discorrerá a derradeira sesión de firmas dos autores invitados. Será dende o mediodía ata as 13,30 horas.

Na carpa da feira editorial (Rúa da BD) volverán a repetirse, a iso das 18.30 horas, os obradoiros de máscaras que organizan as Bibliotecas Municipais. Presentaranse tamén publicacións, coma as realizadas polos alumnos da Escola galega de Cómic O Garaxe Hermético.

José Luís Munuera, autor que asina este ano o cartel de Viñetas 2018, é un dos autores españois que triunfan no mercado fracobelga. De feito, na actualidade é o encargado de darlle vida ao vílano por excelencia da serie de Spirou, o mítico Zorglub, unha das personaxes máis carismáticas da historieta francesa. Leva tamén a súa firma a serie Os Campbell, as entretidas aventuras dunha peculiar familia de piratas; o que vén ser un dos seus máis persoais e ambiciosos proxectos. Merlin, Sir Pyle S. Culape, Nävis, e varios álbums da serie Las aventuras de Spirou y Fantasio, unha das sagas máis icónicas do cómic francobelga, son tamén responsabilidade do debuxante murciano.

A carreira de David Rubín é meteórica. Viñetas desde o Atlántico foi testemuña. Desde os seus inicios como integrante fundamental do colectivo Polaqia, ata a súa nominación este ano para catro premios Eisner, os máximos galardóns do mundo do cómic. Coa súa primeira obra longa, El circo del desaliento, foi nomeado como autor revelación no Salón Internacional do Cómic de Barcelona,en 2006; con Onde ninguén pode chegar, gañou o premio Castelao ese mesmo ano, e a súa novela gráfica La tetería del oso malayo alzouse co galardón ao autor revelación do Salón de Barcelona 2007; finalista asemade do I Premio Nacional de Cómic. Desde entón Rubín non parou. En 2016 realiza xunto a Marcos Prior a novela gráfica Gran Hotel Abismo á vez que se embarca en Ether, a súa terceira incursión no mercado americano, agora xunto a Matt Kindt. Na actualidade está debuxando o tomo 2 e a serie Rumble, recentemente publicada no noso país. Por riba, segue traballando en varios episodios da serie Black Hammer.

De debuxar e editar os seus propios fanzines, a arquitecta e debuxante galega Emma Ríos pasou a traballar para o mercado americano. Participou en series de Marvel como Runaways, Dr. Estraño, Firestar, The Amazing Spider-Man, Osborn, Heralds ou Capitain Marvel. Desta etapa destacan especialmente o segundo volume de Estraño, Doctor Estraño. Primeira tempada, a reinterpretación da orixe deste mesmo personaxe que fixo xunto ao guionista Greg Pak e, sobre todo, os seis primeiros números do volume VI de Captain Marvel, titulado no noso país Capitana Marvel. Anhelando volar, guionizados por Kelly Sue DeConnick. Ríos chegaría a ter unha grande amizade con esa guionista, o que a levaría, en última instancia, a abandonar a famosa editorial para poder crear os seus propios proxectos. Primeiro foi Bella Muerte, con guión da citada DeConnick, nomeada a varios Eisner en 2014 e que gañou en 2015 o Premio á Mellor Obra Internacional no festival Expocómic. A súa seguinte obra sería I. D., que foi igualmente nomeada á mellor antoloxía nos premios Eisner de 2017. O seu traballo máis recente é un guión xunto á debuxante Hwei Lim, autora para a que xa escribiu Mirror.

A exposición de José Luís Munuera está na Sala Municipal de Palexco, e as de David Rubín e Emma Ríos, no Kiosco Alfonso. O horario de apertura é de 12 h a 14  h e de 18 h a 22 horas.

Rúa da BD

Este sábado sucederanse as presentacións na carpa da feira editorial (Rúa da BD). Ás 12 horas Mais futvol por fabor, con Manel Cráneo e Leandro Barea. A partir das 13 horas, TAM de Anémona de Río, Premio Fin de Curso 2017 da Escola O Garaxe Hermético, e a novela gráfica colectiva O Picoto do Pai, realizada tamén por alumnos do Curso Profesional de BD desa escola galega. En ambos casos a presentación correrá a cargo deKiko da Silva, quen, ás 18.30 horas, presentará o primeiro número da revista trimestral de BD A viñeta de Schrödinger.

MUNUERA E DOUS DOS AUTORES GALEGOS MÁIS INTERNACIONAIS, DAVID RUBÍN E EMMA RÍOS, PECHAN AS CHARLAS DE VIÑETAS2018-08-10T11:44:45+02:00

OS DEBUXANTES XOSÉ TOMÁS E ÁNGEL DE LA CALLE CHARLARÁN MAÑÁ VENRES COS AFECCIONADOS

2018-08-09T12:06:06+02:00

A primeira sesión de firmas dos autores invitados desta XXI edición do Festival de Cómic coruñés será entre as 18 h e as 20 horas

OS DEBUXANTES XOSÉ TOMÁS E ÁNGEL DE LA CALLE CHARLARÁN MAÑÁ VENRES COS AFECCIONADOS

A charla de Tomás será a partir das 18.15 h e a de Ángel de la Calle, ás 19.30 h. Ambas as dúas, no salón de actos do Kiosco Alfonso

  • Na carpa da feira editorial (Rúa da BD) haberá, entre as 18.30 h e as 19.30 h, un obradoiro infantil de elaboración de máscaras organizado polas Bibliotecas Municipais que volverá a repetirse o sábado nese mesmo horario. Mañá tamén se presentará o fanzine “Nai dos desterrados nº 2”, no que colabora Amnistía Internacional (19.30 h).

 

O debuxante galego Xosé Tomás e mais o asturiano Ángel de la Calle departirán mañá cos afeccionados dentro do calendario de charlas de Viñetas desde o Atlántico. Tomás, a partir das 18.15 horas e, deseguido, ás 19,30 h, De la Calle. Será, coma sempre, na última planta do Kiosco Alfonso, a sede central do Festival de Cómic que promove o Concello coruñés. Nese mesmo lugar, pero na planta baixa, celebrarase mañá unha das propostas máis esperadas, a primeira sesión de firmas cos autores invitados. A sesión desenvolverase entre as 18 e as 20 horas.

Na carpa da feira editorial (Rúa da BD) terán lugar varias presentacións. por exemplo, a da publicación Nai dos desterrados nº 2, na que colabora Amnistía Internacional. Igualmente, a partir das 18.30 horas, haberá un obradoiro infantil de elaboración de máscaras organizado polas Bibliotecas Municipais.

Xosé Tomás é Ilustrador, humorista gráfico e profesor. Publica acotío unha viñeta cómica en La Voz de Galicia, e fai humor gráfico para as publicacións Tempos Novos e Revista Galega de Educación. O groso da súa obra sitúase na ilustración infantil e xuvenil, eido no que traballou para editoriais como Xerais, Edebé, Baía, Galaxia, Parramón, Bromera ou Planeta. Dos máis de 30 libros que ilustrou, destaca a serie Rodribico, con textos de Manuel Guisande. Outras das súas obras son Tolos, que fixo para a Universidade coruñesa; Compañeiros. Homenaxe ás vítimas do Portiño, un encargo da Comisión para a Recuperación da Memoria Histórica da Coruña; e mais Proxecto Terra, para o Colexio de Arquitectos de Galicia. Tamén foi un dos autores habituais da revista de cómic Golfiño.

Ángel de la Calle publicou historias desde mediados dos 70 en emblemáticas revistas como Star, Bésame Mucho, Rambla e Rampa-Rambla, Zona 84 e Comix Internacional. Modotti una mujer del siglo vente, a biografía desa fotógrafa e activista política, supuxo un punto de inflexión na súa obra. Publicada en multitude de países, está considerada unha das novelas gráficas de referencia da moderna historieta española. O seu último traballo, Pinturas de Guerra, alzouse co premio á Mellor Obra no último Saló do Cómic de Barcelona. Ademais de historietista, Ángel de la Calle é responsable das actividades de cómic da Semana Negra de Xixón, da que é organizador desde os seus inicios en 1987. Creou, en 1996, as Xornadas Internacionais do Cómic Vila de Avilés, das que é co-director.

A exposición do traballo de Ángel de la Calle é no Kiosco Alfonso, e a de Xosé Tomás, na Sala Municipal de Palexco. O horario de visitas nas dúas salas é de 12 h a14 h e de 18 h a 22 horas.

Mañá, día 10, pola mañá, desenvolveranse varias presentacións na carpa do Festival: Gol, ás 12 horas, e O tesouro de Lucio. Vida de Lucio Urtubia, que contarán coa presenza, respectivamente, de Toko e Mikel Santos “Belatz”.

OS DEBUXANTES XOSÉ TOMÁS E ÁNGEL DE LA CALLE CHARLARÁN MAÑÁ VENRES COS AFECCIONADOS2018-08-09T12:06:06+02:00

O “HISTÓRICO” ILUSTRADOR JOSÉ RAMÓN SÁNCHEZ CONVERSARÁ MAÑÁ NO KIOSCO ALFONSO COS AFECCIONADOS DE VIÑETAS

2018-08-09T11:55:41+02:00

Os rapaces dos 70 e dos 80 recordarano debuxando en vivo en programas infantís como Un globo, dos globos, tres globos, Dabadabadá ou Sabadabadá

O “HISTÓRICO” ILUSTRADOR JOSÉ RAMÓN SÁNCHEZ CONVERSARÁ MAÑÁ NO KIOSCO ALFONSO COS AFECCIONADOS DE VIÑETAS

A charla do autor dos emblemáticos carteis do PSOE de 1974 e 1979 e a novela gráfica Moby Dick será a partir das 19.30 horas, no salón de actos

  • Os autores invitados viaxarán mañá a Santiago, seguindo unha tradición de Viñetas, mentres que na carpa do Festival se sucederán  as presentacións, coma a de “Os Lobos de Moeche”, conmemorativa do 550 aniversario das revoltas irmandiñas

Un dos referentes indiscutibles da ilustración en España, José Ramón Sánchez, será o protagonista este xoves das charlas en Viñetas desde o Atlántico. Sánchez conversará cos afeccionados a partir das 19.30 horas no salón de actos do Kiosco Alfonso, sede central do Festival promovido pola concellería de Culturas do Concello coruñés. Os autores convidados nesta XXI edición do Salón Internacional cumprirán tamén mañá cunha tradición: viaxar a Santiago de Compostela. Na carpa da feira editorial (Rúa da BD) terán lugar durante todo o día varias presentacións, entre elas, a da publicación Os lobos de Moeche, que conmemora o 550 aniversario das revoltas irmandiñas.

A maioría dos que eran rapaces na década dos 80 lembran a José Ramón Sánchez debuxando en vivo en programas infantís de televisión comoUn globo, dos globos, tres globos, Dabadabadá e Sabadabadá. Da súa autoría son asemade os emblemáticos carteis electorais do PSOE para as eleccións xerais de 1974 e de 1979; hoxe por hoxe, un clásico da ilustración española.

Sánchez, Premio Nacional de Ilustración en 2014, colaborou a principios dos oitenta en numerosos programas infantís coma Un globo, dos globos, tres globos,  Sabadabadá, Dabadabadá ou El kiosco. Tamén levan a súa sinatura a longametraxe de debuxos animados El desván de la fantasía; as coleccións de contos 50 años de cine español ou Don Quijote de La Mancha e a de debuxos La gran aventura del cine. Ademais de continuar co seu labor como ilustrador, en 2017, xa cumpridos os 80 anos,  descubre a riqueza da linguaxe da historieta cunha obra de gran beleza plástica, a adaptación da novela Moby Dick, de Herman Melville.

Os orixinais de José Ramón Sánchez están na sala de Exposicións do Palacio Municipal de María Pita. O horario de visitas é de 12 h a14 h e das 18 h ás 22 horas.

Continúan, doutra banda, as actividades na carpa do Festival. A partir da 13 horas serán as das publicacións Os lobos de Moeche, sobre as revoltas irmandiñas, e A Fraga Milmañas, con Carlos Amil e Manel Cráneo. Xa pola tarde, a partir das 20 horas, será a quenda da revista La Resistencia.

O “HISTÓRICO” ILUSTRADOR JOSÉ RAMÓN SÁNCHEZ CONVERSARÁ MAÑÁ NO KIOSCO ALFONSO COS AFECCIONADOS DE VIÑETAS2018-08-09T11:55:41+02:00

CONS, DURÁN E GINER SERÁN ESTE MÉRCORES OS PROTAGONISTAS DOS ENCONTROS COS AFECCIONADOS

2018-08-07T19:22:00+02:00

O debuxante galego falará do seu último traballo, unha triloxía sobre o mito maia do “cancerbeiro dos deuses”. Durán e Giner farano da súa última colaboración, que trata do accidente do metro de Valencia.

CONS, DURÁN E GINER SERÁN ESTE MÉRCORES OS PROTAGONISTAS DOS ENCONTROS COS AFECCIONADOS

A charla de Tirso Cons será de 18.15 h a 19.15 h, e a do tándem Durán-Giner, entre as 19.30 h e as 20.30 h; as dúas, na sala de conferencias do Kiosco Alfonso.

  • Mañá comezan as actividades na carpa do Festival, instalada na Rúa da BD, onde tamén se celebra a tradicional feira editorial que aglutina a máis dunha trintena de librarías e editoriais chegadas de toda España. Abrirá o calendario, ás 12 horas, a presentación de “Unha historia de Vimianzo”, do debuxante Rubén Rial con textos de Manuel Rial. Ás 13 horas será o turno para “As mellores viñetas de Santy Gutiérrez. 

O creador galego Tirso Cons abrirá mañá mércores as charlas cos afeccionados en Viñetas desde o Atlántico. A continuación será a quenda do tándem creativo que forman os valencianos Cristina Durán e Miguel Ángel Giner. Ademais de falar de toda a súa traxectoria, estes tres invitados do Festival que promove o Concello coruñés afondarán nos seus traballos máis recentes. Cons contará detalles do seu último proxecto, no que se achega a un dos mitos da cultura maia, “o cancerbeiro dos deuses”, e Durán e Giner da súa última creación conxunta El día 3, cuxa temática é o accidente de metro de Valencia e mais todo o que pasou despois. A charla do debuxante galego será a partir das 18.15 h e a dos autores valencianos a partir das 19.30 h; todas na sala de conferencias do Kiosco Alfonso.

Tirso Cons, pontevedrés afincado en Madrid, deuse a coñecer internacionalmente con La casa de los susurros (Lles Humanoïdes Associés), baixo guións do madrileño David Muñoz e a cor de Javi Montes. Desa obra editáronse tres álbums. Unha curiosidade: a primeira edición integral apareceu en lingua galega (Patito Editorial) e mesmo antes que en Francia, onde se publicou orixinalmente. Tras este traballo, sacou do prelo Las crónicas de la Legión, co coñecido guionista francés Fabien Nury, unha reviravolta orixinal ao tema vampírico. Desde 2017 traballa en Trackers, o arma perdida dos deuses, de novo con Muñoz, unha triloxía sobre a procura do mito maia do “Cancerbeiro dos deuses”.

Cristina Durán e Miguel Ángel Giner teñen unha biografía creativa e un estudio común. Ambos os dous son autores de varias novelas gráficas como Una posibilidad entre mil, La máquina de Efrén e Cuando no sabes qué decir. A principios deste ano publicaron a obra El día 3, que asinan coa xornalista Laura Ballester. Trata, como xa se mencionou, do accidente de metro de Valencia. Tamén publicaron outros cómics coma son Pillada por ti, Vicente Blasco Ibáñez. Una vida apasionante, e participaron no álbum colectivo Viñetas de vidapara Oxfam Intermón (Astiberri). En 1993 crearon LaGRÚAestudio, onde traballan desde entón como debuxantes de cómic e ilustradores. Os dous están ligados á Asociación Profesional de Ilustradores de Valencia (APIV), que presidiron en distintos momentos. Giner escribiu tamén o libro-cómic Anna Dédalus detective. El misterio de la mansión quemada, e xa como debuxante Astucia Laperla. Luna roja, corazón negro. Tamén é profesor na Facultade de Belas Artes e na Escuela Superior de Arte e Tecnoloxía de Valencia. Os dous están ligados á Asociación Profesional de Ilustradores de Valencia (APIV).

As exposicións que exhiben o traballo de Tirso Cons, Cristina Durán e Miguel Ángel Giner están na Sala Municipal de Palexco. O horario de visitas é de 12 h a 14 h y de 18 h a 22 horas.

Rúa dá BD

Mañá abrirán tamén as actividades na carpa do Festival, instalada na Rúa dá BD, onde se celebra a feira editorial. Ás 12 preséntase “Unha historia de Vimianzo”, de Rubén e Manuel Rial. Ás 13 horas, Manel Cráneo presentará “As mellores viñetas de Santy Gutiérrez”, co propio Santy Gutiérrez.

CONS, DURÁN E GINER SERÁN ESTE MÉRCORES OS PROTAGONISTAS DOS ENCONTROS COS AFECCIONADOS2018-08-07T19:22:00+02:00
Go to Top