Need a new search?

If you didn't find what you were looking for, try a new search!

MIGUEL PORTO

2021-07-27T12:59:25+02:00

MIGUEL PORTO

MIGUEL PORTO

Biografía

Miguel Porto Hermida (Vigo, 1980), afeccionado á banda deseñada desde moi novo, e alumno do tamén vigués Victor Rivas, en 1995, con apenas catorce anos gaña o premio infantil do I Salón de Cómic de Vigo, e con dezasete edita o fanzine Alopecia Mental, do que chega a publicar dous números nos que presentaba as súas primeiras historias.

En 2002 entra a colaborar na segunda etapa da revista Golfiño para a que crea a serie de tiras Lúa e despois Niko Natas, que realizará durante máis dunha vintena de números. Nese mesmo ano publica desde o primeiro número no fanzine BDBanda.

En 2003 formará parte do primeiro grupo de autores do prozine Barsowia, publicando nos seis primeiros números. Nos anos seguintes as súas obras aparecerán en multitude de fanzines como ARGH!, Carne Líquida, Fanzine Enfermo o Lunático e revistas como Dos veces breve, OINK!, Mongolia, Humo ou El Manglar.

En 2008, chega por fin a súa primeira obra longa. Será dentro da colección Clásicos en cómic da editorial  SM, encargándose de adaptar Tirante o branco, a famosa novela de cabalería sobre a liberación de  Constantinopla da invasión turca.

En 2011 publica na obra colectiva Yes, We Camp! Bocetos de una (R)evolución que conta as experiencias de varios autores durante o 15M.

En 2012, Kiko dá Silva abre a escola de cómic O Garaxe Hermético, da que Miguel Porto entra a formar parte como un dos seus primeiros profesores encargándose, desde entón, de impartir clases sobre técnicas dixitais e proxectos.

En 2014 crea e dirixe, xunto coa asociación Sende, o festival Bosquexo de debuxo ao natural, un campamento de debuxo para adultos no Parque Natural do Xurés, na aldea de Senderiz, que leva xa 8 edicións ás súas costas.

En 2016 crea a serie Allen, Son of Hellcock, unha revisitación dos cómics de espada e bruxería en clave de comedia, xogando cos tópicos do xénero, baixo guións de Will Tracy e Gabe Koplowitz (director de  The  Onion e guionista do programa de John Oliver, e guionista de VICELandrespectivamente), publicada por  Z2 Cómics nun tomo de 136 páxs en 2017.

En 2018 participa na obra colectiva O puño e a letra, na que un nutrido grupo de autores galegos adaptan cada un un poema de Yolanda Castaño. A obra resulta un éxito editorial e destaca por ser a primeira obra de Cómic Poesía editado en lingua galega. Ademais, neste mesmo ano, comeza a colaborar na revista A viñeta de Schröedinger para a que crea a serie Astropcito Academia astrociéntífica.

En 2020, e con guión de Fernando Llor, métese de cheo no cómic biográfico con Subnormal, libro que relata a historia de Iñaki Zubizarreta, ex xogador da ACB, que sufriu  bullying durante a súa infancia precisamente polas calidades que, anos despois, levaríanlle a converterse en xogador de baloncesto profesional.

Ademais de dar clase en O Garaxe Hermético, e da súa actividade como debuxante de cómics, Miguel Porto desenvolveu en paralelo unha longa e exitosa carreira como ilustrador, traballando, entre outras, para editoriais como Xerais, Galaxia, Anaya, SM, Edebé, Santillana, Edelvives ou publicacións como  El País ou Diagonal.

Bibliografía esencial

2008 | Tirante el blanco  (Ediciones SM)

2013 | Nueve preguntas (Dibukks)

2017 | Allen. Son of Hellcock  (Z2 Comics)

2018 | O puño e a letra  (Edicións Xerais)

2018 | A viñeta de Schrödinger. 4 números (A mesa pola normalización lingüística)

2020 | Subnormal (Evolution Comics)

Máis info en…

MIGUEL PORTO2021-07-27T12:59:25+02:00

JAVIER OLIVARES

2021-07-27T12:58:40+02:00

JAVIER OLIVARES

JAVIER OLIVARES

Biografía

Javier Olivares (Madrid, 1964), tras colaborar en varios fanzines, entre os que destaca o prozine Albanta, comeza a súa carreira publicando en 1985 na revista Madriz e logo en Medios revueltos, en 1988, antes de se centrar sobre todo na ilustración.

A súa florecente carreira como ilustrador non lle fai esquecer a banda deseñada á que volve sempre que pode, ás veces incorporándoa ao seu traballo ilustrativo, como é o caso das cubertas que fai en 1990 para Gente pequeña, suplemento infantil de Diario16.

Graficamente inquedo, durante os anos noventa participa en todas as iniciativas de cómic independente que ten oportunidade, e ao longo da segunda metade da década comezan a aparecer pequenas  monografías da súa obra recollendo todo este material. A primeira, Cuentos de la estrella legumbre, publicada por El pregonero, en grampa en 1994, e á que seguirían en 1995 El segador de tus cosas, obra de Ediciones Camaleón, e Noticias para Magüi de Ediciones Malasombra. En 1997 volvería de novo a Ediciones Camaleón onde publicaría o pequeno caderno Estados  carenciales, dentro da colección Terra Incógnita. Olivares aproveita esas colaboracións para experimentar e evolucionar graficamente, e pasar dun debuxo amable a un progresivamente desgarrado, ata chegar a un concepto expresionista da imaxe tremendamente persoal e que perdurou ata os nosos días, aínda que siga evolucionándoo.

Durante a primeira década do 2000 continúa alternando a ilustración con traballos breves e ocasionais para diversas publicacións como La historia del blues, Sonic Cómic, Recto ou TOS. En 2001 verá por fin recompilados en formato álbum algúns dos seus traballos anteriores baixo o título de La caja negra publicado por Ediciones Glénat. En 2005, Media Vaca edita un integral dos Cuentos de la estrella legumbre que nese momento alcanzou as 77 pezas. En 2005 tamén será publicado o seu primeiro cómic para nenos: Astro, valiente explorador  na colección BD Banda. Neste ámbito, tamén cabe destacar a serie María Misterio que, xunto a Bernardo Vergara, levou a cabo para a revista Tretzvents en 2004 e, posteriormente, para a revista FIZ. A estas obras seguiría en 2007 a recompilación das crónicas de Ono y  Hop a cargo de Dibbuks.

No 2009, dentro da colección Clásicos en cómic, debuxa para SM unha adaptación á banda deseñada do Extraño caso del doctor Jekyll y míster Hyde, co guionista Santiago García. Un traballo que anticipa outro que leva anos preparando co mesmo guionista: Las meninas, biografía do cadro de Velázquez e do seu autor, cuxa publicación en 2014 reporta aos autores multitude de premios, entre eles o Premio Nacional de Cómic en 2015.

O recoñecemento que lle proporciona esa obra fai que aumenten as súas encargas como ilustrador de libros, sen que por iso deixe de facer bandas deseñadas breves mentres prepara outra obra importante con Santiago García: La cólera, publicada en 2019, onde queda analizada e actualizada a historia e o mito de Aquiles.

O seu último traballo é Warburg & Beach, a partir de textos de Jorge Carrión, e onde se fala da relación entre o historiador Aby Warburg e a libreira Sylvia Beach a principios do século XX, así como dos proxectos culturais que nacerían deles.

Bibliografía esencial

2001 | La caja negra (Ediciones Glénat)

2005 | Astro, valiente explorador (Faktoría K de Libros)

2007 | Las crónicas de Ono y Hop (Dibbuks)

2009 | El extraño caso del doctor Jekyll y mister Hyde  (Ediciones SM)

2014 | Las meninas (Astiberri)

2020 | La cólera  (Astiberri)

2021 | Warburg & Beach (Salamandra)

Máis info en…

JAVIER OLIVARES2021-07-27T12:58:40+02:00

FERNANDO LLOR

2021-07-27T12:58:19+02:00

FERNANDO LLOR

FERNANDO LLOR

Biografía

Fernando Llor (Vigo, 1982), é diplomado pola Escola Superior de Artes Cinematográficas de Galicia, e traballou como redactor de contidos para varias empresas e como profesor de escritura cinematográfica e  camarógrafo. O seu debut profesional na banda deseñada prodúcese en 2014 coa publicación de Teluria 108 xunto a Alejandro Muñoz para Ediciones Babylon e, tras gañar ese mesmo ano, xunto a René Valiñas ao debuxo, un concurso convocado por Libros.com coa historieta Nyx, los sueños de la diosa. Desde entón, comeza a desenvolver unha incesante actividade como guionista, divulgador e docente. Así,en 2016, ademais de publicar Ojos grises xunto a Roger Vidal e Alex Batlle, entra a formar parte da escola de cómic O Garaxe Hermético, encargándose de impartir clase sobre guión de banda deseñada.

En 2017 publica Sangre en el suelo, un  thriller realizado xunto a oito debuxantes nos que cada un encárgase de debuxar unha das pezas do crebacabezas de xénero negro armado por Llor e ambientado nos Estados Unidos de 1937.

2018 é o ano en que ven a luz El último día, adaptación da novela de zombis de J. P. González, a cargo de Llor e Anxo  Bernuy, e El espíritu del Escorpión, unha das súas obras máis celebradas ata a data. Nela, Llor, con Pablo Cabalo ao debuxo, parte dun episodio real da vida do criminal de guerra Radovan  Karadzic, ex presidente da República Sprska en Bosnia e responsable da matanza de Srebrenica na que morreron 8.000 musulmáns bosníacos, para armar un interesante xogo de ficción. Karadzic, tras a súa fuxida, permaneceu oculto durante máis dunha década facéndose pasar por un terapeuta enerxético chamado Dragan Dabic, e é esta identidade a que Llor e Cabalo utilizan para construír un relato sobre a guerra, o engano, a memoria e, sobre todo, a identidade, a través dos ollos de Jasmina, unha muller con problemas de infertilidade á que trata o suposto doutor. Por El espíritu del Escorpión, Llor obtén o premio José Sanchis Grau ao mellor guionista nacional na Heroes Cómic Con de Valencia de 2019.

No 2019, ademais de publicar La pieza, xunto a Rafa Vargas, unha ficción histórica sobre un intento de destrución do Guernica, e La confesión, con debuxos de Román López-Cabrera, un relato con tinguiduras eróticas sobre os segredos nun pequeno pobo na era dixital, únese como membro fundador á Asociación Profesional de Guionistas de Cómics, ARGH! que fará a súa primeira aparición pública nas X Xornadas de Autores en Viñetas na cidade sevillana de Carmona.

En 2020 tras lanzar Korubaku de novo xunto a Alejandro Muñoz, unha historia xuvenil de ciencia ficción espacial para o mercado francobelga, métese de cheo no cómic biográfico con Subnormal, unha historia de acoso escolar xunto a Miguel Porto, libro que relata a historia de Iñaki Zubizarreta, ex xogador da ACB, que sufriu bullying durante a súa infancia precisamente polas calidades que, anos despois, levaríanlle a converterse en xogador de baloncesto profesional.

Xa en 2021 publica xunto a Esteban Hernández Plot Point, unha sátira sobre o mundo audiovisual actual, onde un actor en horas baixas e o seu grupo de colegas, deciden secuestrar á showrunner máis importante do momento para que escriba e deseñe para eles o atraco perfecto.

A súa obra máis recente, Humor artificial, con debuxos de Miguel Hernández, aborda o significado da paternidade e reflexiona sobre o amor nunha distopía a medio camiño entre o costumismo e o cyberpunk.

Ademais de dar clase en O Garaxe Hermético, Fernando Llor escribe unha columna de opinión no espazo Sala de Peligro do xornal El Español e mantén o blogue sobre técnicas de guión de banda deseñada Escribiendo Cómics.

Bibliografía esencial

2014 | Teluria 108 (Ediciones Babylon)

2014 | Nyx, los sueños de la diosa  (Libros.com)

2016 | Ojos grises (Panini)

2017 | Sangre en el suelo (The Rocketman Project)

2018 | El último día (The Rocketman Project)

2018 | El espíritu del escorpión (Evolution Comics)

2019 | La confesión  (The Rocketman Project)

2019 | La pieza (Evolution Comics)

2020 | Subnormal, una historia de acoso escolar (Evolution Comics)

2021 | Plot Point (Retranca Editora / Nuevo Nueve)

2021 | Humor Artificial (Dolmen)

Más info en…

FERNANDO LLOR2021-07-27T12:58:19+02:00

Viñetas desde o Atlántico 2021

2021-07-12T11:28:27+02:00

9 a 15 agosto 2021

“Viñetas desde o Atlántico” celébrase anualmente no mes de agosto na Coruña desde o ano 1998 e está dentro das actividades da Concellería de Cultura do Concello da Coruña.

O amplísimo conxunto de exposicións, artistas invitados, e charlas e conferencias pretenden dar unha visión o máis ampla posible do mundo do cómic a nivel internacional.

Estas actividades eminentemente culturais compleméntanse coa feira de libreiros e editores. Tamén nela se realizan presentacións de novidades editoriais e actividades lúdicas.
Durante a semana do festival, A Coruña vístese de cómic e toda a vida da cidade se contaxia do espírito da historieta.

O noso emblema é a Torre de Hércules, o faro máis antigo do mundo en funcionamento e Patrimonio da Humanidade.

A entrada ás exposicións (excepto Torre de Hércules) e conferencias, e o acceso á feira e as súas actividades, son totalmente gratuitos.

¡Máis información en próximos días!

Viñetas desde o Atlántico 20212021-07-12T11:28:27+02:00

COMO O MÁIS EFICAZ DOS SUPERHEROES QUE TRANSITAN O CÓMIC, VIÑETAS DESDE O ATLÁNTICO SOUBO CONXURAR O MAL E A PESARES DA PANDEMIA CLAUSURA HOXE A EDICIÓN MÁIS COMPLEXA E ESTRAÑA

2020-08-23T13:33:28+02:00

O XXIII Salón Internacional do Cómic de A Coruña pecha esta tarde

COMO O MÁIS EFICAZ DOS SUPERHEROES QUE TRANSITAN O CÓMIC, VIÑETAS DESDE O ATLÁNTICO SOUBO CONXURAR O MAL E A PESARES DA PANDEMIA CLAUSURA HOXE A EDICIÓN MÁIS COMPLEXA E ESTRAÑA

Desde a organización, que desde o minuto un e pese ás circunstancias empeñouse en ver a botella medio chea, destacan a actitude cómplice da cidadanía cara ao festival e expresan o seu agradecemento infinito aos autores que no medio da situación xeral quixeron achegarse á cidade para departir cos seus seguidores.

Todas as exposicións de Viñetas seguirán abertas ao público ata o 13 de setembro.

A Coruña, 22 de agosto de 2020.

Cando esta tarde chegue ao seu fin e peche oficialmente a  XXIII edición do Salón Internacional  do Cómic Viñetas desde o Atlántico, dedicada ao cómic infantil e xuvenil, estará a rematar o festival máis estraño de toda a súa historia, o que transitou no medio dunha pandemia mundial que estivo a piques de impedir a súa celebración e que  multiplicou ata o infinito as dificultades de organización do encontro. Pero a organización de Viñetas, como o máis eficaz dos superheroes que transitan a arte do cómic, soubo conxurar o mal e apostar por ver a botella medio chea, facendo posible un Viñetas desde o Atlántico case case normal. Destácao así o seu director, o debuxante Miguelanxo Prado: “Tivemos claro que ou non se podía facer ou, se se facía, veriamos a botella medio chea desde o minuto un; a domingo podemos dicir que a botella está case chea; a actitude do público foi excepcional, mantendo un comportamento cívico e de respecto ás normas sociosanitarias impostas exemplar, iso é o que nos permitiu manter o festival en marcha estes sete días”. Afeitos ás salas de exposicións cheas de afeccionados, ás colas quilométricas para as firmas ou a ver a sala de charlas  a rebousar de afeccionados nas anteriores edicións, toda a organización de Viñetasentende e agradece o esforzo da cidadanía en respectar as limitacións marcadas.

O máximo responsable de Viñetas desde o Atlántico quere tamén deixar patente o seu agradecemento infinito aos autores que acudiron  presencialmente estes días á cidade, Agustín Ferrer Salas, Enrique V.VegasXulia Vicente. “Sabemos o complicado da decisión de achegarse a Coruña nas circunstancias nas que se atopa todo o país e por suposto que entendemos aos que finalmente non puideron vir”. “Para Viñetas foi moi bonito poder colgar no Kiosco Alfonso a obra de  Xulia Vicente, unha autora que coñecemos como  preadolescente nas primeiras edicións do salón”, destaca Prado.

Pero hai máis complicidades que agradecer. Os medios de comunicación, sempre atentos co festival, axudaron máis ca nunca a transmitir esta idea de esforzo colectivo por parte de afeccionados, autores, organización e institucións.

Desde o punto de vista do contido, para a organización foi unha alegría inmensa poder atesourar estes días a inmensa produción de cómic infantil que na actualidade estase a publicar en España. “Calquera que visite Palexco poderá comprobar a cantidade, calidade e variedade das propostas; desde Viñetas esperamos que esas exposicións sirvan de catálogo para que calquera adulto que queira iniciar aos seus pequenos no mundo da Banda Deseñada poidan saber que elixir, que regalar”.

“Confiamos en que a edición 2020 de Viñetas sexa unha anomalía na historia do festival. A continuidade do festival internacional que converte cada agosto Coruña na capital mundial do cómic, está máis que asegurada”, conclúen desde a organización.

COMO O MÁIS EFICAZ DOS SUPERHEROES QUE TRANSITAN O CÓMIC, VIÑETAS DESDE O ATLÁNTICO SOUBO CONXURAR O MAL E A PESARES DA PANDEMIA CLAUSURA HOXE A EDICIÓN MÁIS COMPLEXA E ESTRAÑA2020-08-23T13:33:28+02:00

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS

2020-08-21T13:02:10+02:00

Vegas e Ferrer departirán cos afeccionados ás 18.15 e ás 19.30 horas, respectivamente

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS

Na sesión de sinaturas, que terá lugar na carpa de actividades ubicada na Rúa da BD, diante do Kiosco Alfonso,  permitirase só unha persoa por autor dentro do recinto. O resto dos afeccionados terán que agardar a súa quenda fóra e cumprir coas normas sanitarias xa coñecidas: uso obrigado de máscara,  mantemento da distancia de seguridade e lavado de mans con xel hidroalcóolico antes de entrar na carpa.

O aforo para ás charlas está limitado a 18 persoas, pero pódense seguir en directo en liña a través da páxina web do Festival e Facebook Live. Os pases para asistir presencialmente repartiránse na entrada do Kiosco por orde de chegada desde media hora antes de cada encontro.

O historietista segoviano Enrique Vicente Vegas é famoso polas súas versións paródicas de películas e cómics de éxito, cuxos protagonistas converte en regordetes e cabezóns. Agustín Ferrer Casas é o autor da novela gráfica MIES, biopic sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

A Coruña,  21 de agosto de 2020.

A xornada de mañá sábado, penúltima da  23 edición de Viñetas desde o Atlántico, será a máis parecida ás citas sabatinas das edicións anteriores. Terá prácticamente todos os ingredientes que caracterizan o Salón Internacional do Cómic da Coruña, os que o teñen feito merecedor da súa sona nacional e internacional. Asemade das exposicións de orixinais, as figuras na rúa e a feira editorial, haberá charlas coloquio cos autores convidados e tamén sesión de firmas, a primeira e única de este ano. Os debuxantes Enrique Vegas e Agustín Ferrer Casas departirán cos afeccionados na sala de conferencias do Kiosco Alfonso, ás 18.15 y 19.30 horas, respectivamente e, xunto coa tamén autora convidada, a galega Xulia Vicente, asinarán exemplares das súas obras pola mañá, entre as 12 y as 13.30 horas, na carpa de actividades do Festival.

As charlas,  a sesión de firmas e o resto de actividades do Salón Internacional están condicionadas pola especial situación sanitaria a causa da pandemia que estamos a sufrir. No caso das sinaturas de exemplares por parte dos autores, os afeccionados terán que agardar no exterior da carpa na que só poderá entrar unha persoa por debuxante. O resto de interesados deberán esperar fóra o súa quenda, cumprindo todas as medidas sanitarias obrigatorias: uso de máscara, mantemento da distancia de seguridade e lavado de mans con xel hidroalcóolico antes de entrar. A sesión rematará ás 13.30 horas. O aforo para asistir presencialmente ás charlas está limitado a só 18 persoas, aínda que todos os interesados en escoitar aos autores poden facelo en liña a través da propia web do Festival e FACEBOOK LIVE. Os pases para entrar á sala repartiránse na entrada do Kiosco por orde de chegada desde media hora antes dos respectivos encontros.

“Estamos a poñer todo o noso empeño para poder realizar un festival o máis parecido ao Viñetas que todos coñecedes pero as circunstancias que estamos a vivir a nivel nacional non nolo están poñendo fácil”, alega  a organización del Salón Internacional coruñés. De calquera forma, destacan o bó comportamento e complicidade dos aficionados nos accesos ás salas de exposicións e a Rúa do BD, respetando en todo momento as medidas sociosanitarias impostas.

O historietista segoviano Enrique Vicente Vegas (Enrique V. Vegas) é famoso polas súas versións paródicas de películas e cómics de éxito – Spider-Man,  Hulk, X-Men,  Hellboy, Piratas de Caribe,  Star  Wars-, cuxos protagonistas son nas súas creacións gordechos e cabezóns. Ademáis das súas recreacións humorística de historias cinematográficas como Bill Kill, a triloxía de Cabezones das Galaxias, Residente Vil, Bull Damn City, Os Cabezones do Caribe, Punicher e a triloxía  Cabezón Jones, Capitán Cabezón e Thor, na bibliografía de Vegas está tamén Kobe, a súa serie máis persoal, ambientada no Xapón feudal. Con ela obtivo o premio ao mellor autor revelación no Salón do Cómic de Barcelona, no ano 2004. Ten participado en obras colectivas como Bull Damn City, na que colaborou o seu  irmán, Juanmi Vegas, e Sustentum. Historias que se sostienen para a Consellería de Medio Ambiente de Cantabria. Entre 2005 e 2008 realizou unha viñeta semanal para o xornal Gente Santander. Os orixinais das súas obras que se exhiben nesta edición de Viñetas colgan nas paredes da sede central do Salón, o Kiosco Alfonso.

Agustín Ferrer Casas é licenciado en Arquitectura e debuxante e guionista autodidacta. Labrou a súa carreira como creador de historietas profesional compaxinando os seus estudos e posteriormente o seu traballo coa presentación a numerosos concursos de cómic. Desta forma logrou atesourar ata trinta galardóns. MIES, cuxos orixinais colgan nas paredes da Sala Municipal de Exposicións do Pazo de María Pita, é o seu último traballo. Trátase dunha biografía ficcionada sobre o arquitecto alemán Mies van der Rohe. A novela gráfica fai un percorrido pola vida e obra do arquitecto, coincidindo cunha tripe celebración: o 50 aniversario da súa morte, o 90 da construción do Pabellón de Alemania para a Exposición Internacional de Barcelona e o centenario da creación da mítica escola Bauhaus, que Van der Rohe dirixiu na súa última etapa. MIES foi galardoada na IX edición dos Premios do Cómic Aragonés do XVIII Salón do Cómic de Zaragoza o pasado ano 2019.

VIÑETAS DESDE O ATLÁNTICO RECUPERA MAÑÁ SÁBADO ÁS DOCE OUTRO DOS SEUS INGREDIENTES CLÁSICOS: A SESIÓN DE FIRMAS COS AUTORES CONVIDADOS2020-08-21T13:02:10+02:00

CON UN AFORO MOI LIMITADO POR MOR DA PANDEMIA, OS AFECCIONADOS PODERÁN DISFRUTAR MAÑÁ DA PRIMEIRA CHARLA COLOQUIO DE VIÑETAS 2020, NESTA OCASIÓN COA DEBUXANTE GALEGA XULIA VICENTE

2020-08-20T10:41:37+02:00

O encontro coa xoven autora de Elisa e Marcela será retransmitido en liña a través da páxina web do Festival

CON UN AFORO MOI LIMITADO POR MOR DA PANDEMIA, OS AFECCIONADOS PODERÁN DISFRUTAR MAÑÁ DA PRIMEIRA CHARLA COLOQUIO DE VIÑETAS 2020, NESTA OCASIÓN COA DEBUXANTE GALEGA XULIA VICENTE

Os pases para asistir ao vivo á charla, só dezaoito,  repartiránse na entrada do Kiosco Alfonso por riguroso orden de chegada desde media hora antes e, unha vez completado o aforo, impedirase o acceso á sala.

Tamén mañá venres presentarase o cuarto número do fanzine de Amnistía Internacional Nai dos Desterrados, sobre as violacións dos Dereitos Humanos no mundo e cuxos orixinais móstranse na carpa de actividades do Festival. A presentación será nese mesmo recinto, ás 19 horas.

A organización recomenda ao público non deixar de visitar, na Sala de Exposicións do Pazo de María Pita, a mostra de orixinais da novela gráfica “MIES”, o  biopic que Agustín Ferrer Casas publicou sobre o arquitecto Mies van  der  Rohe, último director da Bauhaus, a escola berce da arquitectura moderna.

De visita obrigada é, asemade, a exposición dos últimos premios Castelao de Banda Deseñada da  Deputación da Coruña, outorgados a Alberto Vázquez e Martín Romero, na Sala Salvador de Madariaga, na rúa Durán Loriga.

A Coruña,  20 de agosto de 2020.

Ainda que con un calendario e un aforo moi reducido, a 23 edición de Viñetas desde o Atlántico, marcada polas restricións que impón a pandemia causada polo coroavirus, non renuncia a unha das súas señas de identidade, ofrecer aos afeccionados a posibilidade de departir cos autores. A debuxante galega, Xulia Vicente, protagonizará mañá venres a primeira das charlas coloquio. Será a partir das 19.30 horas, na Sala de Conferencias da sede central do Festival Internacional, o Kiosco Alfonso.

O aforo do recinto estará limitado a un máximo de 18 persoas, polo que a organización ven de arbitrar un sistema de entradas para poder acceder ao mesmo. Os pases repartiránse no acceso ao Kiosco por riguroso orden de chegada desde media hora antes e, unha vez repartidos e completado o aforo impedirase o acceso á sala. De calquer xeito, os interesados en escoitar á autora convidada poderán facelo en liña, a través da páxina web do Festival, www.vinetasdesdeoatlantico.com

A pesar da súa xuventude (Cariño,1993), Xulia Vicente, que acaba de sorprender co seu último traballo, no que por encargo do Consello  Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. É a autora da novela gráfica Anna Dédalus: el misterio de la mansión quemada, xunto a Miguel Angel Giner e Nuria Tamarit, coa que tamén asinou o cómic Duerme pueblo. Esta creadora coruñesa colaborou coa revista  Jot Down,  Arrós NegreLis en Fleur ou Meinstrim e é cofundadora do  fanzine Sapoconcho.

Presentación do Fanzine “Nai dos Desterrados” de Amnistía Internacional

Tamén mañá venres, ás 19 horas, presentarase na carpa de actividades do Festival (na Rúa da BD, fronte ó Kiosco Alfonso) o cuarto número do fanzine de Amnistía Internacional sobre Dereitos Humanos no mundo titulado Nai dos Desterrados. Ademáis, e por primeira vez, os orixinais da publicación colgan este ano das paredes da carpa, formando parte da oferta expositiva desta edición do Salón. No fanzine participan de maneira altruista un bo número de creadores, que ceden á organización a súa particular visión das violacións que sofren en distintas partes do mundo os Dereitos Humanos e a defensa que particulares, organizacións e movementos fan deles. Neste cuarto número participan os artistas Blanca Vila, Faks, Ness Morais, Ismael López, Xela G. Carballo, Miguel Cuba, Cristina López (Venus Edge), Rubén Rial y Luis Sendón.

A organización de Viñetas recomenda ao público que non deixe de visitar a Sala de Exposicións do Pazo Municipal de María Pita onde colgan os orixinais da novela gráfica MIES,  biopic publicado por Agustín Ferrer Casas sobre o arquitecto Mies van der Rohe, o derradeiro director da Escola Bauhaus, considerada berce da arquitectura moderna que o pasado ano cumpliu cen anos de existencia. “Unha auténtica ledicia e un manual de como facer unha biografía en cómic”, en palabras do director do Festival, Miguelanxo Prado.

Tamén é de visita obrigada a exposición dos últimos premios Castelao de Banda Deseñada da  Deputación da Coruña, outorgados aAlberto Vázquez e Martín Romero, cuxas obras colgan na Sala de Exposicións Salvador de Madariaga, na rúa Durán Loriga. Alberto Vázquez, dono de tres Premios Goya por obras como  Birdboy,  Psiconautas ou Decorado, é un dos autores máis recoñecidos no panorama galego. O ilustrador Martín Romero  é o primeiro premiado co Castelao infantil e xuvenil.

A Torre de Hércules é outra das singulares salas de exposición do Salón Internacional. Alí, como nun xogo de espellos, pódese facer un percorrido polos carteis da historia de Viñetas desde o Atlántico: lembremos que a única condición que se lle impón aos autores convidados á hora de deseñar o cartel é que na súa proposta figure o emblemático faro. Vinte e tres xoias en gran formato rubricadas por algúns dos debuxantes máis reputados do panorama nacional e internacional. A última, o cartel anunciador da presente edición, é obra do mexicano Tony Sandoval, convidado do Viñetas desde o Atlántico 2019.

CON UN AFORO MOI LIMITADO POR MOR DA PANDEMIA, OS AFECCIONADOS PODERÁN DISFRUTAR MAÑÁ DA PRIMEIRA CHARLA COLOQUIO DE VIÑETAS 2020, NESTA OCASIÓN COA DEBUXANTE GALEGA XULIA VICENTE2020-08-20T10:41:37+02:00

AS PRINCIPAIS EDITORIAIS ESPECIALIZADAS EN CÓMIC INFANTIL E XUVENIL ACHÉGANOS NA SALA PALEXCO Á VARIADA OFERTA DE BANDA DESEÑADA ADICADA AOS MÁIS NOVOS

2020-08-19T13:51:39+02:00

O XXIII Salón Internacional do Cómic da Coruña enfronta o seu ecuador no medio, e a pesares, das especiais condicións que impón a pandemia do coronavirus

AS PRINCIPAIS EDITORIAIS ESPECIALIZADAS EN CÓMIC INFANTIL E XUVENIL ACHÉGANOS NA SALA PALEXCO Á VARIADA OFERTA DE BANDA DESEÑADA ADICADA AOS MÁIS NOVOS 

Este ano, sen dúbida, a máis especial da súa historia, Viñetas pon o foco no espazo temporal no que se sementa a afección á banda deseñada, o cómic infantil e xuvenil.

Palexco acolle unha variadísima colección de orixinais de diversos autores, seleccionados polas editoriais Brúfalo Lector/Cúpula,  Astronave/Norma, Astiberri, Mamut/Bang e Nuevo Nueve.

As exposicións da sala do porto coruñés mostran creacións de Katie O’Neill, Bonache, Ricardo Peregrina, David Ramírez, Ana Miralles Emilio Ruiz, Lorena Álvarez, Adrien Albert, Julia Billet, Claire Fauvel, Ana Miralles e Emilio Ruiz, Lorena Álvarez, Adrien Albert, Natalia Colombo, Fermín Solís, Artur Laperla, Jacobo Fernández, Mathilde Domecq e Mr. Tan.

A organización lembra ao público a obrigatoriedade de cumprir con todas as normas que impoñen as autoridades sanitarias: lavado de mans, uso obrigatorio de máscara, manter a distancia de seguridade e respeto ao límite de aforo. 

A Coruña, 19 de agosto de 2020.

O Salón Internacional do Cómic da Coruña Viñetas desde o Atlántico enfronta o ecuador da súa XXIII edición, condicionado pola pandemia que estamos a sufrir e, a pesar da cal, mantén a súa cita anual, baixo a premisa, eso sí, do respeto riguroso a todas as medidas impostas polas autoridades sanitarias. Nesta edición, sen dúbida, a máis espacial da súa historia a causa da Covid-19, Viñetas pon o foco no espazo temporal no que se sementa a afección á banda deseñada, o cómic infantil e xuvenil. As principais editoriais españolas, Brúfalo lector/La Cúpula, Astronave/Norma, Astiberri, Mamut/Bang e Nuevo Nueve, especializadas en publicacións tanto nacionais como internacionais dirixidas aos lectores máis novos, expoñen na Sala Municipal de Exposicións Palexco (Muelle de Transatlánticos) orixinais de obras dirixidas a este segmento do público, asinadas polos seus creadores máis destacados.

As paredes da sala do porto coruñés están cheas dun auténtico “catálogo” da variada oferta editorial que hai no mercado para o público infantil e xuvenil. “A exposición mostra toda as opcións. Pode axudar a moitos adultos que a vexan a elexir a opción máis axeitada para introducir aos séus fillos, netos, sobriños, amigos…no mundo da banda deseñada”, sinala o director do Festival, Miguelanxo Prado.

Brúfalo Lector/ La Cúpula expon a obra de Katie O’Neill, ilustradora neozelandesa autora de Érase una vez dos princesas, Bahía Acuicornio, La Sociedad de los Dragones de Té (galardonada con dous premios Eisner) e El Festival de los Dragones de Té. Astronave/Norma mostra pezas de Bonache, Ricardo Peregrina, David Ramírez e láminas de La Guerra de Catherine de Julia Billet e Claire Fauvel.

Pola súa banda, Astiberri achegaranos ao talento creativo de Ana Miralles e Emilio Ruiz, Lorena Álvarez, e Adrien Albert, mentres que Mamut/Bang colga orixinais de Babita, de Natalia Colombo, Astroratón, de Fermín Solís, de Superpatata, de Artur Laperla, e de Marcopola de Jacobo Fernández. Por último, a editorial Nuevo Nueve permítenos mergullarnos na obra Shaker Monster de Mathilde Domecq e Mr. Tan, e ao tempo deleitar aos máis pequenos cunha mostra colectiva de Marsupilami.

A organización lembra ao público que se achegue a ver esta exposición e o resto das mostras de Viñetas desde o Atlántico a obrigatoriedade de cumprir con todos as normas que impoñen as autoridades sanitarias: lavado de mans, uso obrigado de máscara, manter a distancia de seguridade e respeto ao límite de aforo. O chan da sala Palexco ten marcado o percorrido de entrada é saída ao recinto, o que fai a visita ordenada e segura para os afeccionados. Ata o de agora, e tal e coma resalta a organización de Viñetas desde o Atlántico, o comportamento e a compricidade do público está a ser exemplar.

AS PRINCIPAIS EDITORIAIS ESPECIALIZADAS EN CÓMIC INFANTIL E XUVENIL ACHÉGANOS NA SALA PALEXCO Á VARIADA OFERTA DE BANDA DESEÑADA ADICADA AOS MÁIS NOVOS2020-08-19T13:51:39+02:00

VIÑETAS DESDE O ATLÁNTICO 2020 ABRE LAS PUERTAS EL LUNES ACERCÁNDONOS UNA VARIADA REALIDAD DEL CÓMIC INFANTIL Y JUVENIL NACIONAL E INTERNACIONAL

2020-08-18T12:03:35+02:00

O Salón Internacional do Cómic da Coruña chega a súa vinte e tres edición

VIÑETAS DESDE O ATLÁNTICO 2020 ABRE AS PORTAS O LUNS PARA ACHEGARNOS A VARIADA REALIDADE DO CÓMIC INFANTIL E XUVENIL TANTO NACIONAL COMA INTERNACIONAL

A sede central do festival, o Kiosco Alfonso, mostrarán a obra de Alessandro  Barbucci, Enrique Vegas,  Pau e  Xulia Vicente 

Palexco vaise encher dunha variadísima colección de orixinais de diversos autores, seleccionados polas principais editoriais de banda deseñada infantil e xuvenil, Brúfalo Lector/Cúpula, Astronave/Norma, Astiberri , Mamut/Bang e Nuevo Nueve.  

A Sala de Exposicións do Palacio de María Pita conterá os orixinais da novela gráfica “MIES” o  biopic que Agustín Ferrer Casas publicou sobre o arquitecto Mies van  der  Rohe, último director da Bauhaus, a escola berce da arquitectura moderna 

A carpa de actividades acollerá unha mostra dos orixinais que ao longo de varios números veñen dando corpo ao fanzine que publica Amnistía Internacional sobre ás violacións que sofren os Dereitos Humanos no mundo e a súa obrigada defensa.  

O cartel anunciador deste XXIII Viñetas leva a rúbrica do mexicano Tony  Saldoval, convidado o salón do pasado ano. 

A Coruña, 14 de agosto de 2020

Con máscaras, distancia de seguridade e todas as medidas que as autoridades sanitarias impoñen na loita contra o impacto que o coroavirus está a ter no mundo enteiro, o luns,Viñetas desde o Atlántico abrirá ás súas portas.

Salón Internacional do Cómic Viñetas desde o Atlántico centrarase nesta ocasión no espazo temporal no que se sementa a afección á banda deseñada, o cómic infantil e xuvenil. Para iso, son varias as editoriais que nos achegan orixinais dos seus principais creadores. Brúfalo Lector/ La Cúpula exporá a obra de Katie O’Neill, Astronave/Norma mostra pezas de Bonache, Ricardo Peregrina, David Ramírez e láminas de La Guerra de Catherine de Julia Billet e Claire Fauvel. Pola súa banda, Astiberri achegaranos ao talento creativo de Ana Miralles e Emilio Ruiz, Lorena Álvarez, e Adrien Albert, mentres que Mamut/Bang colgará orixinais de Babita, de Natalia Colombo, Astroratón, de Fermín Solís, deSuperpatata, de Artur Laperla, e de Marcopola de Jacobo Fernández. Por último, a editorial Nuevo Nueve vainos permitir mergullarnos na obra Shaker Monster de Mathilde Domecq e Mr. Tan, ao tempo que fará ás delicias dos cativos cunha mostra colectiva de Marsupilami. 

Pola súa banda. o Kiosco Alfonso cederá gustosamente as súas paredes a catro debuxantes de peso. O primeiro deles, o xenovés  Alessandro Barbucci, creador das series mundialmente coñecidas Sky Dolls  W.I. T. C. H (protagonizada por cinco rapazas adolescentes con poderes) ambas en tándem coa guionista Bárbara  Canepa. Tamén no corazón expositivo de Viñetas colgarán os orixinais de Enrique Vegas, o historietista segoviano famoso polas súas versións paródicas de películas e cómics de éxito,  Spider-Man,  Hulk, X-Men,  Hellboy, Piratas del Caribe,  Star  Wars…cuxos protagonistas son aquí gordechos e cabezóns.

Completan a oferta do Kiosco Alfonso o mallorquino  Pau e a coruñesa  Xulia VicentePau é un recoñecido creador, autor de Las vacas chechenas, con historietas e portadas sucesivas publicadas en revistas como a belga  Spirou ou a española Nosotros somos los muertos. O seu salto internacional chega coa saga de Atlas & Axis e  Ze  Jacky  Touch.

Xulia Vicente, que acaba de sorprender co seu último traballo, no que por encargo do Consello  Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. É a autora da novela gráfica Anna  Dédalus: el misterio de la mansión quemada, xunto a Miguel Angel  Giner e Nuria  Tamarit, coa que tamén asinou o cómic Duerme pueblo. Esta creadora coruñesa colaborou coa revista  Jot Down,  Arrós  NegreLis en  Fleur ou  Meinstrim e é cofundadora do  fanzine  Sapoconcho.

A Sala de Exposicións do Pazo Municipal de María Pita acollerá os orixinais da novela gráfica MIES  biopic publicado por Agustín Ferrer Casas sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

Este ano ademáis, a carpa de presentacións que se instala diante do Kiosco será tamen espazo expositivo. As súas paredes acollerán a mostra dos orixinais que compoñen o fanzine que Amnistía Internacional ven publicando os últimos anos coa Defensa dos Dereitos Humanos coma fio argumental. Nel participan un bo número de creadores que altruistamente ceden á organización a súa particular visión das violacións que sofren en distintas partes do mundo os Dereitos Humanos e a defensa que particulares, organizacións e movementos fan deles.  

Igual ca en anteriores edicións, a Sala de Exposicións Salvador de Madariaga, na rúa Durán Loriga, acollerá os últimos premios Castelao de Banda Deseñada da  Deputación da Coruña, coa mostra dos orixinais das obras de Alberto Vázquez e Martín Romero, gañadores da edición  XIV do certame nas súas correspondentes convocatorias xeral e infantil-xuvenil. Alberto Vázquez, dono de tres Premios Goya por obras como  Birdboy,  Psiconautas ou Decorado, é un dos autores máis recoñecidos no panorama galego. O Premio Castelao foille outorgado pola obra A Caza, na que o xurado destacou o “sólido grafismo utilizado, coa técnica do  sumi-e e tinta chinesa, ademais do debuxo expresivo co que xera unha unidade narrativa e un mundo propio e persoal”. O ilustrador Martín Romero fíxose co Castelao infantil e xuvenil con  Uxio, que explota “as posibilidades narrativas do medio e fai un acertado uso humorístico da filosofía da vida cotiá”.

O fanzine sobre Dereitos Humanos que ven publicando Amnistía Internacional nos últimos anos terá tamén protagonismo no Viñetas 2020. A carpa de actividades e presentacións será este ano un espazo expositivo máis do festival. Nas súas paredes penderán os orixinais que ao longo dos últimos anos veñen cedendo varios creadores á ong, nos que plasman a súa visión particular sobre as violacións dos Dereitos Humanos que, desgrazadamente, sucédense no mundo enteiro, e tamén das historias de superación e de defensa deles.

A Torre de Hércules será, un ano máis, outra das singulares salas de exposición de Viñetas. Alí, como nun xogo de espellos, poderase facer un percorrido polos carteis da historia de Viñetas desde o Atlántico: lembremos que a única condición que se lle impón aos autores convidados á hora de deseñar o cartel é que na súa proposta figure o faro. Vinte e tres xoias en gran formato rubricadas por algúns dos debuxantes máis reputados do panorama nacional e internacional. A última, o cartel anunciador do presente Salón, é obra do mexicano Tony Sandoval, convidado do Viñetas desde o Atlántico no 2019.

Sempre que a evolución da pandemia así o permita e respetando todas as medidas ditadas polas autoridades sanitarias, na semana grande deViñetas desde o Atlántico 2020 (do luns 17 ao 23 de agosto) o festival será espazo de presentacións editoriais. Asemade, programaranse charlas cos autores invitados e a Rúa dá  BD ofrecerá as últimas novidades publicadas. Igual ca sempre, tamén, o fiel exército de personaxes de cómic de todos os tempos xa tomou a cidade. Nesta ocasión e por seguridade pandémica, moitos deles decidiron mergullarse no estanque do Kiosco Alfonso para non tentar ao público a arrechegarse a eles.

Logo de rematar a vertixe comiqueira que vivirá a cidade esta semana, as exposicións continuarán abertas ao público ata o 13 de setembro.

VIÑETAS DESDE O ATLÁNTICO 2020 ABRE LAS PUERTAS EL LUNES ACERCÁNDONOS UNA VARIADA REALIDAD DEL CÓMIC INFANTIL Y JUVENIL NACIONAL E INTERNACIONAL2020-08-18T12:03:35+02:00

VIÑETAS DESDE O ATLÁNTICO 2020 VOLVE A MIRADA CARA AO CÓMIC INFANTIL E XUVENIL, A ORIXE NA QUE PRENDE SOLIDAMENTE A AFECCIÓN POLA BANDA DESEÑADA

2020-08-07T11:36:57+02:00

O  XXIII Salón Internacional do Cómic da Coruña abrirá as súas portas do 17 ao 23 de agosto

VIÑETAS DESDE O ATLÁNTICO 2020 VOLVE A MIRADA CARA AO CÓMIC INFANTIL E XUVENIL, A ORIXE NA QUE PRENDE SOLIDAMENTE A AFECCIÓN POLA BANDA DESEÑADA

As paredes do Kiosco Alfonso mostrarán a obra de  Alessandro  Barbucci, Enrique Vegas,  Pau e  Xulia Vicente.

Este ano Palexco vaise encher dunha variadísima colección de orixinais de diversos autores, seleccionados por catro das principais editoriais de banda deseñada infantil e xuvenil, Cúpula,  Astronave, Astiberri e  Mamut.

Sen querer deixar pasar por alto o centenario da  Bauhaus (2019), a Sala de Exposicións do Palacio Municipal de María Pita conterá os orixinais da novela gráfica “MIES” o  biopic que Agustín Ferrer Casas publicou sobre o arquitecto Mies van  der  Rohe, último director desa escola berce da arquitectura moderna.

O cartel anunciador deste XXIII Viñetas leva a rúbrica do  mexicano Tony  Saldoval, convidado o salón do pasado ano, quen nos fixo gozar das súas obras El cadáver y el Sofá, Epidemia de Melancolía ou La serpiente de agua.

A Coruña,  7 de agosto de 2020

Os personaxes enmascarados transitan decote polo mundo do cómic infantil e xuvenil. As ameazas globais e os inimigos invisibles son carne ben frecuente de guión. Así que, tal e como explica o seu director, Miguelanxo Prado, non parecía moi lóxico que a pandemia do coroavirus obrigase aos miles de afeccionados a renunciar a Viñetas desde o Atlántico, o Salón Internacional coruñés que este agosto alcanza a súa edición número vinte e tres. Con todas as medidas necesarias, tanto sanitarias como sociais, e adaptando esta proposta cultural do Concello da Coruña á excepcional situación en que se atopa o mundo enteiro, Viñetas desde o Atlántico abrirá as súas portas o luns 17 de agosto.

Salón Internacional do Cómic Viñetas desde o Atlántico centrarase nesta ocasión no espazo temporal no que se sementa a afección á banda deseñada, o cómic infantil e xuvenil. Para iso, catro das principais editoriais dedicadas a ese segmento, Cúpula, Astronave, Astiberri e  Mamut, encherán de orixinais dos seus principais creadores a sala de exposicións de Palexco. Cúpula, por exemplo, achegará aos afeccionados que visiten Viñetas a obra de  Katie O’Neil, a ilustradora  neocelandesa autora de Érase una vez dos princesasBahía  AcuicornioLa Sociedad de los  Dragones de Té (galardoada con dous premios Eisner) e da súa segunda entrega El Festival de los  Dragones de Té.

Pola súa banda. o Kiosco Alfonso cederá  gustosamente as súas paredes a catro debuxantes de peso. O primeiro deles, o xenovés  Alessandro  Barbucci, creador das series mundialmente coñecidas Sky Dolls  W.I. T. C. H (protagonizada por cinco rapazas adolescentes con poderes) ambas en tándem coa guionista Bárbara  Canepa. Tamén no corazón expositivo de Viñetas colgarán os orixinais de Enrique Vegas, o  historietista segoviano famoso polas súas versións paródicas de películas e cómics de éxito,  Spider-Man,  Hulk, X-Men,  Hellboy, Piratas del Caribe,  Star  Wars…cuxos protagonistas son aquí gordechos e cabezóns.

Completan a oferta do Kiosco Alfonso o mallorquino  Pau e a coruñesa  Xulia VicentePau é un recoñecido creador, autor de Las vacas chechenas, con historietas e portadas sucesivas publicadas en revistas como a belga  Spirou ou a española Nosotros somos los muertos. O seu salto internacional chega coa saga de Atlas & Axis e  Ze  Jacky  Touch.

Xulia Vicente, que acaba de sorprender co seu último traballo, no que por encargo do  Consello  Galego de Cultura levou á linguaxe da banda deseñada a historia de amor e liberdade de Elisa e Marcela, ten xa unha traxectoria asentada. É a autora da novela gráfica Anna  Dédalus: el misterio de la mansión quemada, xunto a Miguel Angel  Giner e Nuria  Tamarit, coa que tamén asinou o cómic Duerme pueblo. Esta creadora coruñesa colaborou coa revista  Jot Down,  Arrós  NegreLis en  Fleur ou  Meinstrim e é cofundadora do  fanzine  Sapoconcho.

A Sala de Exposicións do Pazo Municipal de María Pita acollerá os orixinais da novela gráfica MIES  biopic publicado por Agustín Ferrer Casas sobre o arquitecto Mies van der Rohe, o derradeiro director da Escola Bauhaus, berce da arquitectura moderna, que o pasado ano cumpliu cen anos de existencia.

Igual ca en anteriores edicións, a Sala de Exposicións Salvador de Madariaga, na rúa Durán Loriga, acollerá os últimos premios Castelao de Banda  Deseñada da  Deputación da Coruña, coa mostra dos orixinais das obras de Alberto Vázquez e Martín Romero, gañadores da edición  XIV do certame nas súas correspondentes convocatorias xeral e infantil-xuvenil. Alberto Vázquez, dono de tres Premios Goya por obras como  Birdboy,  Psiconautas ou Decorado, é un dos autores máis recoñecidos no panorama galego. O Premio Castelao foille outorgado pola obra A Caza, na que o xurado destacou o “sólido  grafismo utilizado, coa técnica do  sumi-e e tinta chinesa, ademais do debuxo expresivo co que xera unha unidade narrativa e un mundo propio e persoal”. O ilustrador Martín Romero fíxose co Castelao infantil e xuvenil con  Uxio, que explota “as posibilidades narrativas do medio e fai un acertado uso humorístico da filosofía da vida cotiá”.

A Torre de Hércules será, un ano máis, outra das singulares salas de exposición de Viñetas. Alí, como nun xogo de espellos, poderase facer un percorrido polos carteis da historia de Viñetas desde o Atlántico: lembremos que a única condición que se lle impón aos autores convidados á hora de deseñar o cartel é que na súa proposta figure o faro. Vinte e tres xoias en gran formato rubricadas por algúns dos debuxantes máis reputados do panorama nacional e internacional. A última, o cartel anunciador do presente Salón, é obra do mexicano Tony Sandoval, convidado do Viñetas desde o Atlántico no 2019.

Viñetas desde o Atlántico 2020 será tamén espazo de presentacións editoriais, como é o caso do  fanzine de Amnistía Internacional sobre Dereitos Humanos. Igual ca sempre, o exército de personaxes de cómic de todos os tempos tomará as rúas da cidade, programaranse charlas cos autores invitados e a Rúa dá  BD ofrecerá as últimas novidades publicadas… Sempre, tal e como sinalan desde a organización, baixo as condicións que impoña asegurar a protección social e sanitaria fronte ao coroavirus. Logo de rematar a vertixe comiqueira que vivirá a cidade entre o 17 e o 23 de agosto, as exposicións continuarán outro mes abertas ao público.

VIÑETAS DESDE O ATLÁNTICO 2020 VOLVE A MIRADA CARA AO CÓMIC INFANTIL E XUVENIL, A ORIXE NA QUE PRENDE SOLIDAMENTE A AFECCIÓN POLA BANDA DESEÑADA2020-08-07T11:36:57+02:00
Go to Top